| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૭. સત્તરસમવગ્ગો
17. Sattarasamavaggo
(૧૭૧) ૬. ન વત્તબ્બં સઙ્ઘો દક્ખિણં પટિગ્ગણ્હાતિકથા
(171) 6. Na vattabbaṃ saṅgho dakkhiṇaṃ paṭiggaṇhātikathā
૭૯૧. ન વત્તબ્બં – ‘‘સઙ્ઘો દક્ખિણં પટિગ્ગણ્હાતી’’તિ? આમન્તા. નનુ સઙ્ઘો આહુનેય્યો પાહુનેય્યો દક્ખિણેય્યો અઞ્જલિકરણીયો અનુત્તરં પુઞ્ઞક્ખેત્તં લોકસ્સાતિ? આમન્તા. હઞ્ચિ સઙ્ઘો આહુનેય્યો પાહુનેય્યો દક્ખિણેય્યો અઞ્જલિકરણીયો અનુત્તરં પુઞ્ઞક્ખેત્તં લોકસ્સ, તેન વત રે વત્તબ્બે – ‘‘સઙ્ઘો દક્ખિણં પટિગ્ગણ્હાતી’’તિ.
791. Na vattabbaṃ – ‘‘saṅgho dakkhiṇaṃ paṭiggaṇhātī’’ti? Āmantā. Nanu saṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassāti? Āmantā. Hañci saṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa, tena vata re vattabbe – ‘‘saṅgho dakkhiṇaṃ paṭiggaṇhātī’’ti.
ન વત્તબ્બં – ‘‘સઙ્ઘો દક્ખિણં પટિગ્ગણ્હાતી’’તિ? આમન્તા. નનુ ચત્તારો પુરિસયુગા અટ્ઠપુરિસપુગ્ગલા દક્ખિણેય્યા વુત્તા ભગવતાતિ? આમન્તા. હઞ્ચિ ચત્તારો પુરિસયુગા અટ્ઠ પુરિસપુગ્ગલા દક્ખિણેય્યા વુત્તા ભગવતા, તેન વત રે વત્તબ્બે – ‘‘સઙ્ઘો દક્ખિણં પટિગ્ગણ્હાતી’’તિ.
Na vattabbaṃ – ‘‘saṅgho dakkhiṇaṃ paṭiggaṇhātī’’ti? Āmantā. Nanu cattāro purisayugā aṭṭhapurisapuggalā dakkhiṇeyyā vuttā bhagavatāti? Āmantā. Hañci cattāro purisayugā aṭṭha purisapuggalā dakkhiṇeyyā vuttā bhagavatā, tena vata re vattabbe – ‘‘saṅgho dakkhiṇaṃ paṭiggaṇhātī’’ti.
ન વત્તબ્બં – ‘‘સઙ્ઘો દક્ખિણં પટિગ્ગણ્હાતી’’તિ? આમન્તા. નનુ અત્થિ કેચિ સઙ્ઘસ્સ દાનં દેન્તીતિ? આમન્તા. હઞ્ચિ અત્થિ કેચિ સઙ્ઘસ્સ દાનં દેન્તિ, તેન વત રે વત્તબ્બે – ‘‘સઙ્ઘો દક્ખિણં પટિગ્ગણ્હાતી’’તિ. નનુ અત્થિ કેચિ સઙ્ઘસ્સ ચીવરં દેન્તિ…પે॰… પિણ્ડપાતં દેન્તિ… સેનાસનં દેન્તિ… ગિલાનપચ્ચયભેસજ્જપરિક્ખારં દેન્તિ… ખાદનીયં દેન્તિ… ભોજનીયં દેન્તિ…પે॰… પાનીયં દેન્તીતિ? આમન્તા. હઞ્ચિ અત્થિ કેચિ સઙ્ઘસ્સ પાનીયં દેન્તિ, તેન વત રે વત્તબ્બે – ‘‘સઙ્ઘો દક્ખિણં પટિગ્ગણ્હાતી’’તિ.
Na vattabbaṃ – ‘‘saṅgho dakkhiṇaṃ paṭiggaṇhātī’’ti? Āmantā. Nanu atthi keci saṅghassa dānaṃ dentīti? Āmantā. Hañci atthi keci saṅghassa dānaṃ denti, tena vata re vattabbe – ‘‘saṅgho dakkhiṇaṃ paṭiggaṇhātī’’ti. Nanu atthi keci saṅghassa cīvaraṃ denti…pe… piṇḍapātaṃ denti… senāsanaṃ denti… gilānapaccayabhesajjaparikkhāraṃ denti… khādanīyaṃ denti… bhojanīyaṃ denti…pe… pānīyaṃ dentīti? Āmantā. Hañci atthi keci saṅghassa pānīyaṃ denti, tena vata re vattabbe – ‘‘saṅgho dakkhiṇaṃ paṭiggaṇhātī’’ti.
ન વત્તબ્બં – ‘‘સઙ્ઘો દક્ખિણં પટિગ્ગણ્હાતી’’તિ? આમન્તા. નનુ વુત્તં ભગવતા –
Na vattabbaṃ – ‘‘saṅgho dakkhiṇaṃ paṭiggaṇhātī’’ti? Āmantā. Nanu vuttaṃ bhagavatā –
‘‘આહુતિં જાતવેદોવ, મહામેઘંવ મેદની;
‘‘Āhutiṃ jātavedova, mahāmeghaṃva medanī;
સઙ્ઘો સમાધિસમ્પન્નો, પટિગ્ગણ્હાતિ દક્ખિણ’’ન્તિ.
Saṅgho samādhisampanno, paṭiggaṇhāti dakkhiṇa’’nti.
અત્થેવ સુત્તન્તોતિ? આમન્તા. તેન હિ સઙ્ઘો દક્ખિણં પટિગ્ગણ્હાતીતિ.
Attheva suttantoti? Āmantā. Tena hi saṅgho dakkhiṇaṃ paṭiggaṇhātīti.
૭૯૨. સઙ્ઘો દક્ખિણં પટિગ્ગણ્હાતીતિ? આમન્તા. મગ્ગો પટિગ્ગણ્હાતિ, ફલં પટિગ્ગણ્હાતીતિ? ન હેવં વત્તબ્બે…પે॰….
792. Saṅgho dakkhiṇaṃ paṭiggaṇhātīti? Āmantā. Maggo paṭiggaṇhāti, phalaṃ paṭiggaṇhātīti? Na hevaṃ vattabbe…pe….
ન વત્તબ્બં સઙ્ઘો દક્ખિણં પટિગ્ગણ્હાતીતિકથા નિટ્ઠિતા.
Na vattabbaṃ saṅgho dakkhiṇaṃ paṭiggaṇhātītikathā niṭṭhitā.
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૬. ન વત્તબ્બં સઙ્ઘો દક્ખિણં પટિગ્ગણ્હાતીતિકથાવણ્ણના • 6. Na vattabbaṃ saṅgho dakkhiṇaṃ paṭiggaṇhātītikathāvaṇṇanā
