૧-૪. પઠમપુબ્બેસમ્બોધસુત્તાદિવણ્ણના

1-4. Paṭhamapubbesambodhasuttādivaṇṇanā

૧૩-૧૬. દ્વીસુપિ સુત્તેસુ આયતનાનં વસેન દેસના એકરસાવાતિ ‘‘પઠમદુતિયેસૂ’’તિ એકજ્ઝં પદુદ્ધારો કતો. આહિતો અહંમાનો એત્થાતિ અત્તા, અત્તભાવો. અત્તાનમધિ અજ્ઝત્તં, તપ્પરિયાપન્નત્તા તત્થ ભવાનિ અજ્ઝત્તિકાનિ, તેસં અજ્ઝત્તિકાનં. અજ્ઝત્તઞ્ચ નામ અજ્ઝત્તજ્ઝત્તં , નિયકજ્ઝત્તં, ગોચરજ્ઝત્તં, વિસયજ્ઝત્તન્તિ ચતુબ્બિધં. તત્થ અજ્ઝત્તજ્ઝત્તં અજ્ઝત્તે ભવન્તિ અજ્ઝત્તિકન્તિ આહ ‘‘અજ્ઝત્તજ્ઝત્તવસેન અજ્ઝત્તિકાન’’ન્તિ. તેસં ચક્ખાદીનં અજ્ઝત્તેસુપિ અજ્ઝત્તિકભાવો અધિકસિનેહવત્થુતાયાતિ આહ ‘‘છન્દરાગસ્સ અધિમત્તબલવતાયા’’તિ. ઇદાનિ તત્થ તમત્થં પટિયોગિના સદ્ધિં ઉદાહરણવસેન દસ્સેન્તો ‘‘મનુસ્સાનં હી’’તિઆદિમાહ. તં ઉત્તાનમેવ. બાહિરાનીતિ અજ્ઝત્તિકતો બહિ ભવાનિ.

13-16. Dvīsupi suttesu āyatanānaṃ vasena desanā ekarasāvāti ‘‘paṭhamadutiyesū’’ti ekajjhaṃ paduddhāro kato. Āhito ahaṃmāno etthāti attā, attabhāvo. Attānamadhi ajjhattaṃ, tappariyāpannattā tattha bhavāni ajjhattikāni, tesaṃ ajjhattikānaṃ. Ajjhattañca nāma ajjhattajjhattaṃ , niyakajjhattaṃ, gocarajjhattaṃ, visayajjhattanti catubbidhaṃ. Tattha ajjhattajjhattaṃ ajjhatte bhavanti ajjhattikanti āha ‘‘ajjhattajjhattavasena ajjhattikāna’’nti. Tesaṃ cakkhādīnaṃ ajjhattesupi ajjhattikabhāvo adhikasinehavatthutāyāti āha ‘‘chandarāgassa adhimattabalavatāyā’’ti. Idāni tattha tamatthaṃ paṭiyoginā saddhiṃ udāharaṇavasena dassento ‘‘manussānaṃ hī’’tiādimāha. Taṃ uttānameva. Bāhirānīti ajjhattikato bahi bhavāni.

પઠમપુબ્બેસમ્બોધસુત્તાદિવણ્ણના નિટ્ઠિતા.

Paṭhamapubbesambodhasuttādivaṇṇanā niṭṭhitā.

Next: ૫-૬. પઠમનોચેઅસ્સાદસુત્તાદિવણ્ણના • 5-6. Paṭhamanoceassādasuttādivaṇṇanā

અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧-૪. પઠમપુબ્બેસમ્બોધસુત્તાદિવણ્ણના • 1-4. Paṭhamapubbesambodhasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact