| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૬. કિલેસસંયુત્તં
6. Kilesasaṃyuttaṃ
૧. ચક્ખુસુત્તં
1. Cakkhusuttaṃ
૩૨૨. સાવત્થિનિદાનં . ‘‘યો, ભિક્ખવે, ચક્ખુસ્મિં છન્દરાગો, ચિત્તસ્સેસો ઉપક્કિલેસો. યો સોતસ્મિં છન્દરાગો, ચિત્તસ્સેસો ઉપક્કિલેસો. યો ઘાનસ્મિં છન્દરાગો, ચિત્તસ્સેસો ઉપક્કિલેસો. યો જિવ્હાય છન્દરાગો, ચિત્તસ્સેસો ઉપક્કિલેસો. યો કાયસ્મિં છન્દરાગો, ચિત્તસ્સેસો ઉપક્કિલેસો. યો મનસ્મિં છન્દરાગો, ચિત્તસ્સેસો ઉપક્કિલેસો. યતો ખો, ભિક્ખવે, ભિક્ખુનો ઇમેસુ છસુ ઠાનેસુ ચેતસો ઉપક્કિલેસો પહીનો હોતિ, નેક્ખમ્મનિન્નઞ્ચસ્સ ચિત્તં હોતિ. નેક્ખમ્મપરિભાવિતં ચિત્તં કમ્મનિયં ખાયતિ, અભિઞ્ઞા સચ્છિકરણીયેસુ ધમ્મેસૂ’’તિ. પઠમં.
322. Sāvatthinidānaṃ . ‘‘Yo, bhikkhave, cakkhusmiṃ chandarāgo, cittasseso upakkileso. Yo sotasmiṃ chandarāgo, cittasseso upakkileso. Yo ghānasmiṃ chandarāgo, cittasseso upakkileso. Yo jivhāya chandarāgo, cittasseso upakkileso. Yo kāyasmiṃ chandarāgo, cittasseso upakkileso. Yo manasmiṃ chandarāgo, cittasseso upakkileso. Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Paṭhamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૬. કિલેસસંયુત્તવણ્ણના • 6. Kilesasaṃyuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૬. કિલેસસંયુત્તવણ્ણના • 6. Kilesasaṃyuttavaṇṇanā
