| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૫. સબ્બમત્થીતિકથા
5. Sabbamatthītikathā
૧. વાદયુત્તિ
1. Vādayutti
૨૮૨. સબ્બમત્થીતિ ? આમન્તા. સબ્બત્થ સબ્બમત્થીતિ? ન હેવં વત્તબ્બે. સબ્બમત્થીતિ? આમન્તા. સબ્બદા સબ્બમત્થીતિ? ન હેવં વત્તબ્બે. સબ્બમત્થીતિ? આમન્તા. સબ્બેન સબ્બં સબ્બમત્થીતિ? ન હેવં વત્તબ્બે. સબ્બમત્થીતિ? આમન્તા. સબ્બેસુ સબ્બમત્થીતિ? ન હેવં વત્તબ્બે. સબ્બમત્થીતિ? આમન્તા. અયોગન્તિ કત્વા સબ્બમત્થીતિ? ન હેવં વત્તબ્બે. સબ્બમત્થીતિ? આમન્તા. યમ્પિ નત્થિ, તમ્પત્થીતિ? ન હેવં વત્તબ્બે. સબ્બમત્થીતિ? આમન્તા. સબ્બમત્થીતિ યા દિટ્ઠિ સા દિટ્ઠિ મિચ્છાદિટ્ઠીતિ, યા દિટ્ઠિ સા દિટ્ઠિ સમ્માદિટ્ઠીતિ, હેવમત્થીતિ? ન હેવં વત્તબ્બે. (સંખિત્તં). વાદયુત્તિ.
282. Sabbamatthīti ? Āmantā. Sabbattha sabbamatthīti? Na hevaṃ vattabbe. Sabbamatthīti? Āmantā. Sabbadā sabbamatthīti? Na hevaṃ vattabbe. Sabbamatthīti? Āmantā. Sabbena sabbaṃ sabbamatthīti? Na hevaṃ vattabbe. Sabbamatthīti? Āmantā. Sabbesu sabbamatthīti? Na hevaṃ vattabbe. Sabbamatthīti? Āmantā. Ayoganti katvā sabbamatthīti? Na hevaṃ vattabbe. Sabbamatthīti? Āmantā. Yampi natthi, tampatthīti? Na hevaṃ vattabbe. Sabbamatthīti? Āmantā. Sabbamatthīti yā diṭṭhi sā diṭṭhi micchādiṭṭhīti, yā diṭṭhi sā diṭṭhi sammādiṭṭhīti, hevamatthīti? Na hevaṃ vattabbe. (Saṃkhittaṃ). Vādayutti.
૨. કાલસંસન્દના
2. Kālasaṃsandanā
૨૮૩. અતીતં અત્થીતિ? આમન્તા. નનુ અતીતં નિરુદ્ધં વિગતં વિપરિણતં અત્થઙ્ગતં અબ્ભત્થઙ્ગતન્તિ? આમન્તા. હઞ્ચિ અતીતં નિરુદ્ધં વિગતં વિપરિણતં અત્થઙ્ગતં અબ્ભત્થઙ્ગતં, નો ચ વત રે વત્તબ્બે – ‘‘અતીતં અત્થી’’તિ.
283. Atītaṃ atthīti? Āmantā. Nanu atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ, no ca vata re vattabbe – ‘‘atītaṃ atthī’’ti.
અનાગતં અત્થીતિ? આમન્તા. નનુ અનાગતં અજાતં અભૂતં અસઞ્જાતં અનિબ્બત્તં અનભિનિબ્બત્તં અપાતુભૂતન્તિ? આમન્તા. હઞ્ચિ અનાગતં અજાતં અભૂતં અસઞ્જાતં અનિબ્બત્તં અનભિનિબ્બત્તં અપાતુભૂતં, નો ચ વત રે વત્તબ્બે – ‘‘અનાગતં અત્થી’’તિ.
Anāgataṃ atthīti? Āmantā. Nanu anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ, no ca vata re vattabbe – ‘‘anāgataṃ atthī’’ti.
પચ્ચુપ્પન્નં અત્થિ પચ્ચુપ્પન્નં અનિરુદ્ધં અવિગતં અવિપરિણતં ન અત્થઙ્ગતં ન અબ્ભત્થઙ્ગતન્તિ? આમન્તા. અતીતં અત્થિ અતીતં અનિરુદ્ધં અવિગતં અવિપરિણતં ન અત્થઙ્ગતં ન અબ્ભત્થઙ્ગતન્તિ? ન હેવં વત્તબ્બે…પે॰… પચ્ચુપ્પન્નં અત્થિ પચ્ચુપ્પન્નં જાતં ભૂતં સઞ્જાતં નિબ્બત્તં અભિનિબ્બત્તં પાતુભૂતન્તિ? આમન્તા. અનાગતં અત્થિ અનાગતં જાતં ભૂતં સઞ્જાતં નિબ્બત્તં અભિનિબ્બત્તં પાતુભૂતન્તિ? ન હેવં વત્તબ્બે…પે॰….
Paccuppannaṃ atthi paccuppannaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ atthi atītaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe…pe… paccuppannaṃ atthi paccuppannaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ atthi anāgataṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe…pe….
અતીતં અત્થિ અતીતં નિરુદ્ધં વિગતં વિપરિણતં અત્થઙ્ગતં અબ્ભત્થઙ્ગતન્તિ? આમન્તા. પચ્ચુપ્પન્નં અત્થિ પચ્ચુપ્પન્નં નિરુદ્ધં વિગતં વિપરિણતં અત્થઙ્ગતં અબ્ભત્થઙ્ગતન્તિ? ન હેવં વત્તબ્બે…પે॰… અનાગતં અત્થિ અનાગતં અજાતં અભૂતં અસઞ્જાતં અનિબ્બત્તં અનભિનિબ્બત્તં અપાતુભૂતન્તિ? આમન્તા. પચ્ચુપ્પન્નં અત્થિ પચ્ચુપ્પન્નં અજાતં અભૂતં અસઞ્જાતં અનિબ્બત્તં અનભિનિબ્બત્તં અપાતુભૂતન્તિ? ન હેવં વત્તબ્બે.
Atītaṃ atthi atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ atthi paccuppannaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe…pe… anāgataṃ atthi anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ atthi paccuppannaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
૨૮૪. અતીતં રૂપં અત્થીતિ? આમન્તા. નનુ અતીતં રૂપં નિરુદ્ધં વિગતં વિપરિણતં અત્થઙ્ગતં અબ્ભત્થઙ્ગતન્તિ? આમન્તા. હઞ્ચિ અતીતં રૂપં નિરુદ્ધં…પે॰… અબ્ભત્થઙ્ગતં, નો ચ વત રે વત્તબ્બે – ‘‘અતીતં રૂપં અત્થી’’તિ.
284. Atītaṃ rūpaṃ atthīti? Āmantā. Nanu atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ rūpaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ rūpaṃ atthī’’ti.
અનાગતં રૂપં અત્થીતિ? આમન્તા. નનુ અનાગતં રૂપં અજાતં અભૂતં અસઞ્જાતં અનિબ્બત્તં અનભિનિબ્બત્તં અપાતુભૂતન્તિ? આમન્તા. હઞ્ચિ અનાગતં રૂપં અજાતં…પે॰… અપાતુભૂતં, નો ચ વત રે વત્તબ્બે – ‘‘અનાગતં રૂપં અત્થી’’તિ.
Anāgataṃ rūpaṃ atthīti? Āmantā. Nanu anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ rūpaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ rūpaṃ atthī’’ti.
પચ્ચુપ્પન્નં રૂપં અત્થિ પચ્ચુપ્પન્નં રૂપં અનિરુદ્ધં અવિગતં અવિપરિણતં ન અત્થઙ્ગતં ન અબ્ભત્થઙ્ગતન્તિ? આમન્તા. અતીતં રૂપં અત્થિ અતીતં રૂપં અનિરુદ્ધં અવિગતં અવિપરિણતં ન અત્થઙ્ગતં ન અબ્ભત્થઙ્ગતન્તિ? ન હેવં વત્તબ્બે.
Paccuppannaṃ rūpaṃ atthi paccuppannaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ rūpaṃ atthi atītaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe.
પચ્ચુપ્પન્નં રૂપં અત્થિ પચ્ચુપ્પન્નં રૂપં જાતં ભૂતં સઞ્જાતં નિબ્બત્તં અભિનિબ્બત્તં પાતુભૂતન્તિ? આમન્તા. અનાગતં રૂપં અત્થિ અનાગતં રૂપં જાતં ભૂતં સઞ્જાતં નિબ્બત્તં અભિનિબ્બત્તં પાતુભૂતન્તિ? ન હેવં વત્તબ્બે.
Paccuppannaṃ rūpaṃ atthi paccuppannaṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ rūpaṃ atthi anāgataṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe.
અતીતં રૂપં અત્થિ અતીતં રૂપં નિરુદ્ધં વિગતં વિપરિણતં અત્થઙ્ગતં અબ્ભત્થઙ્ગતન્તિ? આમન્તા. પચ્ચુપ્પન્નં રૂપં અત્થિ પચ્ચુપ્પન્નં રૂપં નિરુદ્ધં વિગતં વિપરિણતં અત્થઙ્ગતં અબ્ભત્થઙ્ગતન્તિ? ન હેવં વત્તબ્બે.
Atītaṃ rūpaṃ atthi atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ rūpaṃ atthi paccuppannaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe.
અનાગતં રૂપં અત્થિ અનાગતં રૂપં અજાતં અભૂતં અસઞ્જાતં અનિબ્બત્તં અનભિનિબ્બત્તં અપાતુભૂતન્તિ? આમન્તા. પચ્ચુપ્પન્નં રૂપં અત્થિ પચ્ચુપ્પન્નં રૂપં અજાતં અભૂતં અસઞ્જાતં અનિબ્બત્તં અનભિનિબ્બત્તં અપાતુભૂતન્તિ? ન હેવં વત્તબ્બે.
Anāgataṃ rūpaṃ atthi anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ rūpaṃ atthi paccuppannaṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
અતીતા વેદના અત્થિ…પે॰… સઞ્ઞા અત્થિ, સઙ્ખારા અત્થિ, વિઞ્ઞાણં અત્થીતિ? આમન્તા. નનુ અતીતં વિઞ્ઞાણં નિરુદ્ધં વિગતં વિપરિણતં અત્થઙ્ગતં અબ્ભત્થઙ્ગતન્તિ? આમન્તા . હઞ્ચિ અતીતં વિઞ્ઞાણં નિરુદ્ધં…પે॰… અબ્ભત્થઙ્ગતં, નો ચ વત રે વત્તબ્બે – ‘‘અતીતં વિઞ્ઞાણં અત્થી’’તિ.
Atītā vedanā atthi…pe… saññā atthi, saṅkhārā atthi, viññāṇaṃ atthīti? Āmantā. Nanu atītaṃ viññāṇaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā . Hañci atītaṃ viññāṇaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ viññāṇaṃ atthī’’ti.
અનાગતં વિઞ્ઞાણં અત્થીતિ? આમન્તા. નનુ અનાગતં વિઞ્ઞાણં અજાતં અભૂતં અસઞ્જાતં અનિબ્બત્તં અનભિનિબ્બત્તં અપાતુભૂતન્તિ? આમન્તા. હઞ્ચિ અનાગતં વિઞ્ઞાણં અજાતં…પે॰… અપાતુભૂતં, નો ચ વત રે વત્તબ્બે – ‘‘અનાગતં વિઞ્ઞાણં અત્થી’’તિ.
Anāgataṃ viññāṇaṃ atthīti? Āmantā. Nanu anāgataṃ viññāṇaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ viññāṇaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ viññāṇaṃ atthī’’ti.
પચ્ચુપ્પન્નં વિઞ્ઞાણં અત્થિ પચ્ચુપ્પન્નં વિઞ્ઞાણં અનિરુદ્ધં…પે॰… ન અબ્ભત્થઙ્ગતન્તિ? આમન્તા. અતીતં વિઞ્ઞાણં અત્થિ અતીતં વિઞ્ઞાણં અનિરુદ્ધં…પે॰… ન અબ્ભત્થઙ્ગતન્તિ? ન હેવં વત્તબ્બે.
Paccuppannaṃ viññāṇaṃ atthi paccuppannaṃ viññāṇaṃ aniruddhaṃ…pe… na abbhatthaṅgatanti? Āmantā. Atītaṃ viññāṇaṃ atthi atītaṃ viññāṇaṃ aniruddhaṃ…pe… na abbhatthaṅgatanti? Na hevaṃ vattabbe.
પચ્ચુપ્પન્નં વિઞ્ઞાણં અત્થિ પચ્ચુપ્પન્નં વિઞ્ઞાણં જાતં…પે॰… પાતુભૂતન્તિ? આમન્તા. અનાગતં વિઞ્ઞાણં અત્થિ અનાગતં વિઞ્ઞાણં જાતં…પે॰… પાતુભૂતન્તિ? ન હેવં વત્તબ્બે.
Paccuppannaṃ viññāṇaṃ atthi paccuppannaṃ viññāṇaṃ jātaṃ…pe… pātubhūtanti? Āmantā. Anāgataṃ viññāṇaṃ atthi anāgataṃ viññāṇaṃ jātaṃ…pe… pātubhūtanti? Na hevaṃ vattabbe.
અતીતં વિઞ્ઞાણં અત્થિ અતીતં વિઞ્ઞાણં નિરુદ્ધં…પે॰… અબ્ભત્થઙ્ગતન્તિ? આમન્તા. પચ્ચુપ્પન્નં વિઞ્ઞાણં અત્થિ પચ્ચુપ્પન્નં વિઞ્ઞાણં નિરુદ્ધં…પે॰… અબ્ભત્થઙ્ગતન્તિ? ન હેવં વત્તબ્બે. અનાગતં વિઞ્ઞાણં અત્થિ અનાગતં વિઞ્ઞાણં અજાતં…પે॰… અપાતુભૂતન્તિ? આમન્તા.
Atītaṃ viññāṇaṃ atthi atītaṃ viññāṇaṃ niruddhaṃ…pe… abbhatthaṅgatanti? Āmantā. Paccuppannaṃ viññāṇaṃ atthi paccuppannaṃ viññāṇaṃ niruddhaṃ…pe… abbhatthaṅgatanti? Na hevaṃ vattabbe. Anāgataṃ viññāṇaṃ atthi anāgataṃ viññāṇaṃ ajātaṃ…pe… apātubhūtanti? Āmantā.
પચ્ચુપ્પન્નં વિઞ્ઞાણં અત્થિ પચ્ચુપ્પન્નં વિઞ્ઞાણં અજાતં…પે॰… અપાતુભૂતન્તિ? ન હેવં વત્તબ્બે.
Paccuppannaṃ viññāṇaṃ atthi paccuppannaṃ viññāṇaṃ ajātaṃ…pe… apātubhūtanti? Na hevaṃ vattabbe.
૨૮૫. ‘‘પચ્ચુપ્પન્નન્તિ વા રૂપ’’ન્તિ વા, ‘‘રૂપન્તિ વા પચ્ચુપ્પન્ન’’ન્તિ વા પચ્ચુપ્પન્નં રૂપં અપ્પિયં કરિત્વા એસેસે એકટ્ઠે સમે સમભાગે તજ્જાતેતિ? આમન્તા. પચ્ચુપ્પન્નં રૂપં નિરુજ્ઝમાનં પચ્ચુપ્પન્નભાવં જહતીતિ? આમન્તા. રૂપભાવં જહતીતિ? ન હેવં વત્તબ્બે…પે॰….
285. ‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ paccuppannabhāvaṃ jahatīti? Āmantā. Rūpabhāvaṃ jahatīti? Na hevaṃ vattabbe…pe….
‘‘પચ્ચુપ્પન્નન્તિ વા રૂપ’’ન્તિ વા, ‘‘રૂપન્તિ વા પચ્ચુપ્પન્ન’’ન્તિ વા પચ્ચુપ્પન્નં રૂપં અપ્પિયં કરિત્વા એસેસે એકટ્ઠે સમે સમભાગે તજ્જાતેતિ? આમન્તા. પચ્ચુપ્પન્નં રૂપં નિરુજ્ઝમાનં રૂપભાવં ન જહતીતિ? આમન્તા. પચ્ચુપ્પન્નભાવં ન જહતીતિ? ન હેવં વત્તબ્બે…પે॰….
‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ rūpabhāvaṃ na jahatīti? Āmantā. Paccuppannabhāvaṃ na jahatīti? Na hevaṃ vattabbe…pe….
‘‘ઓદાતન્તિ વા વત્થ’’ન્તિ વા, ‘‘વત્થન્તિ વા ઓદાત’’ન્તિ વા ઓદાતં વત્થં અપ્પિયં કરિત્વા એસેસે એકટ્ઠે સમે સમભાગે તજ્જાતેતિ? આમન્તા. ઓદાતં વત્થં રજ્જમાનં ઓદાતભાવં જહતીતિ? આમન્તા. વત્થભાવં જહતીતિ? ન હેવં વત્તબ્બે.
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ odātabhāvaṃ jahatīti? Āmantā. Vatthabhāvaṃ jahatīti? Na hevaṃ vattabbe.
‘‘ઓદાતન્તિ વા વત્થ’’ન્તિ વા, ‘‘વત્થન્તિ વા ઓદાત’’ન્તિ વા ઓદાતં વત્થં અપ્પિયં કરિત્વા એસેસે એકટ્ઠે સમે સમભાગે તજ્જાતેતિ? આમન્તા. ઓદાતં વત્થં રજ્જમાનં વત્થભાવં ન જહતીતિ? આમન્તા. ઓદાતભાવં ન જહતીતિ? ન હેવં વત્તબ્બે.…પે॰….
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ vatthabhāvaṃ na jahatīti? Āmantā. Odātabhāvaṃ na jahatīti? Na hevaṃ vattabbe.…Pe….
૨૮૬. રૂપં રૂપભાવં ન જહતીતિ? આમન્તા. રૂપં નિચ્ચં ધુવં સસ્સતં અવિપરિણામધમ્મન્તિ ? ન હેવં વત્તબ્બે. નનુ રૂપં રૂપભાવં ન જહતીતિ રૂપં અનિચ્ચં અધુવં અસસ્સતં વિપરિણામધમ્મન્તિ? આમન્તા. હઞ્ચિ રૂપં અનિચ્ચં અધુવં અસસ્સતં વિપરિણામધમ્મં, નો ચ વત રે વત્તબ્બે – ‘‘રૂપં રૂપભાવં ન જહતી’’તિ.
286. Rūpaṃ rūpabhāvaṃ na jahatīti? Āmantā. Rūpaṃ niccaṃ dhuvaṃ sassataṃ avipariṇāmadhammanti ? Na hevaṃ vattabbe. Nanu rūpaṃ rūpabhāvaṃ na jahatīti rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci rūpaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘rūpaṃ rūpabhāvaṃ na jahatī’’ti.
નિબ્બાનં નિબ્બાનભાવં ન જહતીતિ નિબ્બાનં નિચ્ચં ધુવં સસ્સતં અવિપરિણામધમ્મન્તિ? આમન્તા. રૂપં રૂપભાવં ન જહતીતિ 1 રૂપં નિચ્ચં ધુવં સસ્સતં અવિપરિણામધમ્મન્તિ? ન હેવં વત્તબ્બે…પે॰… રૂપં રૂપભાવં ન જહતિ રૂપં અનિચ્ચં અધુવં અસસ્સતં વિપરિણામધમ્મન્તિ? આમન્તા. નિબ્બાનં નિબ્બાનભાવં ન જહતિ નિબ્બાનં અનિચ્ચં અધુવં અસસ્સતં વિપરિણામધમ્મન્તિ? ન હેવં વત્તબ્બે…પે॰….
Nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti? Āmantā. Rūpaṃ rūpabhāvaṃ na jahatīti 2 rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… rūpaṃ rūpabhāvaṃ na jahati rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
અતીતં અત્થિ અતીતં અતીતભાવં ન જહતીતિ? આમન્તા. અનાગતં અત્થિ અનાગતં અનાગતભાવં ન જહતીતિ? ન હેવં વત્તબ્બે. અતીતં અત્થિ અતીતં અતીતભાવં ન જહતીતિ? આમન્તા. પચ્ચુપ્પન્નં અત્થિ પચ્ચુપ્પન્નં પચ્ચુપ્પન્નભાવં ન જહતીતિ? ન હેવં વત્તબ્બે…પે॰….
Atītaṃ atthi atītaṃ atītabhāvaṃ na jahatīti? Āmantā. Anāgataṃ atthi anāgataṃ anāgatabhāvaṃ na jahatīti? Na hevaṃ vattabbe. Atītaṃ atthi atītaṃ atītabhāvaṃ na jahatīti? Āmantā. Paccuppannaṃ atthi paccuppannaṃ paccuppannabhāvaṃ na jahatīti? Na hevaṃ vattabbe…pe….
અતીતં અત્થિ અતીતં અતીતભાવં ન જહતીતિ? આમન્તા. અતીતં નિચ્ચં ધુવં સસ્સતં અવિપરિણામધમ્મન્તિ? ન હેવં વત્તબ્બે…પે॰… નનુ અતીતં અનિચ્ચં અધુવં અસસ્સતં વિપરિણામધમ્મન્તિ? આમન્તા. હઞ્ચિ અતીતં અનિચ્ચં અધુવં અસસ્સતં વિપરિણામધમ્મં, નો ચ વત રે વત્તબ્બે – ‘‘અતીતં અત્થિ અતીતં અતીતભાવં ન જહતી’’તિ.
Atītaṃ atthi atītaṃ atītabhāvaṃ na jahatīti? Āmantā. Atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ atthi atītaṃ atītabhāvaṃ na jahatī’’ti.
નિબ્બાનં અત્થિ નિબ્બાનં નિબ્બાનભાવં ન જહતીતિ નિબ્બાનં નિચ્ચં ધુવં સસ્સતં અવિપરિણામધમ્મન્તિ ? આમન્તા. અતીતં અત્થિ અતીતં અતીતભાવં ન જહતીતિ અતીતં નિચ્ચં ધુવં સસ્સતં અવિપરિણામધમ્મન્તિ? ન હેવં વત્તબ્બે…પે॰….
Nibbānaṃ atthi nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti ? Āmantā. Atītaṃ atthi atītaṃ atītabhāvaṃ na jahatīti atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe….
અતીતં અત્થિ અતીતં અતીતભાવં ન જહતિ અતીતં અનિચ્ચં અધુવં અસસ્સતં વિપરિણામધમ્મન્તિ? આમન્તા. નિબ્બાનં અત્થિ નિબ્બાનં નિબ્બાનભાવં ન જહતિ નિબ્બાનં અનિચ્ચં અધુવં અસસ્સતં વિપરિણામધમ્મન્તિ? ન હેવં વત્તબ્બે…પે॰….
Atītaṃ atthi atītaṃ atītabhāvaṃ na jahati atītaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
૨૮૭. અતીતં રૂપં અત્થિ અતીતં રૂપં અતીતભાવં ન જહતીતિ? આમન્તા. અનાગતં રૂપં અત્થિ અનાગતં રૂપં અનાગતભાવં ન જહતીતિ? ન હેવં વત્તબ્બે…પે॰… અતીતં રૂપં અત્થિ અતીતં રૂપં અતીતભાવં ન જહતીતિ? આમન્તા. પચ્ચુપ્પન્નં રૂપં અત્થિ પચ્ચુપ્પન્નં રૂપં પચ્ચુપ્પન્નભાવં ન જહતીતિ? ન હેવં વત્તબ્બે…પે॰….
287. Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Anāgataṃ rūpaṃ atthi anāgataṃ rūpaṃ anāgatabhāvaṃ na jahatīti? Na hevaṃ vattabbe…pe… atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Paccuppannaṃ rūpaṃ atthi paccuppannaṃ rūpaṃ paccuppannabhāvaṃ na jahatīti? Na hevaṃ vattabbe…pe….
અતીતં રૂપં અત્થિ અતીતં રૂપં અતીતભાવં ન જહતીતિ? આમન્તા. અતીતં રૂપં નિચ્ચં ધુવં સસ્સતં અવિપરિણામધમ્મન્તિ? ન હેવં વત્તબ્બે…પે॰… નનુ અતીતં રૂપં અનિચ્ચં અધુવં અસસ્સતં વિપરિણામધમ્મન્તિ? આમન્તા. હઞ્ચિ અતીતં રૂપં અનિચ્ચં…પે॰… વિપરિણામધમ્મં, નો ચ વત રે વત્તબ્બે – ‘‘અતીતં રૂપં અત્થિ અતીતં રૂપં અતીતભાવં ન જહતી’’તિ.
Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Atītaṃ rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ rūpaṃ aniccaṃ…pe… vipariṇāmadhammaṃ, no ca vata re vattabbe – ‘‘atītaṃ rūpaṃ atthi atītaṃ rūpaṃ atītabhāvaṃ na jahatī’’ti.
અતીતં રૂપં અત્થિ અતીતં રૂપં અતીતભાવં ન જહતિ અતીતં રૂપં અનિચ્ચં અધુવં અસસ્સતં વિપરિણામધમ્મન્તિ? આમન્તા. નિબ્બાનં અત્થિ નિબ્બાનં નિબ્બાનભાવં ન જહતિ નિબ્બાનં અનિચ્ચં અધુવં અસસ્સતં વિપરિણામધમ્મન્તિ? ન હેવં વત્તબ્બે…પે॰….
Atītaṃ rūpaṃ atthi atītaṃ rūpaṃ atītabhāvaṃ na jahati atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
અતીતા વેદના અત્થિ… અતીતા સઞ્ઞા અત્થિ… અતીતા સઙ્ખારા અત્થિ… અતીતં વિઞ્ઞાણં અત્થિ અતીતં વિઞ્ઞાણં અતીતભાવં ન જહતીતિ? આમન્તા. અનાગતં વિઞ્ઞાણં અત્થિ અનાગતં વિઞ્ઞાણં અનાગતભાવં ન જહતીતિ? ન હેવં વત્તબ્બે…પે॰… અતીતં વિઞ્ઞાણં અત્થિ અતીતં વિઞ્ઞાણં અતીતભાવં ન જહતીતિ? આમન્તા. પચ્ચુપ્પન્નં વિઞ્ઞાણં અત્થિ પચ્ચુપ્પન્નં વિઞ્ઞાણં પચ્ચુપ્પન્નભાવં ન જહતીતિ? ન હેવં વત્તબ્બે…પે॰….
Atītā vedanā atthi… atītā saññā atthi… atītā saṅkhārā atthi… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Anāgataṃ viññāṇaṃ atthi anāgataṃ viññāṇaṃ anāgatabhāvaṃ na jahatīti? Na hevaṃ vattabbe…pe… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Paccuppannaṃ viññāṇaṃ atthi paccuppannaṃ viññāṇaṃ paccuppannabhāvaṃ na jahatīti? Na hevaṃ vattabbe…pe….
અનાગતં વિઞ્ઞાણં અત્થિ અનાગતં વિઞ્ઞાણં અનાગતભાવં જહતીતિ? આમન્તા. અતીતં વિઞ્ઞાણં અત્થિ અતીતં વિઞ્ઞાણં અતીતભાવં જહતીતિ? ન હેવં વત્તબ્બે…પે॰….
Anāgataṃ viññāṇaṃ atthi anāgataṃ viññāṇaṃ anāgatabhāvaṃ jahatīti? Āmantā. Atītaṃ viññāṇaṃ atthi atītaṃ viññāṇaṃ atītabhāvaṃ jahatīti? Na hevaṃ vattabbe…pe….
અતીતં વિઞ્ઞાણં અત્થિ અતીતં વિઞ્ઞાણં અતીતભાવં ન જહતીતિ? આમન્તા. અતીતં વિઞ્ઞાણં નિચ્ચં ધુવં સસ્સતં અવિપરિણામધમ્મન્તિ? ન હેવં વત્તબ્બે…પે॰… નનુ અતીતં વિઞ્ઞાણં અનિચ્ચં અધુવં અસસ્સતં વિપરિણામધમ્મન્તિ? આમન્તા. હઞ્ચિ અતીતં વિઞ્ઞાણં અનિચ્ચં અધુવં અસસ્સતં વિપરિણામધમ્મં, નો ચ વત રે વત્તબ્બે – ‘‘અતીતં વિઞ્ઞાણં અત્થિ અતીતં વિઞ્ઞાણં અતીતભાવં ન જહતી’’તિ.
Atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Atītaṃ viññāṇaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ viññāṇaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ viññāṇaṃ atthi atītaṃ viññāṇaṃ atītabhāvaṃ na jahatī’’ti.
અતીતં વિઞ્ઞાણં અત્થિ અતીતં વિઞ્ઞાણં અતીતભાવં ન જહતિ અતીતં વિઞ્ઞાણં અનિચ્ચં અધુવં અસસ્સતં વિપરિણામધમ્મન્તિ? આમન્તા. નિબ્બાનં અત્થિ નિબ્બાનં નિબ્બાનભાવં ન જહતિ નિબ્બાનં અનિચ્ચં અધુવં અસસ્સતં વિપરિણામધમ્મન્તિ? ન હેવં વત્તબ્બે…પે॰….
Atītaṃ viññāṇaṃ atthi atītaṃ viññāṇaṃ atītabhāvaṃ na jahati atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
વચનસોધના
Vacanasodhanā
૨૮૮. અતીતં ન્વત્થીતિ? આમન્તા. હઞ્ચિ અતીતં ન્વત્થિ, અતીતં અત્થીતિ મિચ્છા. હઞ્ચિ વા પન અત્થિ ન્વાતીતં, અત્થિ અતીતન્તિ મિચ્છા. અનાગતં ન્વત્થીતિ? આમન્તા. હઞ્ચિ અનાગતં ન્વત્થિ, અનાગતં અત્થીતિ મિચ્છા. હઞ્ચિ વા પન અત્થિ ન્વાનાગતં, અત્થિ અનાગતન્તિ મિચ્છા.
288. Atītaṃ nvatthīti? Āmantā. Hañci atītaṃ nvatthi, atītaṃ atthīti micchā. Hañci vā pana atthi nvātītaṃ, atthi atītanti micchā. Anāgataṃ nvatthīti? Āmantā. Hañci anāgataṃ nvatthi, anāgataṃ atthīti micchā. Hañci vā pana atthi nvānāgataṃ, atthi anāgatanti micchā.
