A World of Knowledge
    Library / Tipiṭaka / તિપિટક • Tipiṭaka / પરિવાર-અટ્ઠકથા • Parivāra-aṭṭhakathā

    કથિનાદિજાનિતબ્બવિભાગવણ્ણના

    Kathinādijānitabbavibhāgavaṇṇanā

    ૪૧૨. કથિનં જાનિતબ્બન્તિઆદિપુચ્છાય વિસ્સજ્જને – તેસઞ્ઞેવ ધમ્માનન્તિ યેસુ રૂપાદિધમ્મેસુ સતિ કથિનં નામ હોતિ, તેસં સમોધાનં મિસ્સીભાવો. નામં નામકમ્મન્તિઆદિના પન ‘‘કથિન’’ન્તિ ઇદં બહૂસુ ધમ્મેસુ નામમત્તં, ન પરમત્થતો એકો ધમ્મો અત્થીતિ દસ્સેતિ.

    412. Kathinaṃ jānitabbantiādipucchāya vissajjane – tesaññeva dhammānanti yesu rūpādidhammesu sati kathinaṃ nāma hoti, tesaṃ samodhānaṃ missībhāvo. Nāmaṃ nāmakammantiādinā pana ‘‘kathina’’nti idaṃ bahūsu dhammesu nāmamattaṃ, na paramatthato eko dhammo atthīti dasseti.

    ચતુવીસતિયા આકારેહીતિ ‘‘ન ઉલ્લિખિતમત્તેના’’તિઆદીહિ પુબ્બે વુત્તકારણેહિ. સત્તરસહિ આકારેહીતિ ‘‘અહતેન અત્થતં હોતિ કથિન’’ન્તિઆદીહિ પુબ્બે વુત્તકારણેહિ. નિમિત્તકમ્માદીસુ યં વત્તબ્બં સબ્બં કથિનક્ખન્ધકવણ્ણનાયં વુત્તં.

    Catuvīsatiyā ākārehīti ‘‘na ullikhitamattenā’’tiādīhi pubbe vuttakāraṇehi. Sattarasahi ākārehīti ‘‘ahatena atthataṃ hoti kathina’’ntiādīhi pubbe vuttakāraṇehi. Nimittakammādīsu yaṃ vattabbaṃ sabbaṃ kathinakkhandhakavaṇṇanāyaṃ vuttaṃ.

    ૪૧૬. એકુપ્પાદા એકનિરોધાતિ ઉપ્પજ્જમાનાપિ એકતો ઉપ્પજ્જન્તિ, નિરુજ્ઝમાનાપિ એકતો નિરુજ્ઝન્તિ. એકુપ્પાદા નાનાનિરોધાતિ ઉપ્પજ્જમાના એકતો ઉપ્પજ્જન્તિ, નિરુજ્ઝમાના નાના નિરુજ્ઝન્તિ. કિં વુત્તં હોતિ ? સબ્બેપિ અત્થારેન સદ્ધિં એકતો ઉપ્પજ્જન્તિ, અત્થારે હિ સતિ ઉદ્ધારો નામ. નિરુજ્ઝમાના પનેત્થ પુરિમા દ્વે અત્થારેન સદ્ધિં એકતો નિરુજ્ઝન્તિ, ઉદ્ધારભાવં પાપુણન્તિ. અત્થારસ્સ હિ નિરોધો એતેસઞ્ચ ઉદ્ધારભાવો એકક્ખણે હોતિ, ઇતરે નાના નિરુજ્ઝન્તિ. તેસુ ઉદ્ધારભાવં પત્તેસુપિ અત્થારો તિટ્ઠતિયેવ. સેસં સબ્બત્થ ઉત્તાનમેવાતિ.

    416.Ekuppādā ekanirodhāti uppajjamānāpi ekato uppajjanti, nirujjhamānāpi ekato nirujjhanti. Ekuppādā nānānirodhāti uppajjamānā ekato uppajjanti, nirujjhamānā nānā nirujjhanti. Kiṃ vuttaṃ hoti ? Sabbepi atthārena saddhiṃ ekato uppajjanti, atthāre hi sati uddhāro nāma. Nirujjhamānā panettha purimā dve atthārena saddhiṃ ekato nirujjhanti, uddhārabhāvaṃ pāpuṇanti. Atthārassa hi nirodho etesañca uddhārabhāvo ekakkhaṇe hoti, itare nānā nirujjhanti. Tesu uddhārabhāvaṃ pattesupi atthāro tiṭṭhatiyeva. Sesaṃ sabbattha uttānamevāti.

    સમન્તપાસાદિકાય વિનયસંવણ્ણનાય

    Samantapāsādikāya vinayasaṃvaṇṇanāya

    કથિનભેદવણ્ણના નિટ્ઠિતા.

    Kathinabhedavaṇṇanā niṭṭhitā.

    પઞ્ઞત્તિવગ્ગવણ્ણના નિટ્ઠિતા.

    Paññattivaggavaṇṇanā niṭṭhitā.







    Related texts:



    તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi
    ૪. કથિનાદિજાનિતબ્બવિભાગો • 4. Kathinādijānitabbavibhāgo
    ૬. પલિબોધપઞ્હાબ્યાકરણં • 6. Palibodhapañhābyākaraṇaṃ

    ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / કથિનભેદવણ્ણના • Kathinabhedavaṇṇanā

    ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / કથિનાદિજાનિતબ્બવિભાગવણ્ણના • Kathinādijānitabbavibhāgavaṇṇanā

    ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / કથિનાદિજાનિતબ્બવિભાગવણ્ણના • Kathinādijānitabbavibhāgavaṇṇanā


    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact