| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
15. வீஸதினிபாதோ
15. Vīsatinipāto
497. மாதங்க³ஜாதகங் (1)
497. Mātaṅgajātakaṃ (1)
1.
1.
குதோ நு ஆக³ச்ச²ஸி து³ம்மவாஸீ 1, ஓதல்லகோ பங்ஸுபிஸாசகோவ;
Kuto nu āgacchasi dummavāsī 2, otallako paṃsupisācakova;
2.
2.
அன்னங் தவேத³ங் 7 பகதங் யஸஸ்ஸி, தங் க²ஜ்ஜரே பு⁴ஞ்ஜரே பிய்யரே ச;
Annaṃ tavedaṃ 8 pakataṃ yasassi, taṃ khajjare bhuñjare piyyare ca;
ஜானாஸி மங் த்வங் பரத³த்தூபஜீவிங், உத்திட்ட²பிண்ட³ங் லப⁴தங் ஸபாகோ.
Jānāsi maṃ tvaṃ paradattūpajīviṃ, uttiṭṭhapiṇḍaṃ labhataṃ sapāko.
3.
3.
அபேஹி எத்தோ கிமித⁴ட்டி²தோஸி, ந மாதி³ஸா துய்ஹங் த³த³ந்தி ஜம்ம.
Apehi etto kimidhaṭṭhitosi, na mādisā tuyhaṃ dadanti jamma.
4.
4.
த²லே ச நின்னே ச வபந்தி பீ³ஜங், அனூபகெ²த்தே ப²லமாஸமானா 13;
Thale ca ninne ca vapanti bījaṃ, anūpakhette phalamāsamānā 14;
ஏதாய ஸத்³தா⁴ய த³தா³ஹி தா³னங், அப்பேவ ஆராத⁴யே த³க்கி²ணெய்யே.
Etāya saddhāya dadāhi dānaṃ, appeva ārādhaye dakkhiṇeyye.
5.
5.
கெ²த்தானி மய்ஹங் விதி³தானி லோகே, யேஸாஹங் பீ³ஜானி பதிட்ட²பேமி;
Khettāni mayhaṃ viditāni loke, yesāhaṃ bījāni patiṭṭhapemi;
யே ப்³ராஹ்மணா ஜாதிமந்தூபபன்னா, தானீத⁴ கெ²த்தானி ஸுபேஸலானி.
Ye brāhmaṇā jātimantūpapannā, tānīdha khettāni supesalāni.
6.
6.
ஜாதிமதோ³ ச அதிமானிதா ச, லோபோ⁴ ச தோ³ஸோ ச மதோ³ ச மோஹோ;
Jātimado ca atimānitā ca, lobho ca doso ca mado ca moho;
ஏதே அகு³ணா யேஸு ச ஸந்தி 15 ஸப்³பே³, தானீத⁴ கெ²த்தானி அபேஸலானி.
Ete aguṇā yesu ca santi 16 sabbe, tānīdha khettāni apesalāni.
7.
7.
ஜாதிமதோ³ ச அதிமானிதா ச, லோபோ⁴ ச தோ³ஸோ ச மதோ³ ச மோஹோ;
Jātimado ca atimānitā ca, lobho ca doso ca mado ca moho;
ஏதே அகு³ணா யேஸு ந ஸந்தி ஸப்³பே³, தானீத⁴ கெ²த்தானி ஸுபேஸலானி.
Ete aguṇā yesu na santi sabbe, tānīdha khettāni supesalāni.
8.
8.
இமஸ்ஸ த³ண்ட³ஞ்ச வத⁴ஞ்ச த³த்வா, க³லே க³ஹெத்வா க²லயாத² 21 ஜம்மங்.
Imassa daṇḍañca vadhañca datvā, gale gahetvā khalayātha 22 jammaṃ.
9.
9.
ஜாதவேத³ங் பத³ஹஸி, யோ இஸிங் பரிபா⁴ஸஸி.
Jātavedaṃ padahasi, yo isiṃ paribhāsasi.
10.
10.
இத³ங் வத்வான மாதங்கோ³, இஸி ஸச்சபரக்கமோ;
Idaṃ vatvāna mātaṅgo, isi saccaparakkamo;
அந்தலிக்க²ஸ்மிங் பக்காமி 25, ப்³ராஹ்மணானங் உதி³க்க²தங்.
Antalikkhasmiṃ pakkāmi 26, brāhmaṇānaṃ udikkhataṃ.
11.
11.
ஸேதானி அக்கீ²னி யதா² மதஸ்ஸ, கோ மே இமங் புத்தமகாஸி ஏவங்.
Setāni akkhīni yathā matassa, ko me imaṃ puttamakāsi evaṃ.
12.
12.
இதா⁴க³மா ஸமணோ து³ம்மவாஸீ, ஓதல்லகோ பங்ஸுபிஸாசகோவ;
Idhāgamā samaṇo dummavāsī, otallako paṃsupisācakova;
ஸங்காரசோளங் படிமுஞ்ச கண்டே², ஸோ தே இமங் புத்தமகாஸி ஏவங்.
Saṅkāracoḷaṃ paṭimuñca kaṇṭhe, so te imaṃ puttamakāsi evaṃ.
13.
13.
கதமங் தி³ஸங் அக³மா பூ⁴ரிபஞ்ஞோ, அக்கா²த² மே மாணவா ஏதமத்த²ங்;
Katamaṃ disaṃ agamā bhūripañño, akkhātha me māṇavā etamatthaṃ;
க³ந்த்வான தங் படிகரேமு அச்சயங், அப்பேவ நங் புத்த லபே⁴மு ஜீவிதங்.
Gantvāna taṃ paṭikaremu accayaṃ, appeva naṃ putta labhemu jīvitaṃ.
14.
14.
வேஹாயஸங் அக³மா பூ⁴ரிபஞ்ஞோ, பத²த்³து⁴னோ பன்னரஸேவ சந்தோ³;
Vehāyasaṃ agamā bhūripañño, pathaddhuno pannaraseva cando;
அபி சாபி ஸோ புரிமதி³ஸங் அக³ச்சி², ஸச்சப்படிஞ்ஞோ இஸி ஸாது⁴ரூபோ.
Api cāpi so purimadisaṃ agacchi, saccappaṭiñño isi sādhurūpo.
15.
15.
ஆவேல்லிதங் பிட்டி²தோ உத்தமங்க³ங், பா³ஹுங் பஸாரேதி அகம்மனெய்யங்;
Āvellitaṃ piṭṭhito uttamaṅgaṃ, bāhuṃ pasāreti akammaneyyaṃ;
ஸேதானி அக்கீ²னி யதா² மதஸ்ஸ, கோ மே இமங் புத்தமகாஸி ஏவங்.
Setāni akkhīni yathā matassa, ko me imaṃ puttamakāsi evaṃ.
16.
16.
யக்கா² ஹவே ஸந்தி மஹானுபா⁴வா, அன்வாக³தா இஸயோ ஸாது⁴ரூபா;
Yakkhā have santi mahānubhāvā, anvāgatā isayo sādhurūpā;
தே து³ட்ட²சித்தங் குபிதங் விதி³த்வா, யக்கா² ஹி தே புத்தமகங்ஸு ஏவங்.
Te duṭṭhacittaṃ kupitaṃ viditvā, yakkhā hi te puttamakaṃsu evaṃ.
17.
17.
யக்கா² ச மே புத்தமகங்ஸு ஏவங், த்வஞ்ஞேவ மே மா குத்³தோ⁴ 33 ப்³ரஹ்மசாரி;
Yakkhā ca me puttamakaṃsu evaṃ, tvaññeva me mā kuddho 34 brahmacāri;
தும்ஹேவ 35 பாதே³ ஸரணங் க³தாஸ்மி, அன்வாக³தா புத்தஸோகேன பி⁴க்கு².
Tumheva 36 pāde saraṇaṃ gatāsmi, anvāgatā puttasokena bhikkhu.
18.
18.
ததே³வ ஹி ஏதரஹி ச மய்ஹங், மனோபதோ³ஸோ ந மமத்தி² 37 கோசி;
Tadeva hi etarahi ca mayhaṃ, manopadoso na mamatthi 38 koci;
புத்தோ ச தே வேத³மதே³ன மத்தோ, அத்த²ங் ந ஜானாதி அதி⁴ச்ச வேதே³.
Putto ca te vedamadena matto, atthaṃ na jānāti adhicca vede.
19.
19.
அத்³தா⁴ ஹவே பி⁴க்கு² முஹுத்தகேன, ஸம்முய்ஹதேவ புரிஸஸ்ஸ ஸஞ்ஞா;
Addhā have bhikkhu muhuttakena, sammuyhateva purisassa saññā;
ஏகாபராத⁴ங் 39 க²ம பூ⁴ரிபஞ்ஞ, ந பண்டி³தா கோத⁴ப³லா ப⁴வந்தி.
Ekāparādhaṃ 40 khama bhūripañña, na paṇḍitā kodhabalā bhavanti.
20.
20.
இத³ஞ்ச மய்ஹங் உத்திட்ட²பிண்ட³ங், தவ 41 மண்ட³ப்³யோ பு⁴ஞ்ஜது அப்பபஞ்ஞோ;
Idañca mayhaṃ uttiṭṭhapiṇḍaṃ, tava 42 maṇḍabyo bhuñjatu appapañño;
21.
21.
மண்ட³ப்³ய பா³லோஸி பரித்தபஞ்ஞோ, யோ புஞ்ஞகெ²த்தானமகோவிதோ³ஸி;
Maṇḍabya bālosi parittapañño, yo puññakhettānamakovidosi;
மஹக்கஸாவேஸு த³தா³ஸி தா³னங், கிலிட்ட²கம்மேஸு அஸஞ்ஞதேஸு.
Mahakkasāvesu dadāsi dānaṃ, kiliṭṭhakammesu asaññatesu.
22.
22.
ஜடா ச கேஸா அஜினா நிவத்தா², ஜரூத³பானங்வ முக²ங் பரூள்ஹங்;
Jaṭā ca kesā ajinā nivatthā, jarūdapānaṃva mukhaṃ parūḷhaṃ;
பஜங் இமங் பஸ்ஸத² து³ம்மரூபங் 47, ந ஜடாஜினங் தாயதி அப்பபஞ்ஞங்.
Pajaṃ imaṃ passatha dummarūpaṃ 48, na jaṭājinaṃ tāyati appapaññaṃ.
23.
23.
யேஸங் ராகோ³ ச தோ³ஸோ ச, அவிஜ்ஜா ச விராஜிதா;
Yesaṃ rāgo ca doso ca, avijjā ca virājitā;
கீ²ணாஸவா அரஹந்தோ, தேஸு தி³ன்னங் மஹப்ப²லந்தி.
Khīṇāsavā arahanto, tesu dinnaṃ mahapphalanti.
மாதங்க³ஜாதகங் பட²மங்.
Mātaṅgajātakaṃ paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [497] 1. மாதங்க³ஜாதகவண்ணனா • [497] 1. Mātaṅgajātakavaṇṇanā
