สํยุตฺต นิกาย ๒๔ฯ๓๗

๒ฯ ทุติยคมนวคฺค

รูปีอตฺตาสุตฺต

สาวตฺถินิทานํฯ

“กิสฺมึ นุ โข, ภิกฺขเว, สติ, กึ อุปาทาย, กึ อภินิวิสฺส เอวํ ทิฏฺฐิ อุปฺปชฺชติ: ‘รูปี อตฺตา โหติ อโรโค ปรํ มรณา'”ติ?

“ภควํมูลกา โน, ภนฺเต, ธมฺมา …เป…

“รูเป โข, ภิกฺขเว, สติ, รูปํ อุปาทาย, รูปํ อภินิวิสฺส เอวํ ทิฏฺฐิ อุปฺปชฺชติ: ‘รูปี อตฺตา โหติ อโรโค ปรํ มรณา'ติฯ เวทนาย สติ …เป… สญฺญาย สติ … สงฺขาเรสุ สติ … วิญฺญาเณ สติ, วิญฺญาณํ อุปาทาย, วิญฺญาณํ อภินิวิสฺส เอวํ ทิฏฺฐิ อุปฺปชฺชติ: ‘รูปี อตฺตา โหติ อโรโค ปรํ มรณา'ติฯ

ตํ กึ มญฺญถ, ภิกฺขเว, รูปํ นิจฺจํ วา อนิจฺจํ วา”ติ? “อนิจฺจํ, ภนฺเต” …เป… วิปริณามธมฺมํ, อปิ นุ ตํ อนุปาทาย เอวํ ทิฏฺฐิ อุปฺปชฺเชยฺย: ‘รูปี อตฺตา โหติ อโรโค ปรํ มรณา'”ติ? “โน เหตํ, ภนฺเต”ฯ “อิติ โข, ภิกฺขเว, ทุกฺเข สติ, ทุกฺขํ อุปาทาย, ทุกฺขํ อภินิวิสฺส เอวํ ทิฏฺฐิ อุปฺปชฺชติ: ‘รูปี อตฺตา โหติ อโรโค ปรํ มรณา'”ติ? “เวทนา …เป… “โน เหตํ, ภนฺเต”ฯ “อิติ โข, ภิกฺขเว, ทุกฺเข สติ, ทุกฺขํ อุปาทาย, ทุกฺขํ อภินิวิสฺส เอวํ ทิฏฺฐิ อุปฺปชฺชติ: ‘รูปี อตฺตา โหติ อโรโค ปรํ มรณา'”ติฯ

เอกูนวีสติมํฯ