અનાગતં હુત્વા પચ્ચુપ્પન્નં હોતીતિ? આમન્તા. તઞ્ઞેવ અનાગતં તં પચ્ચુપ્પન્નન્તિ? ન હેવં વત્તબ્બે…પે॰… તઞ્ઞેવ અનાગતં તં પચ્ચુપ્પન્નન્તિ? આમન્તા. હુત્વા હોતિ હુત્વા હોતીતિ? ન હેવં વત્તબ્બે…પે॰… હુત્વા હોતિ હુત્વા હોતીતિ? આમન્તા. ન હુત્વા ન હોતિ ન હુત્વા ન હોતીતિ? ન હેવં વત્તબ્બે…પે॰….
Anāgataṃ hutvā paccuppannaṃ hotīti? Āmantā. Taññeva anāgataṃ taṃ paccuppannanti? Na hevaṃ vattabbe…pe… taññeva anāgataṃ taṃ paccuppannanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
પચ્ચુપ્પન્નં હુત્વા અતીતં હોતીતિ? આમન્તા. તઞ્ઞેવ પચ્ચુપ્પન્નં તં અતીતન્તિ? ન હેવં વત્તબ્બે…પે॰… તઞ્ઞેવ પચ્ચુપ્પન્નં તં અતીતન્તિ? આમન્તા . હુત્વા હોતિ હુત્વા હોતીતિ? ન હેવં વત્તબ્બે…પે॰… હુત્વા હોતિ હુત્વા હોતીતિ? આમન્તા. ન હુત્વા ન હોતિ ન હુત્વા ન હોતીતિ? ન હેવં વત્તબ્બે…પે॰….
Paccuppannaṃ hutvā atītaṃ hotīti? Āmantā. Taññeva paccuppannaṃ taṃ atītanti? Na hevaṃ vattabbe…pe… taññeva paccuppannaṃ taṃ atītanti? Āmantā . Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
અનાગતં હુત્વા પચ્ચુપ્પન્નં હોતિ, પચ્ચુપ્પન્નં હુત્વા અતીતં હોતીતિ? આમન્તા. તઞ્ઞેવ અનાગતં તં પચ્ચુપ્પન્નં તં અતીતન્તિ? ન હેવં વત્તબ્બે…પે॰… તઞ્ઞેવ અનાગતં તં પચ્ચુપ્પન્નં તં અતીતન્તિ? આમન્તા. હુત્વા હોતિ હુત્વા હોતીતિ? ન હેવં વત્તબ્બે…પે॰… હુત્વા હોતિ હુત્વા હોતીતિ? આમન્તા. ન હુત્વા ન હોતિ ન હુત્વા ન હોતીતિ? ન હેવં વત્તબ્બે.
Anāgataṃ hutvā paccuppannaṃ hoti, paccuppannaṃ hutvā atītaṃ hotīti? Āmantā. Taññeva anāgataṃ taṃ paccuppannaṃ taṃ atītanti? Na hevaṃ vattabbe…pe… taññeva anāgataṃ taṃ paccuppannaṃ taṃ atītanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe.
અતીતચક્ખુરૂપાદિકથા
Atītacakkhurūpādikathā
૨૮૯. અતીતં ચક્ખું અત્થિ રૂપા અત્થિ ચક્ખુવિઞ્ઞાણં અત્થિ આલોકો અત્થિ મનસિકારો અત્થીતિ? આમન્તા. અતીતેન ચક્ખુના અતીતં રૂપં પસ્સતીતિ? ન હેવં વત્તબ્બે…પે॰… અતીતં સોતં અત્થિ સદ્દા અત્થિ સોતવિઞ્ઞાણં અત્થિ આકાસો અત્થિ મનસિકારો અત્થીતિ? આમન્તા. અતીતેન સોતેન અતીતં સદ્દં સુણાતીતિ? ન હેવં વત્તબ્બે…પે॰… અતીતં ઘાનં અત્થિ ગન્ધા અત્થિ ઘાનવિઞ્ઞાણં અત્થિ વાયો અત્થિ મનસિકારો અત્થીતિ? આમન્તા. અતીતેન ઘાનેન અતીતં ગન્ધં ઘાયતીતિ? ન હેવં વત્તબ્બે…પે॰… અતીતા જિવ્હા અત્થિ રસા અત્થિ જિવ્હાવિઞ્ઞાણં અત્થિ આપો અત્થિ મનસિકારો અત્થીતિ? આમન્તા . અતીતાય જિવ્હાય અતીતં રસં સાયતીતિ? ન હેવં વત્તબ્બે…પે॰… અતીતો કાયો અત્થિ ફોટ્ઠબ્બા અત્થિ કાયવિઞ્ઞાણં અત્થિ પથવી અત્થિ મનસિકારો અત્થીતિ? આમન્તા. અતીતેન કાયેન અતીતં ફોટ્ઠબ્બં ફુસતીતિ? ન હેવં વત્તબ્બે…પે॰… અતીતો મનો અત્થિ ધમ્મા અત્થિ મનોવિઞ્ઞાણં અત્થિ વત્થું અત્થિ મનસિકારો અત્થીતિ? આમન્તા. અતીતેન મનેન અતીતં ધમ્મં વિજાનાતીતિ? ન હેવં વત્તબ્બે…પે॰….
289. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Atītena cakkhunā atītaṃ rūpaṃ passatīti? Na hevaṃ vattabbe…pe… atītaṃ sotaṃ atthi saddā atthi sotaviññāṇaṃ atthi ākāso atthi manasikāro atthīti? Āmantā. Atītena sotena atītaṃ saddaṃ suṇātīti? Na hevaṃ vattabbe…pe… atītaṃ ghānaṃ atthi gandhā atthi ghānaviññāṇaṃ atthi vāyo atthi manasikāro atthīti? Āmantā. Atītena ghānena atītaṃ gandhaṃ ghāyatīti? Na hevaṃ vattabbe…pe… atītā jivhā atthi rasā atthi jivhāviññāṇaṃ atthi āpo atthi manasikāro atthīti? Āmantā . Atītāya jivhāya atītaṃ rasaṃ sāyatīti? Na hevaṃ vattabbe…pe… atīto kāyo atthi phoṭṭhabbā atthi kāyaviññāṇaṃ atthi pathavī atthi manasikāro atthīti? Āmantā. Atītena kāyena atītaṃ phoṭṭhabbaṃ phusatīti? Na hevaṃ vattabbe…pe… atīto mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Atītena manena atītaṃ dhammaṃ vijānātīti? Na hevaṃ vattabbe…pe….
અનાગતં ચક્ખું અત્થિ રૂપા અત્થિ ચક્ખુવિઞ્ઞાણં અત્થિ આલોકો અત્થિ મનસિકારો અત્થીતિ? આમન્તા. અનાગતેન ચક્ખુના અનાગતં રૂપં પસ્સતીતિ? ન હેવં વત્તબ્બે…પે॰… અનાગતં સોતં અત્થિ… ઘાનં અત્થિ… જિવ્હા અત્થિ… કાયો અત્થિ … મનો અત્થિ ધમ્મા અત્થિ મનોવિઞ્ઞાણં અત્થિ વત્થું અત્થિ મનસિકારો અત્થીતિ? આમન્તા. અનાગતેન મનેન અનાગતં ધમ્મં વિજાનાતીતિ? ન હેવં વત્તબ્બે…પે॰….
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Anāgatena cakkhunā anāgataṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi … mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Anāgatena manena anāgataṃ dhammaṃ vijānātīti? Na hevaṃ vattabbe…pe….
પચ્ચુપ્પન્નં ચક્ખું અત્થિ રૂપા અત્થિ ચક્ખુવિઞ્ઞાણં અત્થિ આલોકો અત્થિ મનસિકારો અત્થિ, પચ્ચુપ્પન્નેન ચક્ખુના પચ્ચુપ્પન્નં રૂપં પસ્સતીતિ? આમન્તા. અતીતં ચક્ખું અત્થિ રૂપા અત્થિ ચક્ખુવિઞ્ઞાણં અત્થિ આલોકો અત્થિ મનસિકારો અત્થિ, અતીતેન ચક્ખુના અતીતં રૂપં પસ્સતીતિ? ન હેવં વત્તબ્બે…પે॰…. પચ્ચુપ્પન્નં સોતં અત્થિ… ઘાનં અત્થિ… જિવ્હા અત્થિ… કાયો અત્થિ… મનો અત્થિ ધમ્મા અત્થિ મનોવિઞ્ઞાણં અત્થિ વત્થું અત્થિ મનસિકારો અત્થિ, પચ્ચુપ્પન્નેન મનેન પચ્ચુપ્પન્નં ધમ્મં વિજાનાતીતિ? આમન્તા. અતીતો મનો અત્થિ ધમ્મા અત્થિ મનોવિઞ્ઞાણં અત્થિ વત્થું અત્થિ મનસિકારો અત્થિ, અતીતેન મનેન અતીતં ધમ્મં વિજાનાતીતિ? ન હેવં વત્તબ્બે…પે॰….
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, atītena cakkhunā atītaṃ rūpaṃ passatīti? Na hevaṃ vattabbe…pe…. Paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Atīto mano atthi dhammā atthi manoviññāṇaṃ atthi vatthuṃ atthi manasikāro atthi, atītena manena atītaṃ dhammaṃ vijānātīti? Na hevaṃ vattabbe…pe….
પચ્ચુપ્પન્નં ચક્ખું અત્થિ રૂપા અત્થિ ચક્ખુવિઞ્ઞાણં અત્થિ આલોકો અત્થિ મનસિકારો અત્થિ, પચ્ચુપ્પન્નેન ચક્ખુના પચ્ચુપ્પન્નં રૂપં પસ્સતીતિ? આમન્તા. અનાગતં ચક્ખું અત્થિ રૂપા અત્થિ ચક્ખુવિઞ્ઞાણં અત્થિ આલોકો અત્થિ મનસિકારો અત્થિ, અનાગતેન ચક્ખુના અનાગતં રૂપં પસ્સતીતિ? ન હેવં વત્તબ્બે…પે॰… પચ્ચુપ્પન્નં સોતં અત્થિ… ઘાનં અત્થિ… જિવ્હા અત્થિ… કાયો અત્થિ… મનો અત્થિ ધમ્મા અત્થિ મનોવિઞ્ઞાણં અત્થિ વત્થું અત્થિ મનસિકારો અત્થિ, પચ્ચુપ્પન્નેન મનેન પચ્ચુપ્પન્નં ધમ્મં વિજાનાતીતિ? આમન્તા. અનાગતો મનો અત્થિ ધમ્મા અત્થિ મનોવિઞ્ઞાણં અત્થિ વત્થું અત્થિ મનસિકારો અત્થિ, અનાગતેન મનેન અનાગતં ધમ્મં વિજાનાતીતિ? ન હેવં વત્તબ્બે…પે॰….
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, anāgatena cakkhunā anāgataṃ rūpaṃ passatīti? Na hevaṃ vattabbe…pe… paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Anāgato mano atthi dhammā atthi manoviññāṇaṃ atthi vatthuṃ atthi manasikāro atthi, anāgatena manena anāgataṃ dhammaṃ vijānātīti? Na hevaṃ vattabbe…pe….
અતીતં ચક્ખું અત્થિ રૂપા અત્થિ ચક્ખુવિઞ્ઞાણં અત્થિ આલોકો અત્થિ મનસિકારો અત્થિ, ન ચ અતીતેન ચક્ખુના અતીતં રૂપં પસ્સતીતિ? આમન્તા. પચ્ચુપ્પન્નં ચક્ખું અત્થિ રૂપા અત્થિ ચક્ખુવિઞ્ઞાણં અત્થિ આલોકો અત્થિ મનસિકારો અત્થિ, ન ચ પચ્ચુપ્પન્નેન ચક્ખુના પચ્ચુપ્પન્નં રૂપં પસ્સતીતિ? ન હેવં વત્તબ્બે…પે॰… અતીતં સોતં અત્થિ… ઘાનં અત્થિ… જિવ્હા અત્થિ… કાયો અત્થિ… મનો અત્થિ ધમ્મા અત્થિ મનોવિઞ્ઞાણં અત્થિ વત્થું અત્થિ મનસિકારો અત્થિ, ન ચ અતીતેન મનેન અતીતં ધમ્મં વિજાનાતીતિ? આમન્તા. પચ્ચુપ્પન્નો મનો અત્થિ ધમ્મા અત્થિ મનોવિઞ્ઞાણં અત્થિ વત્થું અત્થિ મનસિકારો અત્થિ, ન ચ પચ્ચુપ્પન્નેન મનેન પચ્ચુપ્પન્નં ધમ્મં વિજાનાતીતિ? ન હેવં વત્તબ્બે…પે॰….
Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca atītena cakkhunā atītaṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… atītaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca atītena manena atītaṃ dhammaṃ vijānātīti? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
અનાગતં ચક્ખું અત્થિ રૂપા અત્થિ ચક્ખુવિઞ્ઞાણં અત્થિ આલોકો અત્થિ મનસિકારો અત્થિ, ન ચ અનાગતેન ચક્ખુના અનાગતં રૂપં પસ્સતીતિ? આમન્તા. પચ્ચુપ્પન્નં ચક્ખું અત્થિ રૂપા અત્થિ ચક્ખુવિઞ્ઞાણં અત્થિ આલોકો અત્થિ મનસિકારો અત્થિ, ન ચ પચ્ચુપ્પન્નેન ચક્ખુના પચ્ચુપ્પન્નં રૂપં પસ્સતીતિ? ન હેવં વત્તબ્બે…પે॰… અનાગતં સોતં અત્થિ… ઘાનં અત્થિ… જિવ્હા અત્થિ… કાયો અત્થિ… મનો અત્થિ ધમ્મા અત્થિ મનોવિઞ્ઞાણં અત્થિ વત્થું અત્થિ મનસિકારો અત્થિ, ન ચ અનાગતેન મનેન અનાગતં ધમ્મં વિજાનાતીતિ ? આમન્તા. પચ્ચુપ્પન્નો મનો અત્થિ ધમ્મા અત્થિ મનોવિઞ્ઞાણં અત્થિ વત્થું અત્થિ મનસિકારો અત્થિ, ન ચ પચ્ચુપ્પન્નેન મનેન પચ્ચુપ્પન્નં ધમ્મં વિજાનાતીતિ? ન હેવં વત્તબ્બે…પે॰….
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca anāgatena cakkhunā anāgataṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca anāgatena manena anāgataṃ dhammaṃ vijānātīti ? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
અતીતઞાણાદિકથા
Atītañāṇādikathā
૨૯૦. અતીતં ઞાણં અત્થીતિ? આમન્તા. તેન ઞાણેન ઞાણકરણીયં કરોતીતિ? ન હેવં વત્તબ્બે…પે॰… તેન ઞાણેન ઞાણકરણીયં કરોતીતિ ? આમન્તા. તેન ઞાણેન દુક્ખં પરિજાનાતિ, સમુદયં પજહતિ, નિરોધં સચ્છિકરોતિ, મગ્ગં ભાવેતીતિ? ન હેવં વત્તબ્બે…પે॰….
290. Atītaṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti ? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
અનાગતં ઞાણં અત્થીતિ? આમન્તા. તેન ઞાણેન ઞાણકરણીયં કરોતીતિ? ન હેવં વત્તબ્બે…પે॰… તેન ઞાણેન ઞાણકરણીયં કરોતીતિ? આમન્તા. તેન ઞાણેન દુક્ખં પરિજાનાતિ, સમુદયં પજહતિ, નિરોધં સચ્છિકરોતિ , મગ્ગં ભાવેતીતિ? ન હેવં વત્તબ્બે…પે॰….
Anāgataṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti , maggaṃ bhāvetīti? Na hevaṃ vattabbe…pe….
પચ્ચુપ્પન્નં ઞાણં અત્થિ, તેન ઞાણેન ઞાણકરણીયં કરોતીતિ? આમન્તા. અતીતં ઞાણં અત્થિ, તેન ઞાણેન ઞાણકરણીયં કરોતીતિ? ન હેવં વત્તબ્બે…પે॰… પચ્ચુપ્પન્નં ઞાણં અત્થિ, તેન ઞાણેન દુક્ખં પરિજાનાતિ, સમુદયં પજહતિ, નિરોધં સચ્છિકરોતિ, મગ્ગં ભાવેતીતિ? આમન્તા. અતીતં ઞાણં અત્થિ, તેન ઞાણેન દુક્ખં પરિજાનાતિ, સમુદયં પજહતિ, નિરોધં સચ્છિકરોતિ, મગ્ગં ભાવેતીતિ? ન હેવં વત્તબ્બે…પે॰… પચ્ચુપ્પન્નં ઞાણં અત્થિ, તેન ઞાણેન ઞાણકરણીયં કરોતીતિ? આમન્તા. અનાગતં ઞાણં અત્થિ, તેન ઞાણેન ઞાણકરણીયં કરોતીતિ? ન હેવં વત્તબ્બે…પે॰… પચ્ચુપ્પન્નં ઞાણં અત્થિ, તેન ઞાણેન દુક્ખં પરિજાનાતિ, સમુદયં પજહતિ, નિરોધં સચ્છિકરોતિ, મગ્ગં ભાવેતીતિ? આમન્તા . અનાગતં ઞાણં અત્થિ, તેન ઞાણેન દુક્ખં પરિજાનાતિ, સમુદયં પજહતિ, નિરોધં સચ્છિકરોતિ, મગ્ગં ભાવેતીતિ? ન હેવં વત્તબ્બે…પે॰….
Paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Atītaṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Atītaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Anāgataṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā . Anāgataṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
અતીતં ઞાણં અત્થિ, ન ચ તેન ઞાણેન ઞાણકરણીયં કરોતીતિ? આમન્તા. પચ્ચુપ્પન્નં ઞાણં અત્થિ, ન ચ તેન ઞાણેન ઞાણકરણીયં કરોતીતિ? ન હેવં વત્તબ્બે…પે॰… અતીતં ઞાણં અત્થિ, ન ચ તેન ઞાણેન દુક્ખં પરિજાનાતિ, સમુદયં પજહતિ, નિરોધં સચ્છિકરોતિ, મગ્ગં ભાવેતીતિ? આમન્તા. પચ્ચુપ્પન્નં ઞાણં અત્થિ, ન ચ તેન ઞાણેન દુક્ખં પરિજાનાતિ, સમુદયં પજહતિ, નિરોધં સચ્છિકરોતિ, મગ્ગં ભાવેતીતિ? ન હેવં વત્તબ્બે…પે॰….
Atītaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe… atītaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
અનાગતં ઞાણં અત્થિ, ન ચ તેન ઞાણેન ઞાણકરણીયં કરોતીતિ? આમન્તા. પચ્ચુપ્પન્નં ઞાણં અત્થિ, ન ચ તેન ઞાણેન ઞાણકરણીયં કરોતીતિ? ન હેવં વત્તબ્બે…પે॰…. અનાગતં ઞાણં અત્થિ, ન ચ તેન ઞાણેન દુક્ખં પરિજાનાતિ, સમુદયં પજહતિ , નિરોધં સચ્છિકરોતિ, મગ્ગં ભાવેતીતિ? આમન્તા . પચ્ચુપ્પન્નં ઞાણં અત્થિ, ન ચ તેન ઞાણેન દુક્ખં પરિજાનાતિ, સમુદયં પજહતિ, નિરોધં સચ્છિકરોતિ, મગ્ગં ભાવેતીતિ? ન હેવં વત્તબ્બે…પે॰….
Anāgataṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe…. Anāgataṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati , nirodhaṃ sacchikaroti, maggaṃ bhāvetīti? Āmantā . Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
અરહન્તાદિકથા
Arahantādikathā
૨૯૧. અરહતો અતીતો રાગો અત્થીતિ? આમન્તા. અરહા તેન રાગેન સરાગોતિ? ન હેવં વત્તબ્બે…પે॰… અરહતો અતીતો દોસો અત્થીતિ? આમન્તા . અરહા તેન દોસેન સદોસોતિ? ન હેવં વત્તબ્બે…પે॰… અરહતો અતીતો મોહો અત્થીતિ? આમન્તા. અરહા તેન મોહેન સમોહોતિ? ન હેવં વત્તબ્બે…પે॰… અરહતો અતીતો માનો અત્થીતિ? આમન્તા. અરહા તેન માનેન સમાનોતિ? ન હેવં વત્તબ્બે…પે॰… અરહતો અતીતા દિટ્ઠિ અત્થીતિ? આમન્તા. અરહા તાય દિટ્ઠિયા સદિટ્ઠિકોતિ? ન હેવં વત્તબ્બે…પે॰… અરહતો અતીતા વિચિકિચ્છા અત્થીતિ? આમન્તા. અરહા તાય વિચિકિચ્છાય સવિચિકિચ્છોતિ? ન હેવં વત્તબ્બે…પે॰… અરહતો અતીતં થિનં અત્થીતિ? આમન્તા. અરહા તેન થિનેન સથિનોતિ? ન હેવં વત્તબ્બે…પે॰… અરહતો અતીતં ઉદ્ધચ્ચં અત્થીતિ? આમન્તા. અરહા તેન ઉદ્ધચ્ચેન સઉદ્ધચ્ચોતિ? ન હેવં વત્તબ્બે…પે॰… અરહતો અતીતં અહિરિકં અત્થીતિ? આમન્તા. અરહા તેન અહિરિકેન સઅહિરિકોતિ? ન હેવં વત્તબ્બે…પે॰… અરહતો અતીતં અનોત્તપ્પં અત્થીતિ? આમન્તા. અરહા તેન અનોત્તપ્પેન સઅનોત્તપ્પીતિ? ન હેવં વત્તબ્બે…પે॰….
291. Arahato atīto rāgo atthīti? Āmantā. Arahā tena rāgena sarāgoti? Na hevaṃ vattabbe…pe… arahato atīto doso atthīti? Āmantā . Arahā tena dosena sadosoti? Na hevaṃ vattabbe…pe… arahato atīto moho atthīti? Āmantā. Arahā tena mohena samohoti? Na hevaṃ vattabbe…pe… arahato atīto māno atthīti? Āmantā. Arahā tena mānena samānoti? Na hevaṃ vattabbe…pe… arahato atītā diṭṭhi atthīti? Āmantā. Arahā tāya diṭṭhiyā sadiṭṭhikoti? Na hevaṃ vattabbe…pe… arahato atītā vicikicchā atthīti? Āmantā. Arahā tāya vicikicchāya savicikicchoti? Na hevaṃ vattabbe…pe… arahato atītaṃ thinaṃ atthīti? Āmantā. Arahā tena thinena sathinoti? Na hevaṃ vattabbe…pe… arahato atītaṃ uddhaccaṃ atthīti? Āmantā. Arahā tena uddhaccena sauddhaccoti? Na hevaṃ vattabbe…pe… arahato atītaṃ ahirikaṃ atthīti? Āmantā. Arahā tena ahirikena saahirikoti? Na hevaṃ vattabbe…pe… arahato atītaṃ anottappaṃ atthīti? Āmantā. Arahā tena anottappena saanottappīti? Na hevaṃ vattabbe…pe….
અનાગામિસ્સ અતીતા સક્કાયદિટ્ઠિ અત્થીતિ? આમન્તા . અનાગામી તાય દિટ્ઠિયા સદિટ્ઠિકોતિ? ન હેવં વત્તબ્બે…પે॰… અનાગામિસ્સ અતીતા વિચિકિચ્છા અત્થિ… અતીતો સીલબ્બતપરામાસો અત્થિ… અતીતો અણુસહગતો કામરાગો અત્થિ… અતીતો અણુસહગતો બ્યાપાદો અત્થીતિ? આમન્તા. અનાગામી તેન બ્યાપાદેન બ્યાપન્નચિત્તોતિ? ન હેવં વત્તબ્બે…પે॰….
Anāgāmissa atītā sakkāyadiṭṭhi atthīti? Āmantā . Anāgāmī tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi… atīto sīlabbataparāmāso atthi… atīto aṇusahagato kāmarāgo atthi… atīto aṇusahagato byāpādo atthīti? Āmantā. Anāgāmī tena byāpādena byāpannacittoti? Na hevaṃ vattabbe…pe….
સકદાગામિસ્સ અતીતા સક્કાયદિટ્ઠિ અત્થીતિ? આમન્તા. સકદાગામી તાય દિટ્ઠિયા સદિટ્ઠિકોતિ? ન હેવં વત્તબ્બે…પે॰… સકદાગામિસ્સ અતીતા વિચિકિચ્છા અત્થિ… અતીતો સીલબ્બતપરામાસો અત્થિ… અતીતો ઓળારિકો કામરાગો અત્થિ… અતીતો ઓળારિકો બ્યાપાદો અત્થીતિ? આમન્તા. સકદાગામી તેન બ્યાપાદેન બ્યાપન્નચિત્તોતિ? ન હેવં વત્તબ્બે…પે॰….
Sakadāgāmissa atītā sakkāyadiṭṭhi atthīti? Āmantā. Sakadāgāmī tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi… atīto sīlabbataparāmāso atthi… atīto oḷāriko kāmarāgo atthi… atīto oḷāriko byāpādo atthīti? Āmantā. Sakadāgāmī tena byāpādena byāpannacittoti? Na hevaṃ vattabbe…pe….
સોતાપન્નસ્સ અતીતા સક્કાયદિટ્ઠિ અત્થીતિ? આમન્તા. સોતાપન્નો તાય દિટ્ઠિયા સદિટ્ઠિકોતિ? ન હેવં વત્તબ્બે…પે॰… સોતાપન્નસ્સ અતીતા વિચિકિચ્છા અત્થિ… અતીતો સીલબ્બતપરામાસો અત્થિ… અતીતો અપાયગમનીયો રાગો અત્થિ… અતીતો અપાયગમનીયો દોસો અત્થિ… અતીતો અપાયગમનીયો મોહો અત્થીતિ? આમન્તા. સોતાપન્નો તેન મોહેન સમોહોતિ? ન હેવં વત્તબ્બે…પે॰….
Sotāpannassa atītā sakkāyadiṭṭhi atthīti? Āmantā. Sotāpanno tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi… atīto sīlabbataparāmāso atthi… atīto apāyagamanīyo rāgo atthi… atīto apāyagamanīyo doso atthi… atīto apāyagamanīyo moho atthīti? Āmantā. Sotāpanno tena mohena samohoti? Na hevaṃ vattabbe…pe….
૨૯૨. પુથુજ્જનસ્સ અતીતો રાગો અત્થિ, પુથુજ્જનો તેન રાગેન સરાગોતિ? આમન્તા. અરહતો અતીતો રાગો અત્થિ, અરહા તેન રાગેન સરાગોતિ? ન હેવં વત્તબ્બે…પે॰… પુથુજ્જનસ્સ અતીતો દોસો અત્થિ…પે॰… અતીતં અનોત્તપ્પં અત્થિ પુથુજ્જનો તેન અનોત્તપ્પેન અનોત્તપ્પીતિ? આમન્તા. અરહતો અતીતં અનોત્તપ્પં અત્થિ, અરહા તેન અનોત્તપ્પેન અનોત્તપ્પીતિ? ન હેવં વત્તબ્બે…પે॰….
292. Puthujjanassa atīto rāgo atthi, puthujjano tena rāgena sarāgoti? Āmantā. Arahato atīto rāgo atthi, arahā tena rāgena sarāgoti? Na hevaṃ vattabbe…pe… puthujjanassa atīto doso atthi…pe… atītaṃ anottappaṃ atthi puthujjano tena anottappena anottappīti? Āmantā. Arahato atītaṃ anottappaṃ atthi, arahā tena anottappena anottappīti? Na hevaṃ vattabbe…pe….
પુથુજ્જનસ્સ અતીતા સક્કાયદિટ્ઠિ અત્થિ, પુથુજ્જનો તાય દિટ્ઠિયા સદિટ્ઠિકોતિ? આમન્તા. અનાગામિસ્સ અતીતા સક્કાયદિટ્ઠિ અત્થિ, અનાગામી તાય દિટ્ઠિયા સદિટ્ઠિકોતિ? ન હેવં વત્તબ્બે…પે॰… પુથુજ્જનસ્સ અતીતા વિચિકિચ્છા અત્થિ…પે॰… અતીતો અણુસહગતો બ્યાપાદો અત્થિ, પુથુજ્જનો તેન બ્યાપાદેન બ્યાપન્નચિત્તોતિ? આમન્તા. અનાગામિસ્સ અતીતો અણુસહગતો બ્યાપાદો અત્થિ, અનાગામી તેન બ્યાપાદેન બ્યાપન્નચિત્તોતિ? ન હેવં વત્તબ્બે…પે॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Anāgāmissa atītā sakkāyadiṭṭhi atthi, anāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto aṇusahagato byāpādo atthi, puthujjano tena byāpādena byāpannacittoti? Āmantā. Anāgāmissa atīto aṇusahagato byāpādo atthi, anāgāmī tena byāpādena byāpannacittoti? Na hevaṃ vattabbe…pe….
પુથુજ્જનસ્સ અતીતા સક્કાયદિટ્ઠિ અત્થિ, પુથુજ્જનો તાય દિટ્ઠિયા સદિટ્ઠિકોતિ? આમન્તા. સકદાગામિસ્સ અતીતા સક્કાયદિટ્ઠિ અત્થિ, સકદાગામી તાય દિટ્ઠિયા સદિટ્ઠિકોતિ? ન હેવં વત્તબ્બે…પે॰… પુથુજ્જનસ્સ અતીતા વિચિકિચ્છા અત્થિ… અતીતો ઓળારિકો બ્યાપાદો અત્થિ, પુથુજ્જનો તેન બ્યાપાદેન બ્યાપન્નચિત્તોતિ ? આમન્તા. સકદાગામિસ્સ અતીતો ઓળારિકો બ્યાપાદો અત્થિ, સકદાગામી તેન બ્યાપાદેન બ્યાપન્નચિત્તોતિ? ન હેવં વત્તબ્બે…પે॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sakadāgāmissa atītā sakkāyadiṭṭhi atthi, sakadāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi… atīto oḷāriko byāpādo atthi, puthujjano tena byāpādena byāpannacittoti ? Āmantā. Sakadāgāmissa atīto oḷāriko byāpādo atthi, sakadāgāmī tena byāpādena byāpannacittoti? Na hevaṃ vattabbe…pe….
પુથુજ્જનસ્સ અતીતા સક્કાયદિટ્ઠિ અત્થિ, પુથુજ્જનો તાય દિટ્ઠિયા સદિટ્ઠિકોતિ? આમન્તા. સોતાપન્નસ્સ અતીતા સક્કાયદિટ્ઠિ અત્થિ, સોતાપન્નો તાય દિટ્ઠિયા સદિટ્ઠિકોતિ? ન હેવં વત્તબ્બે…પે॰… પુથુજ્જનસ્સ અતીતા વિચિકિચ્છા અત્થિ…પે॰… અતીતો અપાયગમનીયો મોહો અત્થિ, પુથુજ્જનો તેન મોહેન સમોહોતિ? આમન્તા. સોતાપન્નસ્સ અતીતો અપાયગમનીયો મોહો અત્થિ, સોતાપન્નો તેન મોહેન સમોહોતિ? ન હેવં વત્તબ્બે…પે॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sotāpannassa atītā sakkāyadiṭṭhi atthi, sotāpanno tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto apāyagamanīyo moho atthi, puthujjano tena mohena samohoti? Āmantā. Sotāpannassa atīto apāyagamanīyo moho atthi, sotāpanno tena mohena samohoti? Na hevaṃ vattabbe…pe….
અરહતો અતીતો રાગો અત્થિ, ન ચ અરહા તેન રાગેન સરાગોતિ? આમન્તા. પુથુજ્જનસ્સ અતીતો રાગો અત્થિ, ન ચ પુથુજ્જનો તેન રાગેન સરાગોતિ? ન હેવં વત્તબ્બે…પે॰… અરહતો અતીતો દોસો અત્થિ…પે॰… અતીતં અનોત્તપ્પં અત્થિ, ન ચ અરહા તેન અનોત્તપ્પેન અનોત્તપ્પીતિ? આમન્તા. પુથુજ્જનસ્સ અતીતં અનોત્તપ્પં અત્થિ, ન ચ પુથુજ્જનો તેન અનોત્તપ્પેન અનોત્તપ્પીતિ? ન હેવં વત્તબ્બે…પે॰….
Arahato atīto rāgo atthi, na ca arahā tena rāgena sarāgoti? Āmantā. Puthujjanassa atīto rāgo atthi, na ca puthujjano tena rāgena sarāgoti? Na hevaṃ vattabbe…pe… arahato atīto doso atthi…pe… atītaṃ anottappaṃ atthi, na ca arahā tena anottappena anottappīti? Āmantā. Puthujjanassa atītaṃ anottappaṃ atthi, na ca puthujjano tena anottappena anottappīti? Na hevaṃ vattabbe…pe….
અનાગામિસ્સ અતીતા સક્કાયદિટ્ઠિ અત્થિ, ન ચ અનાગામી તાય દિટ્ઠિયા સદિટ્ઠિકોતિ? આમન્તા. પુથુજ્જનસ્સ અતીતા સક્કાયદિટ્ઠિ અત્થિ, ન ચ પુથુજ્જનો તાય દિટ્ઠિયા સદિટ્ઠિકોતિ? ન હેવં વત્તબ્બે…પે॰… અનાગામિસ્સ અતીતા વિચિકિચ્છા અત્થિ…પે॰… અતીતો અણુસહગતો બ્યાપાદો અત્થિ, ન ચ અનાગામી તેન બ્યાપાદેન બ્યાપન્નચિત્તોતિ ? આમન્તા. પુથુજ્જનસ્સ અતીતો અણુસહગતો બ્યાપાદો અત્થિ, ન ચ પુથુજ્જનો તેન બ્યાપાદેન બ્યાપન્નચિત્તોતિ? ન હેવં વત્તબ્બે…પે॰….
Anāgāmissa atītā sakkāyadiṭṭhi atthi, na ca anāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi…pe… atīto aṇusahagato byāpādo atthi, na ca anāgāmī tena byāpādena byāpannacittoti ? Āmantā. Puthujjanassa atīto aṇusahagato byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
સકદાગામિસ્સ અતીતા સક્કાયદિટ્ઠિ અત્થિ, ન ચ સકદાગામી તાય દિટ્ઠિયા સદિટ્ઠિકોતિ? આમન્તા. પુથુજ્જનસ્સ અતીતા સક્કાયદિટ્ઠિ અત્થિ, ન ચ પુથુજ્જનો તાય દિટ્ઠિયા સદિટ્ઠિકોતિ? ન હેવં વત્તબ્બે…પે॰… સકદાગામિસ્સ અતીતા વિચિકિચ્છા અત્થિ…પે॰… અતીતો ઓળારિકો બ્યાપાદો અત્થિ, ન ચ સકદાગામી તેન બ્યાપાદેન બ્યાપન્નચિત્તોતિ? આમન્તા. પુથુજ્જનસ્સ અતીતો ઓળારિકો બ્યાપાદો અત્થિ, ન ચ પુથુજ્જનો તેન બ્યાપાદેન બ્યાપન્નચિત્તોતિ? ન હેવં વત્તબ્બે…પે॰….
Sakadāgāmissa atītā sakkāyadiṭṭhi atthi, na ca sakadāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi…pe… atīto oḷāriko byāpādo atthi, na ca sakadāgāmī tena byāpādena byāpannacittoti? Āmantā. Puthujjanassa atīto oḷāriko byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
સોતાપન્નસ્સ અતીતા સક્કાયદિટ્ઠિ અત્થિ, ન ચ સોતાપન્નો તાય દિટ્ઠિયા સદિટ્ઠિકોતિ? આમન્તા. પુથુજ્જનસ્સ અતીતા સક્કાયદિટ્ઠિ અત્થિ, ન ચ પુથુજ્જનો તાય દિટ્ઠિયા સદિટ્ઠિકોતિ? ન હેવં વત્તબ્બે…પે॰… સોતાપન્નસ્સ અતીતા વિચિકિચ્છા અત્થિ…પે॰… અતીતો અપાયગમનીયો મોહો અત્થિ, ન ચ સોતાપન્નો તેન મોહેન સમોહોતિ? આમન્તા. પુથુજ્જનસ્સ અતીતો અપાયગમનીયો મોહો અત્થિ, ન ચ પુથુજ્જનો તેન મોહેન સમોહોતિ? ન હેવં વત્તબ્બે…પે॰….
Sotāpannassa atītā sakkāyadiṭṭhi atthi, na ca sotāpanno tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi…pe… atīto apāyagamanīyo moho atthi, na ca sotāpanno tena mohena samohoti? Āmantā. Puthujjanassa atīto apāyagamanīyo moho atthi, na ca puthujjano tena mohena samohoti? Na hevaṃ vattabbe…pe….
અતીતહત્થાદિકથા
Atītahatthādikathā
૨૯૩. અતીતા હત્થા અત્થીતિ? આમન્તા. અતીતેસુ હત્થેસુ સતિ આદાનનિક્ખેપનં પઞ્ઞાયતીતિ? ન હેવં વત્તબ્બે…પે॰… અતીતા પાદા અત્થીતિ? આમન્તા. અતીતેસુ પાદેસુ સતિ અભિક્કમપટિક્કમો પઞ્ઞાયતીતિ? ન હેવં વત્તબ્બે…પે॰… અતીતા પબ્બા અત્થીતિ? આમન્તા. અતીતેસુ પબ્બેસુ સતિ સમિઞ્જનપસારણં પઞ્ઞાયતીતિ? ન હેવં વત્તબ્બે…પે॰… અતીતો કુચ્છિ અત્થીતિ? આમન્તા. અતીતસ્મિં કુચ્છિસ્મિં સતિ જિઘચ્છા પિપાસા પઞ્ઞાયતીતિ? ન હેવં વત્તબ્બે…પે॰….
293. Atītā hatthā atthīti? Āmantā. Atītesu hatthesu sati ādānanikkhepanaṃ paññāyatīti? Na hevaṃ vattabbe…pe… atītā pādā atthīti? Āmantā. Atītesu pādesu sati abhikkamapaṭikkamo paññāyatīti? Na hevaṃ vattabbe…pe… atītā pabbā atthīti? Āmantā. Atītesu pabbesu sati samiñjanapasāraṇaṃ paññāyatīti? Na hevaṃ vattabbe…pe… atīto kucchi atthīti? Āmantā. Atītasmiṃ kucchismiṃ sati jighacchā pipāsā paññāyatīti? Na hevaṃ vattabbe…pe….
અતીતો કાયો અત્થીતિ? આમન્તા. અતીતો કાયો પગ્ગહનિગ્ગહુપગો છેદનભેદનુપગો કાકેહિ ગિજ્ઝેહિ કુલલેહિ સાધારણોતિ? ન હેવં વત્તબ્બે…પે॰… અતીતે કાયે વિસં કમેય્ય , સત્થં કમેય્ય, અગ્ગિ કમેય્યાતિ? ન હેવં વત્તબ્બે…પે॰… લબ્ભા અતીતો કાયો અદ્દુબન્ધનેન બન્ધિતું, રજ્જુબન્ધનેન બન્ધિતું, સઙ્ખલિકબન્ધનેન બન્ધિતું, ગામબન્ધનેન બન્ધિતું, નિગમબન્ધનેન બન્ધિતું, નગરબન્ધનેન બન્ધિતું, જનપદબન્ધનેન બન્ધિતું, કણ્ઠપઞ્ચમેહિ બન્ધનેહિ બન્ધિતુન્તિ? ન હેવં વત્તબ્બે…પે॰….
Atīto kāyo atthīti? Āmantā. Atīto kāyo paggahaniggahupago chedanabhedanupago kākehi gijjhehi kulalehi sādhāraṇoti? Na hevaṃ vattabbe…pe… atīte kāye visaṃ kameyya , satthaṃ kameyya, aggi kameyyāti? Na hevaṃ vattabbe…pe… labbhā atīto kāyo addubandhanena bandhituṃ, rajjubandhanena bandhituṃ, saṅkhalikabandhanena bandhituṃ, gāmabandhanena bandhituṃ, nigamabandhanena bandhituṃ, nagarabandhanena bandhituṃ, janapadabandhanena bandhituṃ, kaṇṭhapañcamehi bandhanehi bandhitunti? Na hevaṃ vattabbe…pe….
અતીતો આપો અત્થીતિ? આમન્તા. તેન આપેન આપકરણીયં કરોતીતિ? ન હેવં વત્તબ્બે…પે॰… અતીતો તેજો અત્થીતિ? આમન્તા. તેન તેજેન તેજકરણીયં કરોતીતિ? ન હેવં વત્તબ્બે…પે॰… અતીતો વાયો અત્થીતિ? આમન્તા. તેન વાયેન વાયકરણીયં કરોતીતિ? ન હેવં વત્તબ્બે…પે॰….
Atīto āpo atthīti? Āmantā. Tena āpena āpakaraṇīyaṃ karotīti? Na hevaṃ vattabbe…pe… atīto tejo atthīti? Āmantā. Tena tejena tejakaraṇīyaṃ karotīti? Na hevaṃ vattabbe…pe… atīto vāyo atthīti? Āmantā. Tena vāyena vāyakaraṇīyaṃ karotīti? Na hevaṃ vattabbe…pe….
