| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
નસમ્માવત્તનાદિકથાવણ્ણના
Nasammāvattanādikathāvaṇṇanā
૬૮. નસમ્માવત્તનાદિકથાયં વત્તં ન પૂરેય્યાતિ ‘‘વત્તકરણકાલો’’તિ વત્થુવિજાનનવસેન ઞત્વા માનકોસજ્જાદિવસેન વા ઉપજ્ઝાયાદીસુ અનાદરેન વા ‘‘અકાતું ન વટ્ટતી’’તિ અજાનનતાય વા ન કરેય્ય, દુક્કટમેવ. અસઞ્ચિચ્ચ અસતિયાતિઆદીહિ ચ અકરોન્તસ્સ પન અનાપત્તિ. સબ્બાનિ હિ વત્તાનિ સેખિયાનેવ, તસ્મા સેખિયેસુ વુત્તનયેનેવેત્થ સબ્બોપિ વિનિચ્છયો વેદિતબ્બો. ગેહસ્સિતપેમન્તિ મેત્તાપેમં.
68. Nasammāvattanādikathāyaṃ vattaṃ na pūreyyāti ‘‘vattakaraṇakālo’’ti vatthuvijānanavasena ñatvā mānakosajjādivasena vā upajjhāyādīsu anādarena vā ‘‘akātuṃ na vaṭṭatī’’ti ajānanatāya vā na kareyya, dukkaṭameva. Asañcicca asatiyātiādīhi ca akarontassa pana anāpatti. Sabbāni hi vattāni sekhiyāneva, tasmā sekhiyesu vuttanayenevettha sabbopi vinicchayo veditabbo. Gehassitapemanti mettāpemaṃ.
સાદિયનં વા અસાદિયનં વા ન જાનાતીતિ ‘‘મયિ સાદિયન્તે અકરોન્તાનં આપત્તિ હોતિ, પટિક્ખિપિત્વા અસાદિયન્તે આપત્તિ ન હોતી’’તિ એવં ન જાનાતીતિ અત્થો. ‘‘તેસુ એકો વત્તસમ્પન્નો ભિક્ખુ…પે॰… તેસં અનાપત્તી’’તિ વચનતો સચે કોચિ ‘‘તુમ્હાકં સદ્ધિવિહારિકે, અન્તેવાસિકે વા ગિલાને ઉપટ્ઠહિસ્સામિ, ઓવાદાનુસાસનિઆદિકં સબ્બં કત્તબ્બં કરિસ્સામી’’તિ વદતિ, તે વા સદ્ધિવિહારિકાદયો ‘‘અપ્પોસ્સુક્કા હોથા’’તિ વદન્તિ, વત્તં વા ન સાદિયન્તિ, આચરિયુપજ્ઝાયાનમ્પિ અનાપત્તિ.
Sādiyanaṃvā asādiyanaṃ vā na jānātīti ‘‘mayi sādiyante akarontānaṃ āpatti hoti, paṭikkhipitvā asādiyante āpatti na hotī’’ti evaṃ na jānātīti attho. ‘‘Tesu eko vattasampanno bhikkhu…pe… tesaṃ anāpattī’’ti vacanato sace koci ‘‘tumhākaṃ saddhivihārike, antevāsike vā gilāne upaṭṭhahissāmi, ovādānusāsaniādikaṃ sabbaṃ kattabbaṃ karissāmī’’ti vadati, te vā saddhivihārikādayo ‘‘appossukkā hothā’’ti vadanti, vattaṃ vā na sādiyanti, ācariyupajjhāyānampi anāpatti.
નસમ્માવત્તનાદિકથાવણ્ણના નિટ્ઠિતા.
Nasammāvattanādikathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૭. પણામિતકથા • 17. Paṇāmitakathā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / નસમ્માવત્તનાદિકથા • Nasammāvattanādikathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / નસમ્માવત્તનાદિકથાવણ્ણના • Nasammāvattanādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / નસમ્માવત્તનાદિકથાવણ્ણના • Nasammāvattanādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / નસમ્માવત્તનાદિકથા • Nasammāvattanādikathā
