| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. லோஹிச்சஸுத்தவண்ணனா
9. Lohiccasuttavaṇṇanā
132. தேபி மாணவகாத்வேவ வுத்தா, ந ப்³ராஹ்மணகுமாரா ஏவ. ஸேலெய்யகானீதி அஞ்ஞமஞ்ஞங் ஸிலிஸ்ஸனலங்க⁴னகீளனானி.
132.Tepi māṇavakātveva vuttā, na brāhmaṇakumārā eva. Seleyyakānīti aññamaññaṃ silissanalaṅghanakīḷanāni.
உபட்டா²னவஸேன இப⁴ங் ஹரந்தீதி இப்³பா⁴, ஹத்தி²கோ³பகா. தே பன நிஹீனகுடும்ப³ஸ்ஸ பொ⁴க்³க³ங் உபாதா³ய க³ஹபதிபா⁴வங் உபாதா³ய ‘‘க³ஹபதிகா’’திபி வுச்சந்தீதி ஆஹ ‘‘க³ஹபதிகா’’தி. கண்ஹாதி கண்ஹாபி⁴ஜாதிகா. ரட்ட²ங் ப⁴ரந்தீதி யஸ்மிங் ரட்டே² வஸந்தி, தஸ்ஸ ரட்ட²ஸ்ஸ ப³லிங் ப⁴ரணேன, அத்தனோ வா குடும்ப³ஸ்ஸ ப⁴ரணேன ப⁴ரதா. பரியாயந்தாதி பரிதோ ஸங்சரந்தா கீளந்தி.
Upaṭṭhānavasena ibhaṃ harantīti ibbhā, hatthigopakā. Te pana nihīnakuṭumbassa bhoggaṃ upādāya gahapatibhāvaṃ upādāya ‘‘gahapatikā’’tipi vuccantīti āha ‘‘gahapatikā’’ti. Kaṇhāti kaṇhābhijātikā. Raṭṭhaṃ bharantīti yasmiṃ raṭṭhe vasanti, tassa raṭṭhassa baliṃ bharaṇena, attano vā kuṭumbassa bharaṇena bharatā. Pariyāyantāti parito saṃcarantā kīḷanti.
ஸீலஜெட்ட²காதி ஸீலப்பதா⁴னா. யே புராணங் ஸரந்தி, தே ஸீலுத்தமா அஹேஸுங். த்³வாரானி சக்கா²தி³த்³வாரானி.
Sīlajeṭṭhakāti sīlappadhānā. Ye purāṇaṃ saranti, te sīluttamā ahesuṃ. Dvārāni cakkhādidvārāni.
அபக்கமித்வா அபேதா விரஹிதா ஹுத்வா. விஸமானீதி விக³தஸமானி து³ச்சரிதஸபா⁴வானி. நானாவித⁴த³ண்டா³ நானாவித⁴த³ண்ட³னிபாதா.
Apakkamitvā apetā virahitā hutvā. Visamānīti vigatasamāni duccaritasabhāvāni. Nānāvidhadaṇḍā nānāvidhadaṇḍanipātā.
அனாஹாரகாதி கிஞ்சி அபு⁴ஞ்ஜனகா. பங்கோ விய பங்கோ, மலங். த³ந்தபங்கோ புரிமபத³லோபேன பங்கோதி வுத்தோதி ‘‘பங்கோ நாம த³ந்தமல’’ந்தி வுத்தங். அஜேஹி காதப்³ப³கானங் அகோபெத்வா கரணங் ஸமாதா³னவஸேன வதங். ஏஸ நயோ ஸேஸேஸுபி. கோஹஞ்ஞங் நாம அத்தனி விஜ்ஜமானதோ³ஸங் படிச்சா²தெ³த்வா அஸந்தகு³ணபகாஸனாதி ஆஹ – ‘‘படிச்ச²ன்ன…பே॰… கோஹஞ்ஞஞ்சேவா’’தி. பரிக்கா²ரப⁴ண்ட³கவண்ணாதி பரிக்கா²ரப⁴ண்டா³ கப்பகாதி. தே ச கோ² அத்தனோ ஜீவிகத்தா²ய ஆமிஸகிஞ்ஜக்க²ஸ்ஸ அத்தனிப³ந்த⁴னத்தா²ய அமோசனத்தா²ய கதா.
Anāhārakāti kiñci abhuñjanakā. Paṅko viya paṅko, malaṃ. Dantapaṅko purimapadalopena paṅkoti vuttoti ‘‘paṅko nāma dantamala’’nti vuttaṃ. Ajehi kātabbakānaṃ akopetvā karaṇaṃ samādānavasena vataṃ. Esa nayo sesesupi. Kohaññaṃ nāma attani vijjamānadosaṃ paṭicchādetvā asantaguṇapakāsanāti āha – ‘‘paṭicchanna…pe… kohaññañcevā’’ti. Parikkhārabhaṇḍakavaṇṇāti parikkhārabhaṇḍā kappakāti. Te ca kho attano jīvikatthāya āmisakiñjakkhassa attanibandhanatthāya amocanatthāya katā.
அகி²லந்தி சேதோகி²லரஹிதங் ப்³ரஹ்மவிஹாரவஸேன. தேனாஹ ‘‘முது³ அத²த்³த⁴’’ந்தி.
Akhilanti cetokhilarahitaṃ brahmavihāravasena. Tenāha ‘‘mudu athaddha’’nti.
அதி⁴முத்தோதி அபி⁴ரதிவஸேன யுத்தபயுத்தோ. பரித்தசித்தோதி பரிதோ க²ண்டி³தசித்தோ. அப்பமாணசித்தோதி எத்த² ‘‘கோ அய’’ந்தி படிக்கி²துங் ஸக்குணெய்யசித்தோ.
Adhimuttoti abhirativasena yuttapayutto. Parittacittoti parito khaṇḍitacitto. Appamāṇacittoti ettha ‘‘ko aya’’nti paṭikkhituṃ sakkuṇeyyacitto.
லோஹிச்சஸுத்தவண்ணனா நிட்டி²தா.
Lohiccasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. லோஹிச்சஸுத்தங் • 9. Lohiccasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. லோஹிச்சஸுத்தவண்ணனா • 9. Lohiccasuttavaṇṇanā
