| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૫. પન્નરસમવગ્ગો
15. Pannarasamavaggo
(૧૫૦) ૬. જરામરણકથા
(150) 6. Jarāmaraṇakathā
૭૨૬. લોકુત્તરાનં ધમ્માનં જરામરણં લોકુત્તરન્તિ? આમન્તા. મગ્ગો ફલં નિબ્બાનં, સોતાપત્તિમગ્ગો સોતાપત્તિફલં…પે॰… બોજ્ઝઙ્ગોતિ ? ન હેવં વત્તબ્બે…પે॰… સોતાપત્તિમગ્ગસ્સ જરામરણં સોતાપત્તિમગ્ગોતિ? ન હેવં વત્તબ્બે…પે॰… સોતાપત્તિમગ્ગસ્સ જરામરણં સોતાપત્તિમગ્ગોતિ? આમન્તા. સોતાપત્તિફલસ્સ જરામરણં સોતાપત્તિફલન્તિ? ન હેવં વત્તબ્બે …પે॰… સકદાગામિમગ્ગસ્સ…પે॰… સકદાગામિફલસ્સ…પે॰… અનાગામિમગ્ગસ્સ…પે॰… અનાગામિફલસ્સ…પે॰… અરહત્તમગ્ગસ્સ જરામરણં અરહત્તમગ્ગોતિ? ન હેવં વત્તબ્બે…પે॰… અરહત્તમગ્ગસ્સ જરામરણં અરહત્તમગ્ગોતિ? આમન્તા. અરહત્તફલસ્સ જરામરણં અરહત્તફલન્તિ? ન હેવં વત્તબ્બે…પે॰… સતિપટ્ઠાનાનં… સમ્મપ્પધાનાનં… ઇદ્ધિપાદાનં… ઇન્દ્રિયાનં… બલાનં… બોજ્ઝઙ્ગાનં જરામરણં બોજ્ઝઙ્ગોતિ? ન હેવં વત્તબ્બે…પે॰….
726. Lokuttarānaṃ dhammānaṃ jarāmaraṇaṃ lokuttaranti? Āmantā. Maggo phalaṃ nibbānaṃ, sotāpattimaggo sotāpattiphalaṃ…pe… bojjhaṅgoti ? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Āmantā. Sotāpattiphalassa jarāmaraṇaṃ sotāpattiphalanti? Na hevaṃ vattabbe …pe… sakadāgāmimaggassa…pe… sakadāgāmiphalassa…pe… anāgāmimaggassa…pe… anāgāmiphalassa…pe… arahattamaggassa jarāmaraṇaṃ arahattamaggoti? Na hevaṃ vattabbe…pe… arahattamaggassa jarāmaraṇaṃ arahattamaggoti? Āmantā. Arahattaphalassa jarāmaraṇaṃ arahattaphalanti? Na hevaṃ vattabbe…pe… satipaṭṭhānānaṃ… sammappadhānānaṃ… iddhipādānaṃ… indriyānaṃ… balānaṃ… bojjhaṅgānaṃ jarāmaraṇaṃ bojjhaṅgoti? Na hevaṃ vattabbe…pe….
૭૨૭. ન વત્તબ્બં – ‘‘લોકુત્તરાનં ધમ્માનં જરામરણં લોકુત્તરન્તિ? આમન્તા. લોકિયન્તિ? ન હેવં વત્તબ્બે. તેન હિ લોકુત્તરન્તિ.
727. Na vattabbaṃ – ‘‘lokuttarānaṃ dhammānaṃ jarāmaraṇaṃ lokuttaranti? Āmantā. Lokiyanti? Na hevaṃ vattabbe. Tena hi lokuttaranti.
જરામરણકથા નિટ્ઠિતા.
Jarāmaraṇakathā niṭṭhitā.
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૬. જરામરણકથાવણ્ણના • 6. Jarāmaraṇakathāvaṇṇanā
