| Library / Tipiṭaka / તિપિટક • Tipiṭaka / પરિવાર-અટ્ઠકથા • Parivāra-aṭṭhakathā |
ચતુવિપત્તિવણ્ણના
Catuvipattivaṇṇanā
૩૩૬. યં તં પુચ્છિમ્હાતિ યં ત્વં અપુચ્છિમ્હા. અકિત્તયીતિ અભાસિ. નોતિ અમ્હાકં . તં તં બ્યાકતન્તિ યં યં પુટ્ઠં, તં તદેવ બ્યાકતં. અનઞ્ઞથાતિ અઞ્ઞથા અકત્વા બ્યાકતં.
336.Yaṃ taṃ pucchimhāti yaṃ tvaṃ apucchimhā. Akittayīti abhāsi. Noti amhākaṃ . Taṃ taṃ byākatanti yaṃ yaṃ puṭṭhaṃ, taṃ tadeva byākataṃ. Anaññathāti aññathā akatvā byākataṃ.
યે દુટ્ઠુલ્લા સા સીલવિપત્તીતિ એત્થ કિઞ્ચાપિ સીલવિપત્તિ નામ પઞ્હે નત્થિ, અથ ખો દુટ્ઠુલ્લં વિસ્સજ્જેતુકામતાયેતં વુત્તં. ચતૂસુ હિ વિપત્તીસુ દુટ્ઠુલ્લં એકાય વિપત્તિયા સઙ્ગહિતં, અદુટ્ઠુલ્લં તીહિ વિપત્તીહિ સઙ્ગહિતં. તસ્મા ‘‘યે દુટ્ઠુલ્લા સા સીલવિપત્તી’’તિ વત્વા તમેવ વિત્થારતો દસ્સેતું ‘‘પારાજિકં સઙ્ઘાદિસેસો સીલવિપત્તીતિ વુચ્ચતી’’તિ આહ.
Ye duṭṭhullā sā sīlavipattīti ettha kiñcāpi sīlavipatti nāma pañhe natthi, atha kho duṭṭhullaṃ vissajjetukāmatāyetaṃ vuttaṃ. Catūsu hi vipattīsu duṭṭhullaṃ ekāya vipattiyā saṅgahitaṃ, aduṭṭhullaṃ tīhi vipattīhi saṅgahitaṃ. Tasmā ‘‘ye duṭṭhullā sā sīlavipattī’’ti vatvā tameva vitthārato dassetuṃ ‘‘pārājikaṃ saṅghādiseso sīlavipattīti vuccatī’’ti āha.
ઇદાનિ તિસ્સન્નં વિપત્તીનં વસેન અદુટ્ઠુલ્લં દસ્સેતું ‘‘થુલ્લચ્ચય’’ન્તિઆદિમાહ. તત્થ યો ચાયં, અક્કોસતિ હસાધિપ્પાયોતિ ઇદં દુબ્ભાસિતસ્સ વત્થુદસ્સનત્થં વુત્તં.
Idāni tissannaṃ vipattīnaṃ vasena aduṭṭhullaṃ dassetuṃ ‘‘thullaccaya’’ntiādimāha. Tattha yo cāyaṃ, akkosati hasādhippāyoti idaṃ dubbhāsitassa vatthudassanatthaṃ vuttaṃ.
અબ્ભાચિક્ખન્તીતિ ‘‘તથાહં ભગવતા ધમ્મં દેસિતં આજાનામી’’તિ વદન્તા અબ્ભાચિક્ખન્તિ.
Abbhācikkhantīti ‘‘tathāhaṃ bhagavatā dhammaṃ desitaṃ ājānāmī’’ti vadantā abbhācikkhanti.
અયં સા આજીવવિપત્તિસમ્મતાતિ અયં છહિ સિક્ખાપદેહિ સઙ્ગહિતા આજીવવિપત્તિ નામ ચતુત્થા વિપત્તિ સમ્મતાતિ એત્તાવતા ‘‘અદુટ્ઠુલ્લ’’ન્તિ ઇદં વિસ્સજ્જિતં હોતિ.
Ayaṃ sā ājīvavipattisammatāti ayaṃ chahi sikkhāpadehi saṅgahitā ājīvavipatti nāma catutthā vipatti sammatāti ettāvatā ‘‘aduṭṭhulla’’nti idaṃ vissajjitaṃ hoti.
ઇદાનિ ‘‘યે ચ યાવતતિયકા’’તિ પઞ્હં વિસ્સજ્જેતું ‘‘એકાદસા’’તિઆદિમાહ.
Idāni ‘‘ye ca yāvatatiyakā’’ti pañhaṃ vissajjetuṃ ‘‘ekādasā’’tiādimāha.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi / ૨. ચતુવિપત્તિં • 2. Catuvipattiṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ચતુવિપત્તિવણ્ણના • Catuvipattivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ચતુવિપત્તિવણ્ણના • Catuvipattivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ચતુવિપત્તિવણ્ણના • Catuvipattivaṇṇanā
