| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૪. નોચેદંસુત્તં
4. Nocedaṃsuttaṃ
૧૧૭. સાવત્થિયં વિહરતિ…પે॰… ‘‘નો ચેદં, ભિક્ખવે, પથવીધાતુયા અસ્સાદો અભવિસ્સ, નયિદં સત્તા પથવીધાતુયા સારજ્જેય્યું . યસ્મા ચ ખો, ભિક્ખવે, અત્થિ પથવીધાતુયા અસ્સાદો, તસ્મા સત્તા પથવીધાતુયા સારજ્જન્તિ. નો ચેદં, ભિક્ખવે, પથવીધાતુયા આદીનવો અભવિસ્સ, નયિદં સત્તા પથવીધાતુયા નિબ્બિન્દેય્યું. યસ્મા ચ ખો, ભિક્ખવે, અત્થિ પથવીધાતુયા આદીનવો, તસ્મા સત્તા પથવીધાતુયા નિબ્બિન્દન્તિ. નો ચેદં, ભિક્ખવે, પથવીધાતુયા નિસ્સરણં અભવિસ્સ, નયિદં સત્તા પથવીધાતુયા નિસ્સરેય્યું. યસ્મા ચ ખો, ભિક્ખવે, અત્થિ પથવીધાતુયા નિસ્સરણં, તસ્મા સત્તા પથવીધાતુયા નિસ્સરન્તિ’’.
117. Sāvatthiyaṃ viharati…pe… ‘‘no cedaṃ, bhikkhave, pathavīdhātuyā assādo abhavissa, nayidaṃ sattā pathavīdhātuyā sārajjeyyuṃ . Yasmā ca kho, bhikkhave, atthi pathavīdhātuyā assādo, tasmā sattā pathavīdhātuyā sārajjanti. No cedaṃ, bhikkhave, pathavīdhātuyā ādīnavo abhavissa, nayidaṃ sattā pathavīdhātuyā nibbindeyyuṃ. Yasmā ca kho, bhikkhave, atthi pathavīdhātuyā ādīnavo, tasmā sattā pathavīdhātuyā nibbindanti. No cedaṃ, bhikkhave, pathavīdhātuyā nissaraṇaṃ abhavissa, nayidaṃ sattā pathavīdhātuyā nissareyyuṃ. Yasmā ca kho, bhikkhave, atthi pathavīdhātuyā nissaraṇaṃ, tasmā sattā pathavīdhātuyā nissaranti’’.
‘‘નો ચેદં, ભિક્ખવે, આપોધાતુયા અસ્સાદો અભવિસ્સ…પે॰… નો ચેદં, ભિક્ખવે, તેજોધાતુયા…પે॰… નો ચેદં, ભિક્ખવે, વાયોધાતુયા અસ્સાદો અભવિસ્સ, નયિદં સત્તા વાયોધાતુયા સારજ્જેય્યું. યસ્મા ચ ખો, ભિક્ખવે, અત્થિ વાયોધાતુયા અસ્સાદો, તસ્મા સત્તા વાયોધાતુયા સારજ્જન્તિ. નો ચેદં, ભિક્ખવે, વાયોધાતુયા આદીનવો અભવિસ્સ, નયિદં સત્તા વાયોધાતુયા નિબ્બિન્દેય્યું. યસ્મા ચ ખો, ભિક્ખવે, અત્થિ વાયોધાતુયા આદીનવો, તસ્મા સત્તા વાયોધાતુયા નિબ્બિન્દન્તિ. નો ચેદં, ભિક્ખવે, વાયોધાતુયા નિસ્સરણં અભવિસ્સ, નયિદં સત્તા વાયોધાતુયા નિસ્સરેય્યું. યસ્મા ચ ખો, ભિક્ખવે, અત્થિ વાયોધાતુયા નિસ્સરણં, તસ્મા સત્તા વાયોધાતુયા નિસ્સરન્તિ.
‘‘No cedaṃ, bhikkhave, āpodhātuyā assādo abhavissa…pe… no cedaṃ, bhikkhave, tejodhātuyā…pe… no cedaṃ, bhikkhave, vāyodhātuyā assādo abhavissa, nayidaṃ sattā vāyodhātuyā sārajjeyyuṃ. Yasmā ca kho, bhikkhave, atthi vāyodhātuyā assādo, tasmā sattā vāyodhātuyā sārajjanti. No cedaṃ, bhikkhave, vāyodhātuyā ādīnavo abhavissa, nayidaṃ sattā vāyodhātuyā nibbindeyyuṃ. Yasmā ca kho, bhikkhave, atthi vāyodhātuyā ādīnavo, tasmā sattā vāyodhātuyā nibbindanti. No cedaṃ, bhikkhave, vāyodhātuyā nissaraṇaṃ abhavissa, nayidaṃ sattā vāyodhātuyā nissareyyuṃ. Yasmā ca kho, bhikkhave, atthi vāyodhātuyā nissaraṇaṃ, tasmā sattā vāyodhātuyā nissaranti.
‘‘યાવકીવઞ્ચિમે, ભિક્ખવે, સત્તા ઇમાસં ચતુન્નં ધાતૂનં અસ્સાદઞ્ચ અસ્સાદતો આદીનવઞ્ચ આદીનવતો નિસ્સરણઞ્ચ નિસ્સરણતો યથાભૂતં ન અબ્ભઞ્ઞંસુ, નેવ તાવિમે ભિક્ખવે, સત્તા સદેવકા લોકા સમારકા સબ્રહ્મકા સસ્સમણબ્રાહ્મણિયા પજાય સદેવમનુસ્સાય નિસ્સટા વિસંયુત્તા વિપ્પમુત્તા વિમરિયાદિકતેન ચેતસા વિહરિંસુ.
‘‘Yāvakīvañcime, bhikkhave, sattā imāsaṃ catunnaṃ dhātūnaṃ assādañca assādato ādīnavañca ādīnavato nissaraṇañca nissaraṇato yathābhūtaṃ na abbhaññaṃsu, neva tāvime bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādikatena cetasā vihariṃsu.
‘‘યતો ચ ખો, ભિક્ખવે, સત્તા ઇમાસં ચતુન્નં ધાતૂનં અસ્સાદઞ્ચ અસ્સાદતો આદીનવઞ્ચ આદીનવતો નિસ્સરણઞ્ચ નિસ્સરણતો યથાભૂતં અબ્ભઞ્ઞંસુ, અથ, ભિક્ખવે, સત્તા સદેવકા લોકા સમારકા સબ્રહ્મકા સસ્સમણબ્રાહ્મણિયા પજાય સદેવમનુસ્સાય નિસ્સટા વિસંયુત્તા વિપ્પમુત્તા વિમરિયાદિકતેન ચેતસા વિહરન્તી’’તિ. ચતુત્થં.
‘‘Yato ca kho, bhikkhave, sattā imāsaṃ catunnaṃ dhātūnaṃ assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññaṃsu, atha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādikatena cetasā viharantī’’ti. Catutthaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. નોચેદંસુત્તવણ્ણના • 4. Nocedaṃsuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૪. નોચેદંસુત્તવણ્ણના • 4. Nocedaṃsuttavaṇṇanā
