| Library / Tipiṭaka / તિપિટક • Tipiṭaka / પઞ્ચપકરણ-મૂલટીકા • Pañcapakaraṇa-mūlaṭīkā |
૧૦. પુરેજાતપચ્ચયનિદ્દેસવણ્ણના
10. Purejātapaccayaniddesavaṇṇanā
૧૦. નયદસ્સનવસેન યાનિ વિના આરમ્મણપુરેજાતેન ન વત્તન્તિ, તેસં ચક્ખુવિઞ્ઞાણાદીનં આરમ્મણપુરેજાતદસ્સનેન મનોદ્વારેપિ યં યદારમ્મણપુરેજાતેન વત્તતિ, તસ્સ તદાલમ્બિતં સબ્બમ્પિ રૂપરૂપં આરમ્મણપુરેજાતન્તિ દસ્સિતમેવ હોતિ, સરૂપેન પન અદસ્સિતત્તા ‘‘સાવસેસવસેન દેસના કતા’’તિ આહ. ચિત્તવસેન કાયં પરિણામયતો ઇદ્ધિવિધાભિઞ્ઞાય ચ અટ્ઠારસસુ યંકિઞ્ચિ આરમ્મણપુરેજાતં હોતીતિ દટ્ઠબ્બં.
10. Nayadassanavasena yāni vinā ārammaṇapurejātena na vattanti, tesaṃ cakkhuviññāṇādīnaṃ ārammaṇapurejātadassanena manodvārepi yaṃ yadārammaṇapurejātena vattati, tassa tadālambitaṃ sabbampi rūparūpaṃ ārammaṇapurejātanti dassitameva hoti, sarūpena pana adassitattā ‘‘sāvasesavasena desanā katā’’ti āha. Cittavasena kāyaṃ pariṇāmayato iddhividhābhiññāya ca aṭṭhārasasu yaṃkiñci ārammaṇapurejātaṃ hotīti daṭṭhabbaṃ.
તદારમ્મણભાવિનોતિ એત્થ પટિસન્ધિભાવિનો વત્થુપુરેજાતાભાવેન ઇતરસ્સપિ અભાવા અગ્ગહણં. ભવઙ્ગભાવિનો પન ગહણં કાતબ્બં ન વા કાતબ્બં પટિસન્ધિયા વિય અપરિબ્યત્તસ્સ આરમ્મણસ્સ આરમ્મણમત્તભાવતો, ‘‘મનોધાતૂનઞ્ચા’’તિ એત્થ સન્તીરણભાવિનો મનોવિઞ્ઞાણધાતુયાપિ.
Tadārammaṇabhāvinoti ettha paṭisandhibhāvino vatthupurejātābhāvena itarassapi abhāvā aggahaṇaṃ. Bhavaṅgabhāvino pana gahaṇaṃ kātabbaṃ na vā kātabbaṃ paṭisandhiyā viya aparibyattassa ārammaṇassa ārammaṇamattabhāvato, ‘‘manodhātūnañcā’’ti ettha santīraṇabhāvino manoviññāṇadhātuyāpi.
પુરેજાતપચ્ચયનિદ્દેસવણ્ણના નિટ્ઠિતા.
Purejātapaccayaniddesavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / પટ્ઠાનપાળિ • Paṭṭhānapāḷi / (૨) પચ્ચયનિદ્દેસો • (2) Paccayaniddeso
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૧૦. પુરેજાતપચ્ચયનિદ્દેસવણ્ણના • 10. Purejātapaccayaniddesavaṇṇanā
