| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૮. હિરીસુત્તવણ્ણના
8. Hirīsuttavaṇṇanā
૧૮. નિસેધેતીતિ નિવારેતિ પવત્તિતું ન દેતિ. પુચ્છતિ દેવતા. અપહરન્તોતિ અપનેન્તો, યથા સબ્બેન સબ્બં અક્કોસવત્થુ ન હોતિ, એવં પરિહરન્તોતિ અત્થો. બુજ્ઝતિ સારથિવિધં. અત્તનિ નિપાતં ન દેતિ, આજાનીયો હિ યુત્તં પજાનાતિ. અભૂતેન અભૂતક્કોસેન પરિમુત્તો નામ નત્થિ બાલાનઞ્ચ જનાનં પરાપવાદે યુત્તપયુત્તભાવતો. તેનાહ ભગવા –
18.Nisedhetīti nivāreti pavattituṃ na deti. Pucchati devatā. Apaharantoti apanento, yathā sabbena sabbaṃ akkosavatthu na hoti, evaṃ pariharantoti attho. Bujjhati sārathividhaṃ. Attani nipātaṃ na deti, ājānīyo hi yuttaṃ pajānāti. Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato. Tenāha bhagavā –
‘‘નિન્દન્તિ તુણ્હિમાસીનં, નિન્દન્તિ બહુભાણિનં;
‘‘Nindanti tuṇhimāsīnaṃ, nindanti bahubhāṇinaṃ;
મિતભાણિમ્પિ નિન્દન્તિ, નત્થિ લોકે અનિન્દિતો’’તિ. (ધ॰ પ॰ ૨૨૭);
Mitabhāṇimpi nindanti, natthi loke anindito’’ti. (dha. pa. 227);
તનુયાતિ વા કતિપયા. તેનાહ ‘‘અપ્પકા’’તિ. સદા સતાતિ હિરિનિસેધભાવે કારણવચનં. પપ્પુય્યાતિ પત્વા અધિગન્ત્વા. વાનતો નિક્ખન્તત્તા નિબ્બાનં, અસઙ્ખતધાતુ.
Tanuyāti vā katipayā. Tenāha ‘‘appakā’’ti. Sadā satāti hirinisedhabhāve kāraṇavacanaṃ. Pappuyyāti patvā adhigantvā. Vānato nikkhantattā nibbānaṃ, asaṅkhatadhātu.
હિરીસુત્તવણ્ણના નિટ્ઠિતા.
Hirīsuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. હિરીસુત્તં • 8. Hirīsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૮. હિરીસુત્તવણ્ણના • 8. Hirīsuttavaṇṇanā
