| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૨૧. એકવીસતિમવગ્ગો
21. Ekavīsatimavaggo
(૨૦૩) ૪. ઇદ્ધિકથા
(203) 4. Iddhikathā
૮૮૩. અત્થિ અધિપ્પાયઇદ્ધિ બુદ્ધાનં વા સાવકાનં વાતિ? આમન્તા. ‘‘નિચ્ચપણ્ણા રુક્ખા હોન્તૂ’’તિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે॰… નિચ્ચપુપ્ફા રુક્ખા હોન્તુ…પે॰… નિચ્ચફલિકા રુક્ખા હોન્તુ… નિચ્ચં જુણ્હં હોતુ… નિચ્ચં ખેમં હોતુ… નિચ્ચં સુભિક્ખં હોતુ… ‘‘નિચ્ચં સુવત્થિ 1 હોતૂ’’તિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે॰….
883. Atthi adhippāyaiddhi buddhānaṃ vā sāvakānaṃ vāti? Āmantā. ‘‘Niccapaṇṇā rukkhā hontū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe… niccapupphā rukkhā hontu…pe… niccaphalikā rukkhā hontu… niccaṃ juṇhaṃ hotu… niccaṃ khemaṃ hotu… niccaṃ subhikkhaṃ hotu… ‘‘niccaṃ suvatthi 2 hotū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
અત્થિ અધિપ્પાયઇદ્ધિ બુદ્ધાનં વા સાવકાનં વાતિ? આમન્તા . ‘‘ઉપ્પન્નો ફસ્સો મા નિરુજ્ઝી’’તિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે॰….
Atthi adhippāyaiddhi buddhānaṃ vā sāvakānaṃ vāti? Āmantā . ‘‘Uppanno phasso mā nirujjhī’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
ઉપ્પન્ના વેદના…પે॰… સઞ્ઞા… ચેતના… ચિત્તં… સદ્ધા… વીરિયં… સતિ… સમાધિ…પે॰… પઞ્ઞા મા નિરુજ્ઝીતિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે॰….
Uppannā vedanā…pe… saññā… cetanā… cittaṃ… saddhā… vīriyaṃ… sati… samādhi…pe… paññā mā nirujjhīti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
અત્થિ અધિપ્પાયઇદ્ધિ બુદ્ધાનં વા સાવકાનં વાતિ? આમન્તા. ‘‘રૂપં નિચ્ચં હોતૂ’’તિ – અત્થિ અધિપ્પાયઇદ્ધિ… વેદના…પે॰… સઞ્ઞા…પે॰… સઙ્ખારા…પે॰… ‘‘વિઞ્ઞાણં નિચ્ચં હોતૂ’’તિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે॰….
Atthi adhippāyaiddhi buddhānaṃ vā sāvakānaṃ vāti? Āmantā. ‘‘Rūpaṃ niccaṃ hotū’’ti – atthi adhippāyaiddhi… vedanā…pe… saññā…pe… saṅkhārā…pe… ‘‘viññāṇaṃ niccaṃ hotū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
અત્થિ અધિપ્પાયઇદ્ધિ બુદ્ધાનં વા સાવકાનં વાતિ? આમન્તા. ‘‘જાતિધમ્મા સત્તા મા જાયિંસૂ’’તિ અત્થિ…પે॰… ‘‘જરાધમ્મા સત્તા મા જીરિંસૂ’’તિ…પે॰… ‘‘બ્યાધિધમ્મા સત્તા મા બ્યાધિયિંસૂ’’તિ…પે॰… ‘‘મરણધમ્મા સત્તા મા મીયિંસૂ’’તિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે॰….
Atthi adhippāyaiddhi buddhānaṃ vā sāvakānaṃ vāti? Āmantā. ‘‘Jātidhammā sattā mā jāyiṃsū’’ti atthi…pe… ‘‘jarādhammā sattā mā jīriṃsū’’ti…pe… ‘‘byādhidhammā sattā mā byādhiyiṃsū’’ti…pe… ‘‘maraṇadhammā sattā mā mīyiṃsū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
૮૮૪. ન વત્તબ્બં – ‘‘અત્થિ અધિપ્પાયઇદ્ધિ બુદ્ધાનં વા સાવકાનં વા’’તિ? આમન્તા . નનુ આયસ્મા પિલિન્દવચ્છો રઞ્ઞો માગધસ્સ સેનિયસ્સ બિમ્બિસારસ્સ પાસાદં ‘‘સુવણ્ણ’’ન્ત્વેવ અધિમુચ્ચિ, સુવણ્ણો ચ પન આસીતિ 3? આમન્તા. હઞ્ચિ આયસ્મા પિલિન્દવચ્છો રઞ્ઞો માગધસ્સ સેનિયસ્સ બિમ્બિસારસ્સ પાસાદં સુવણ્ણન્ત્વેવ અધિમુચ્ચિ, સુવણ્ણો ચ પન આસિ, તેન વત રે વત્તબ્બે – ‘‘અત્થિ અધિપ્પાયઇદ્ધિ બુદ્ધાનં વા સાવકાનં વા’’તિ.
884. Na vattabbaṃ – ‘‘atthi adhippāyaiddhi buddhānaṃ vā sāvakānaṃ vā’’ti? Āmantā . Nanu āyasmā pilindavaccho rañño māgadhassa seniyassa bimbisārassa pāsādaṃ ‘‘suvaṇṇa’’ntveva adhimucci, suvaṇṇo ca pana āsīti 4? Āmantā. Hañci āyasmā pilindavaccho rañño māgadhassa seniyassa bimbisārassa pāsādaṃ suvaṇṇantveva adhimucci, suvaṇṇo ca pana āsi, tena vata re vattabbe – ‘‘atthi adhippāyaiddhi buddhānaṃ vā sāvakānaṃ vā’’ti.
ઇદ્ધિકથા નિટ્ઠિતા.
Iddhikathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૪. ઇદ્ધિકથાવણ્ણના • 4. Iddhikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૪. ઇદ્ધિકથાવણ્ણના • 4. Iddhikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૪. ઇદ્ધિકથાવણ્ણના • 4. Iddhikathāvaṇṇanā
