Library / Tipiṭaka / તિપિટક • Tipiṭaka / ચરિયાપિટકપાળિ • Cariyāpiṭakapāḷi |
૭. માતઙ્ગચરિયા
7. Mātaṅgacariyā
૬૦.
60.
‘‘પુનાપરં યદા હોમિ, જટિલો ઉગ્ગતાપનો;
‘‘Punāparaṃ yadā homi, jaṭilo uggatāpano;
માતઙ્ગો નામ નામેન, સીલવા સુસમાહિતો.
Mātaṅgo nāma nāmena, sīlavā susamāhito.
૬૧.
61.
‘‘અહઞ્ચ બ્રાહ્મણો એકો, ગઙ્ગાકૂલે વસામુભો;
‘‘Ahañca brāhmaṇo eko, gaṅgākūle vasāmubho;
અહં વસામિ ઉપરિ, હેટ્ઠા વસતિ બ્રાહ્મણો.
Ahaṃ vasāmi upari, heṭṭhā vasati brāhmaṇo.
૬૨.
62.
‘‘વિચરન્તો અનુકૂલમ્હિ, ઉદ્ધં મે અસ્સમદ્દસ;
‘‘Vicaranto anukūlamhi, uddhaṃ me assamaddasa;
તત્થ મં પરિભાસેત્વા, અભિસપિ મુદ્ધફાલનં.
Tattha maṃ paribhāsetvā, abhisapi muddhaphālanaṃ.
૬૩.
63.
‘‘યદિહં તસ્સ પકુપ્પેય્યં, યદિ સીલં ન ગોપયે;
‘‘Yadihaṃ tassa pakuppeyyaṃ, yadi sīlaṃ na gopaye;
ઓલોકેત્વાનહં તસ્સ, કરેય્યં છારિકં વિય.
Oloketvānahaṃ tassa, kareyyaṃ chārikaṃ viya.
૬૪.
64.
‘‘યં સો તદા મં અભિસપિ, કુપિતો દુટ્ઠમાનસો;
‘‘Yaṃ so tadā maṃ abhisapi, kupito duṭṭhamānaso;
તસ્સેવ મત્થકે નિપતિ, યોગેન તં પમોચયિં.
Tasseva matthake nipati, yogena taṃ pamocayiṃ.
૬૫.
65.
‘‘અનુરક્ખિં મમ સીલં, નારક્ખિં મમ જીવિતં;
‘‘Anurakkhiṃ mama sīlaṃ, nārakkhiṃ mama jīvitaṃ;
સીલવા હિ તદા આસિં, બોધિયાયેવ કારણા’’તિ.
Sīlavā hi tadā āsiṃ, bodhiyāyeva kāraṇā’’ti.
માતઙ્ગચરિયં સત્તમં.
Mātaṅgacariyaṃ sattamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ચરિયાપિટક-અટ્ઠકથા • Cariyāpiṭaka-aṭṭhakathā / ૭. માતઙ્ગચરિયાવણ્ણના • 7. Mātaṅgacariyāvaṇṇanā