| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૭. પચ્ચયસુત્તવણ્ણના
7. Paccayasuttavaṇṇanā
૨૭. પટિપાટિયાતિ પટિપાટિયા ઠપનેન. ચતુસચ્ચયોજનં દસ્સેતું પરિયોસાન…પે॰… આદિ વુત્તં. દુક્ખસચ્ચવસેનાતિ પરિઞ્ઞેય્યભાવવસેન. જરામરણાપદેસેન હિ પઞ્ચુપાદાનક્ખન્ધા વુત્તા, તે ચસ્સ અત્તનો ફલસ્સ પચ્ચયા ન હોન્તિ. તં સન્ધાય વુત્તં ‘‘પચ્ચયં જાનાતી’’તિ. વિનેય્યજ્ઝાસયવસેન હેત્થ દેસના પવત્તા. સમ્પન્નોતિ સમન્નાગતો. આગતોતિ ઉપગતો, અધિગતોતિ અત્થો. પસ્સતીતિ પચ્ચવેક્ખણઞાણેન પચ્ચક્ખતો પસ્સતિ, મગ્ગપઞ્ઞાય એવં અસમ્મોહપટિવેધવસેન પસ્સતિ. મગ્ગઞાણેનેવ, ન ફલઞાણેન. ધમ્મસોતં સમાપન્નોતિ અરિયધમ્મસોતં સમ્મદેવ આપન્નો પત્તો. અનયે નઇરિયનતો, અયે ચ ઇરિયનતો, સદેવકેન ચ લોકેન ‘‘સરણ’’ન્તિ અકરણીયતો અરિયપક્ખં ભજન્તો પુથુજ્જનભૂમિં અતિક્કન્તો. નિબ્બેધિકપઞ્ઞાયાતિ ચતુન્નં અરિયસચ્ચાનં નિબ્બિજ્ઝનકપઞ્ઞાય. આહચ્ચ તિટ્ઠતિ મગ્ગક્ખણે, ફલક્ખણે પન આહચ્ચ ઠિતો નામ.
27.Paṭipāṭiyāti paṭipāṭiyā ṭhapanena. Catusaccayojanaṃ dassetuṃ pariyosāna…pe… ādi vuttaṃ. Dukkhasaccavasenāti pariññeyyabhāvavasena. Jarāmaraṇāpadesena hi pañcupādānakkhandhā vuttā, te cassa attano phalassa paccayā na honti. Taṃ sandhāya vuttaṃ ‘‘paccayaṃ jānātī’’ti. Vineyyajjhāsayavasena hettha desanā pavattā. Sampannoti samannāgato. Āgatoti upagato, adhigatoti attho. Passatīti paccavekkhaṇañāṇena paccakkhato passati, maggapaññāya evaṃ asammohapaṭivedhavasena passati. Maggañāṇeneva, na phalañāṇena. Dhammasotaṃ samāpannoti ariyadhammasotaṃ sammadeva āpanno patto. Anaye nairiyanato, aye ca iriyanato, sadevakena ca lokena ‘‘saraṇa’’nti akaraṇīyato ariyapakkhaṃ bhajanto puthujjanabhūmiṃ atikkanto. Nibbedhikapaññāyāti catunnaṃ ariyasaccānaṃ nibbijjhanakapaññāya. Āhacca tiṭṭhati maggakkhaṇe, phalakkhaṇe pana āhacca ṭhito nāma.
પચ્ચયસુત્તવણ્ણના નિટ્ઠિતા.
Paccayasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. પચ્ચયસુત્તં • 7. Paccayasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭. પચ્ચયસુત્તવણ્ણના • 7. Paccayasuttavaṇṇanā
