| Library / Tipiṭaka / તિપિટક • Tipiṭaka / નેત્તિપ્પકરણ-ટીકા • Nettippakaraṇa-ṭīkā |
૧૫. પરિક્ખારહારવિભઙ્ગવણ્ણના
15. Parikkhārahāravibhaṅgavaṇṇanā
૪૯. ‘‘હિનોતી’’તિ પદસ્સ અત્થં દસ્સેન્તો ‘‘કારણભાવં ગચ્છતી’’તિ આહ અનેકત્થત્તા ધાતૂનં. એતીતિ આગચ્છતિ, ઉપ્પજ્જતીતિ અત્થો.
49.‘‘Hinotī’’ti padassa atthaṃ dassento ‘‘kāraṇabhāvaṃ gacchatī’’ti āha anekatthattā dhātūnaṃ. Etīti āgacchati, uppajjatīti attho.
અવિજ્જાયપિ હેતુભાવેતિ એત્થ અવિજ્જા અનન્તરાય અવિજ્જાય અનન્તરસમનન્તરૂપનિસ્સયનત્થિવિગતાસેવનપચ્ચયેહિ, અનન્તરાય પન સહજાતાય સહજાતઅઞ્ઞમઞ્ઞનિસ્સયસમ્પયુત્તઅત્થિઅવિગતહેતુપચ્ચયેહિ, અસહજાતાય ઉપનિસ્સયકોટિયા એવ પચ્ચયો હોતીતિ વેદિતબ્બં. અત્તનો ફલં કરોતીતિ કારણન્તિ આહ ‘‘કારણભાવો ચ ફલાપેક્ખાયા’’તિ.
Avijjāyapi hetubhāveti ettha avijjā anantarāya avijjāya anantarasamanantarūpanissayanatthivigatāsevanapaccayehi, anantarāya pana sahajātāya sahajātaaññamaññanissayasampayuttaatthiavigatahetupaccayehi, asahajātāya upanissayakoṭiyā eva paccayo hotīti veditabbaṃ. Attano phalaṃ karotīti kāraṇanti āha ‘‘kāraṇabhāvo ca phalāpekkhāyā’’ti.
નિબ્બત્તિઅત્થો ફલત્થો ફલસઙ્ખાતો અત્થો.
Nibbattiattho phalattho phalasaṅkhāto attho.
યો સભાવોતિ પુઞ્ઞાદિઅભિસઙ્ખારાનં યો અભિસઙ્ખરણસભાવો, સો હેતુ. સેસપદેસૂતિ વિઞ્ઞાણાદિપદેસુ. યથાવુત્તપ્પભેદોતિ ‘‘અસાધારણલક્ખણો હેતૂ’’તિઆદિના વુત્તપ્પભેદો. યો કોચિ પચ્ચયોતિ જનકાદિભેદં યં કિઞ્ચિ કારણં. અભિસઙ્ખરણતોતિ પચ્ચક્ખતો, પરમ્પરાય ચ નિબ્બત્તનતો.
Yo sabhāvoti puññādiabhisaṅkhārānaṃ yo abhisaṅkharaṇasabhāvo, so hetu. Sesapadesūti viññāṇādipadesu. Yathāvuttappabhedoti ‘‘asādhāraṇalakkhaṇo hetū’’tiādinā vuttappabhedo. Yo kocipaccayoti janakādibhedaṃ yaṃ kiñci kāraṇaṃ. Abhisaṅkharaṇatoti paccakkhato, paramparāya ca nibbattanato.
પરિક્ખારહારવિભઙ્ગવણ્ણના નિટ્ઠિતા.
Parikkhārahāravibhaṅgavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / નેત્તિપ્પકરણપાળિ • Nettippakaraṇapāḷi / ૧૫. પરિક્ખારહારવિભઙ્ગો • 15. Parikkhārahāravibhaṅgo
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / નેત્તિપ્પકરણ-અટ્ઠકથા • Nettippakaraṇa-aṭṭhakathā / ૧૫. પરિક્ખારહારવિભઙ્ગવણ્ણના • 15. Parikkhārahāravibhaṅgavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / ખુદ્દકનિકાય (ટીકા) • Khuddakanikāya (ṭīkā) / નેત્તિવિભાવિની • Nettivibhāvinī / ૧૫. પરિક્ખારહારવિભઙ્ગવિભાવના • 15. Parikkhārahāravibhaṅgavibhāvanā
