| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૭. દસઙ્ગસુત્તં
7. Dasaṅgasuttaṃ
૧૧૩. સાવત્થિયં વિહરતિ…પે॰… ‘‘ધાતુસોવ, ભિક્ખવે, સત્તા સંસન્દન્તિ સમેન્તિ. મિચ્છાદિટ્ઠિકા મિચ્છાદિટ્ઠિકેહિ સદ્ધિં સંસન્દન્તિ સમેન્તિ; મિચ્છાસઙ્કપ્પા…પે॰… મિચ્છાવાચા… મિચ્છાકમ્મન્તા… મિચ્છાઆજીવા… મિચ્છાવાયામા… મિચ્છાસતિનો … મિચ્છાસમાધિનો મિચ્છાસમાધીહિ સદ્ધિં સંસન્દન્તિ સમેન્તિ; મિચ્છાઞાણિનો મિચ્છાઞાણીહિ સદ્ધિં સંસન્દન્તિ સમેન્તિ; મિચ્છાવિમુત્તિનો મિચ્છાવિમુત્તીહિ સદ્ધિં સંસન્દન્તિ સમેન્તિ’’.
113. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Micchādiṭṭhikā micchādiṭṭhikehi saddhiṃ saṃsandanti samenti; micchāsaṅkappā…pe… micchāvācā… micchākammantā… micchāājīvā… micchāvāyāmā… micchāsatino … micchāsamādhino micchāsamādhīhi saddhiṃ saṃsandanti samenti; micchāñāṇino micchāñāṇīhi saddhiṃ saṃsandanti samenti; micchāvimuttino micchāvimuttīhi saddhiṃ saṃsandanti samenti’’.
‘‘સમ્માદિટ્ઠિકા સમ્માદિટ્ઠિકેહિ સદ્ધિં સંસન્દન્તિ સમેન્તિ; સમ્માસઙ્કપ્પા…પે॰… સમ્માવાચા… સમ્માકમ્મન્તા… સમ્માઆજીવા… સમ્માવાયામા… સમ્માસતિનો… સમ્માસમાધિનો… સમ્માઞાણિનો સમ્માઞાણીહિ સદ્ધિં સંસન્દન્તિ સમેન્તિ; સમ્માવિમુત્તિનો સમ્માવિમુત્તીહિ સદ્ધિં સંસન્દન્તિ સમેન્તી’’તિ. સત્તમં.
‘‘Sammādiṭṭhikā sammādiṭṭhikehi saddhiṃ saṃsandanti samenti; sammāsaṅkappā…pe… sammāvācā… sammākammantā… sammāājīvā… sammāvāyāmā… sammāsatino… sammāsamādhino… sammāñāṇino sammāñāṇīhi saddhiṃ saṃsandanti samenti; sammāvimuttino sammāvimuttīhi saddhiṃ saṃsandanti samentī’’ti. Sattamaṃ.
સત્તન્નં સુત્તન્તાનં ઉદ્દાનં –
Sattannaṃ suttantānaṃ uddānaṃ –
અસમાહિતં દુસ્સીલં, પઞ્ચ સિક્ખાપદાનિ ચ;
Asamāhitaṃ dussīlaṃ, pañca sikkhāpadāni ca;
સત્ત કમ્મપથા વુત્તા, દસકમ્મપથેન ચ;
Satta kammapathā vuttā, dasakammapathena ca;
છટ્ઠં અટ્ઠઙ્ગિકો વુત્તો, દસઙ્ગેન ચ સત્તમં.
Chaṭṭhaṃ aṭṭhaṅgiko vutto, dasaṅgena ca sattamaṃ.
કમ્મપથવગ્ગો તતિયો.
Kammapathavaggo tatiyo.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭. દસઙ્ગસુત્તવણ્ણના • 7. Dasaṅgasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. દસઙ્ગસુત્તવણ્ણના • 7. Dasaṅgasuttavaṇṇanā
