| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૬. અટ્ઠઙ્ગિકસુત્તં
6. Aṭṭhaṅgikasuttaṃ
૧૧૨. સાવત્થિયં વિહરતિ…પે॰… ‘‘ધાતુસોવ, ભિક્ખવે, સત્તા સંસન્દન્તિ સમેન્તિ. મિચ્છાદિટ્ઠિકા મિચ્છાદિટ્ઠિકેહિ સદ્ધિં સંસન્દન્તિ સમેન્તિ; મિચ્છાસઙ્કપ્પા…પે॰… મિચ્છાવાચા… મિચ્છાકમ્મન્તા… મિચ્છાઆજીવા… મિચ્છાવાયામા… મિચ્છાસતિનો … મિચ્છાસમાધિનો મિચ્છાસમાધીહિ સદ્ધિં સંસન્દન્તિ સમેન્તિ. સમ્માદિટ્ઠિકા સમ્માદિટ્ઠિકેહિ સદ્ધિં સંસન્દન્તિ સમેન્તિ; સમ્માસઙ્કપ્પા…પે॰… સમ્માવાચા… સમ્માકમ્મન્તા… સમ્માઆજીવા… સમ્માવાયામા… સમ્માસતિનો… સમ્માસમાધિનો સમ્માસમાધીહિ સદ્ધિં સંસન્દન્તિ સમેન્તી’’તિ. છટ્ઠં.
112. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Micchādiṭṭhikā micchādiṭṭhikehi saddhiṃ saṃsandanti samenti; micchāsaṅkappā…pe… micchāvācā… micchākammantā… micchāājīvā… micchāvāyāmā… micchāsatino … micchāsamādhino micchāsamādhīhi saddhiṃ saṃsandanti samenti. Sammādiṭṭhikā sammādiṭṭhikehi saddhiṃ saṃsandanti samenti; sammāsaṅkappā…pe… sammāvācā… sammākammantā… sammāājīvā… sammāvāyāmā… sammāsatino… sammāsamādhino sammāsamādhīhi saddhiṃ saṃsandanti samentī’’ti. Chaṭṭhaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૬. અટ્ઠઙ્ગિકસુત્તવણ્ણના • 6. Aṭṭhaṅgikasuttavaṇṇanā