અતીતક્ખન્ધાદિસમોધાનકથા
Atītakkhandhādisamodhānakathā
૨૯૪. અતીતો રૂપક્ખન્ધો અત્થિ, અનાગતો રૂપક્ખન્ધો અત્થિ, પચ્ચુપ્પન્નો રૂપક્ખન્ધો અત્થીતિ? આમન્તા. તયો રૂપક્ખન્ધાતિ? ન હેવં વત્તબ્બે …પે॰… અતીતા પઞ્ચક્ખન્ધા અત્થિ, અનાગતા પઞ્ચક્ખન્ધા અત્થિ, પચ્ચુપ્પન્ના પઞ્ચક્ખન્ધા અત્થીતિ? આમન્તા. પન્નરસક્ખન્ધાતિ? ન હેવં વત્તબ્બે…પે॰….
294. Atīto rūpakkhandho atthi, anāgato rūpakkhandho atthi, paccuppanno rūpakkhandho atthīti? Āmantā. Tayo rūpakkhandhāti? Na hevaṃ vattabbe …pe… atītā pañcakkhandhā atthi, anāgatā pañcakkhandhā atthi, paccuppannā pañcakkhandhā atthīti? Āmantā. Pannarasakkhandhāti? Na hevaṃ vattabbe…pe….
અતીતં ચક્ખાયતનં અત્થિ, અનાગતં ચક્ખાયતનં અત્થિ, પચ્ચુપ્પન્નં ચક્ખાયતનં અત્થીતિ? આમન્તા. તીણિ ચક્ખાયતનાનીતિ? ન હેવં વત્તબ્બે…પે॰… અતીતાનિ દ્વાદસાયતનાનિ અત્થિ, અનાગતાનિ દ્વાદસાયતનાનિ અત્થિ, પચ્ચુપ્પન્નાનિ દ્વાદસાયતનાનિ અત્થીતિ? આમન્તા. છત્તિંસાયતનાનીતિ? ન હેવં વત્તબ્બે…પે॰….
Atītaṃ cakkhāyatanaṃ atthi, anāgataṃ cakkhāyatanaṃ atthi, paccuppannaṃ cakkhāyatanaṃ atthīti? Āmantā. Tīṇi cakkhāyatanānīti? Na hevaṃ vattabbe…pe… atītāni dvādasāyatanāni atthi, anāgatāni dvādasāyatanāni atthi, paccuppannāni dvādasāyatanāni atthīti? Āmantā. Chattiṃsāyatanānīti? Na hevaṃ vattabbe…pe….
અતીતા ચક્ખુધાતુ અત્થિ, અનાગતા ચક્ખુધાતુ અત્થિ, પચ્ચુપ્પન્ના ચક્ખુધાતુ અત્થીતિ? આમન્તા. તિસ્સો ચક્ખુધાતુયોતિ? ન હેવં વત્તબ્બે…પે॰… અતીતા અટ્ઠારસ ધાતુયો અત્થિ, અનાગતા અટ્ઠારસ ધાતુયો અત્થિ, પચ્ચુપ્પન્ના અટ્ઠારસ ધાતુયો અત્થીતિ? આમન્તા. ચતુપઞ્ઞાસ ધાતુયોતિ? ન હેવં વત્તબ્બે…પે॰….
Atītā cakkhudhātu atthi, anāgatā cakkhudhātu atthi, paccuppannā cakkhudhātu atthīti? Āmantā. Tisso cakkhudhātuyoti? Na hevaṃ vattabbe…pe… atītā aṭṭhārasa dhātuyo atthi, anāgatā aṭṭhārasa dhātuyo atthi, paccuppannā aṭṭhārasa dhātuyo atthīti? Āmantā. Catupaññāsa dhātuyoti? Na hevaṃ vattabbe…pe….
અતીતં ચક્ખુન્દ્રિયં અત્થિ, અનાગતં ચક્ખુન્દ્રિયં અત્થિ, પચ્ચુપ્પન્નં ચક્ખુન્દ્રિયં અત્થીતિ ? આમન્તા. તીણિ ચક્ખુન્દ્રિયાનીતિ? ન હેવં વત્તબ્બે…પે॰… અતીતાનિ બાવીસતિન્દ્રિયાનિ અત્થિ, અનાગતાનિ બાવીસતિન્દ્રિયાનિ અત્થિ, પચ્ચુપ્પન્નાનિ બાવીસતિન્દ્રિયાનિ અત્થીતિ? આમન્તા. છસટ્ઠિન્દ્રિયાનીતિ? ન હેવં વત્તબ્બે…પે॰….
Atītaṃ cakkhundriyaṃ atthi, anāgataṃ cakkhundriyaṃ atthi, paccuppannaṃ cakkhundriyaṃ atthīti ? Āmantā. Tīṇi cakkhundriyānīti? Na hevaṃ vattabbe…pe… atītāni bāvīsatindriyāni atthi, anāgatāni bāvīsatindriyāni atthi, paccuppannāni bāvīsatindriyāni atthīti? Āmantā. Chasaṭṭhindriyānīti? Na hevaṃ vattabbe…pe….
અતીતો રાજા ચક્કવત્તી અત્થિ, અનાગતો રાજા ચક્કવત્તી અત્થિ, પચ્ચુપ્પન્નો રાજા ચક્કવત્તી અત્થીતિ? આમન્તા. તિણ્ણન્નં રાજૂનં ચક્કવત્તીનં સમ્મુખીભાવો હોતીતિ? ન હેવં વત્તબ્બે…પે॰….
Atīto rājā cakkavattī atthi, anāgato rājā cakkavattī atthi, paccuppanno rājā cakkavattī atthīti? Āmantā. Tiṇṇannaṃ rājūnaṃ cakkavattīnaṃ sammukhībhāvo hotīti? Na hevaṃ vattabbe…pe….
અતીતો સમ્માસમ્મુદ્ધો અત્થિ, અનાગતો સમ્માસમ્બુદ્ધો અત્થિ, પચ્ચુપ્પન્નો સમ્માસમ્બુદ્ધો અત્થીતિ? આમન્તા. તિણ્ણન્નં સમ્માસમ્બુદ્ધાનં સમ્મુખીભાવો હોતીતિ? ન હેવં વત્તબ્બે…પે॰….
Atīto sammāsammuddho atthi, anāgato sammāsambuddho atthi, paccuppanno sammāsambuddho atthīti? Āmantā. Tiṇṇannaṃ sammāsambuddhānaṃ sammukhībhāvo hotīti? Na hevaṃ vattabbe…pe….
પદસોધનકથા
Padasodhanakathā
૨૯૫. અતીતં અત્થીતિ? આમન્તા . અત્થિ અતીતન્તિ? અત્થિ સિયા અતીતં, સિયા ન્વાતીતન્તિ.
295. Atītaṃ atthīti? Āmantā . Atthi atītanti? Atthi siyā atītaṃ, siyā nvātītanti.
આજાનાહિ નિગ્ગહં. હઞ્ચિ અતીતં અત્થિ, અત્થિ સિયા અતીતં, સિયા ન્વાતીતં, તેનાતીતં ન્વાતીતં, ન્વાતીતં અતીતન્તિ. યં તત્થ વદેસિ – ‘‘વત્તબ્બે ખો – ‘અતીતં અત્થિ અત્થિ સિયા અતીતં, સિયા ન્વાતીતં, તેનાતીતં ન્વાતીતં, ન્વાતીતં અતીત’’’ન્તિ મિચ્છા.
Ājānāhi niggahaṃ. Hañci atītaṃ atthi, atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atītanti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
નો ચે પન અતીતં ન્વાતીતં ન્વાતીતં અતીતન્તિ, નો ચ વત રે વત્તબ્બે – ‘‘અતીતં અત્થિ અત્થિ સિયા અતીતં, સિયા ન્વાતીત’’ન્તિ. યં તત્થ વદેસિ – ‘‘વત્તબ્બે ખો – ‘અતીતં અત્થિ અત્થિ સિયા અતીતં, સિયા ન્વાતીતં, તેનાતીતં ન્વાતીતં, ન્વાતીતં અતીત’’’ન્તિ મિચ્છા.
No ce pana atītaṃ nvātītaṃ nvātītaṃ atītanti, no ca vata re vattabbe – ‘‘atītaṃ atthi atthi siyā atītaṃ, siyā nvātīta’’nti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
અનાગતં અત્થીતિ? આમન્તા. અત્થિ અનાગતન્તિ? અત્થિ સિયા અનાગતં, સિયા ન્વાનાગતન્તિ.
Anāgataṃ atthīti? Āmantā. Atthi anāgatanti? Atthi siyā anāgataṃ, siyā nvānāgatanti.
આજાનાહિ નિગ્ગહં. હઞ્ચિ અનાગતં અત્થિ અત્થિ સિયા અનાગતં સિયા ન્વાનાગતં, તેનાનાગતં ન્વાનાગતં, ન્વાનાગતં અનાગતન્તિ. યં તત્થ વદેસિ – ‘‘વત્તબ્બે ખો – ‘અનાગતં અત્થિ અત્થિ સિયા અનાગતં, સિયા ન્વાનાગતં, તેનાનાગતં ન્વાનાગતં, ન્વાનાગતં અનાગત’’’ન્તિ મિચ્છા.
Ājānāhi niggahaṃ. Hañci anāgataṃ atthi atthi siyā anāgataṃ siyā nvānāgataṃ, tenānāgataṃ nvānāgataṃ, nvānāgataṃ anāgatanti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
નો ચે પનાનાગતં ન્વાનાગતં ન્વાનાગતં અનાગતન્તિ, નો ચ વત રે વત્તબ્બે – ‘‘અનાગતં અત્થિ અત્થિ સિયા અનાગતં, સિયા ન્વાનાગત’’ન્તિ. યં તત્થ વદેસિ – ‘‘વત્તબ્બે ખો – ‘અનાગતં અત્થિ અત્થિ સિયા અનાગતં, સિયા ન્વાનાગતં, તેનાનાગતં ન્વાનાગતં, ન્વાનાગતં અનાગત’’’ન્તિ મિચ્છા.
No ce panānāgataṃ nvānāgataṃ nvānāgataṃ anāgatanti, no ca vata re vattabbe – ‘‘anāgataṃ atthi atthi siyā anāgataