| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૮. કોટ્ઠિકદુક્ખસુત્તં
8. Koṭṭhikadukkhasuttaṃ
૧૬૩. અથ ખો આયસ્મા મહાકોટ્ઠિકો…પે॰… ભગવન્તં એતદવોચ – ‘‘સાધુ મે, ભન્તે…પે॰… વિહરેય્ય’’ન્તિ. ‘‘યં ખો, કોટ્ઠિક, દુક્ખં તત્ર તે છન્દો પહાતબ્બો. કિઞ્ચ, કોટ્ઠિક, દુક્ખં? ચક્ખુ ખો, કોટ્ઠિક, દુક્ખં; તત્ર તે છન્દો પહાતબ્બો. રૂપા દુક્ખા; તત્ર તે છન્દો પહાતબ્બો. ચક્ખુવિઞ્ઞાણં દુક્ખં; તત્ર તે છન્દો પહાતબ્બો. ચક્ખુસમ્ફસ્સો દુક્ખો; તત્ર તે છન્દો પહાતબ્બો. યમ્પિદં ચક્ખુસમ્ફસ્સપચ્ચયા ઉપ્પજ્જતિ વેદયિતં સુખં વા દુક્ખં વા અદુક્ખમસુખં વા તમ્પિ દુક્ખં; તત્ર તે છન્દો પહાતબ્બો…પે॰… જિવ્હા દુક્ખા; તત્ર તે છન્દો પહાતબ્બો…પે॰… મનો દુક્ખો; તત્ર તે છન્દો પહાતબ્બો. ધમ્મા દુક્ખા; તત્ર તે છન્દો પહાતબ્બો . મનોવિઞ્ઞાણં દુક્ખં ; તત્ર તે છન્દો પહાતબ્બો. મનોસમ્ફસ્સો દુક્ખો; તત્ર તે છન્દો પહાતબ્બો. યમ્પિદં મનોસમ્ફસ્સપચ્ચયા ઉપ્પજ્જતિ વેદયિતં સુખં વા દુક્ખં વા અદુક્ખમસુખં વા તમ્પિ દુક્ખં; તત્ર તે છન્દો પહાતબ્બો. યં ખો, કોટ્ઠિક, દુક્ખં તત્ર તે છન્દો પહાતબ્બો’’તિ. અટ્ઠમં.
163. Atha kho āyasmā mahākoṭṭhiko…pe… bhagavantaṃ etadavoca – ‘‘sādhu me, bhante…pe… vihareyya’’nti. ‘‘Yaṃ kho, koṭṭhika, dukkhaṃ tatra te chando pahātabbo. Kiñca, koṭṭhika, dukkhaṃ? Cakkhu kho, koṭṭhika, dukkhaṃ; tatra te chando pahātabbo. Rūpā dukkhā; tatra te chando pahātabbo. Cakkhuviññāṇaṃ dukkhaṃ; tatra te chando pahātabbo. Cakkhusamphasso dukkho; tatra te chando pahātabbo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhaṃ; tatra te chando pahātabbo…pe… jivhā dukkhā; tatra te chando pahātabbo…pe… mano dukkho; tatra te chando pahātabbo. Dhammā dukkhā; tatra te chando pahātabbo . Manoviññāṇaṃ dukkhaṃ ; tatra te chando pahātabbo. Manosamphasso dukkho; tatra te chando pahātabbo. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhaṃ; tatra te chando pahātabbo. Yaṃ kho, koṭṭhika, dukkhaṃ tatra te chando pahātabbo’’ti. Aṭṭhamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭-૯. કોટ્ઠિકઅનિચ્ચસુત્તાદિવણ્ણના • 7-9. Koṭṭhikaaniccasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭-૯. કોટ્ઠિકઅનિચ્ચસુત્તાદિવણ્ણના • 7-9. Koṭṭhikaaniccasuttādivaṇṇanā
