| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૭. ન વત્તબ્બં સઙ્ઘો દક્ખિણં વિસોધેતીતિકથાવણ્ણના
7. Na vattabbaṃ saṅgho dakkhiṇaṃ visodhetītikathāvaṇṇanā
૭૯૩-૭૯૪. ઇદાનિ ન વત્તબ્બં સઙ્ઘો દક્ખિણં વિસોધેતીતિકથા નામ હોતિ. તત્થ ‘‘મગ્ગફલાનેવ સઙ્ઘો નામ, ન ચ તાનિ દક્ખિણં વિસોધેતું સક્કોન્તિ, તસ્મા ન વત્તબ્બં સઙ્ઘો દક્ખિણં વિસોધેતી’’તિ યેસં લદ્ધિ, સેય્યથાપિ તેસઞ્ઞેવ; તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. આહુનેય્યોતિઆદિ ‘‘યદિ સઙ્ઘો દક્ખિણં વિસોધેતું ન સક્કુણેય્ય, ન નં સત્થા એવં થોમેય્યા’’તિ દસ્સનત્થં વુત્તં. વિસોધેતીતિ મહપ્ફલં કરોતિ. સઙ્ઘસ્મિઞ્હિ અપ્પં દિન્નં બહુ હોતિ, બહુ દિન્નં બહુતરં. દક્ખિણેય્યાતિ દક્ખિણારહા દક્ખિણાય અનુચ્છવિકા, દક્ખિણં વિસોધેતું સમત્થાતિ અત્થો. દક્ખિણં આરાધેન્તીતિ સમ્પાદેન્તિ, અપ્પમત્તિકાયપિ દક્ખિણાય મહન્તં ફલં પાપુણન્તીતિ અત્થો. સેસં હેટ્ઠા વુત્તનયમેવાતિ.
793-794. Idāni na vattabbaṃ saṅgho dakkhiṇaṃ visodhetītikathā nāma hoti. Tattha ‘‘maggaphalāneva saṅgho nāma, na ca tāni dakkhiṇaṃ visodhetuṃ sakkonti, tasmā na vattabbaṃ saṅgho dakkhiṇaṃ visodhetī’’ti yesaṃ laddhi, seyyathāpi tesaññeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅgho dakkhiṇaṃ visodhetuṃ na sakkuṇeyya, na naṃ satthā evaṃ thomeyyā’’ti dassanatthaṃ vuttaṃ. Visodhetīti mahapphalaṃ karoti. Saṅghasmiñhi appaṃ dinnaṃ bahu hoti, bahu dinnaṃ bahutaraṃ. Dakkhiṇeyyāti dakkhiṇārahā dakkhiṇāya anucchavikā, dakkhiṇaṃ visodhetuṃ samatthāti attho. Dakkhiṇaṃ ārādhentīti sampādenti, appamattikāyapi dakkhiṇāya mahantaṃ phalaṃ pāpuṇantīti attho. Sesaṃ heṭṭhā vuttanayamevāti.
ન વત્તબ્બં સઙ્ઘો દક્ખિણં વિસોધેતીતિકથાવણ્ણના.
Na vattabbaṃ saṅgho dakkhiṇaṃ visodhetītikathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૭૨) ૭. ન વત્તબ્બં સઙ્ઘો દક્ખિણં વિસોધેતીતિકથા • (172) 7. Na vattabbaṃ saṅgho dakkhiṇaṃ visodhetītikathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૭. નવત્તબ્બંસઙ્ઘોદક્ખિણંવિસોધેતીતિકથાવણ્ણના • 7. Navattabbaṃsaṅghodakkhiṇaṃvisodhetītikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૭. નવત્તબ્બંસઙ્ઘોદક્ખિણંવિસોધેતીતિકથાવણ્ણના • 7. Navattabbaṃsaṅghodakkhiṇaṃvisodhetītikathāvaṇṇanā
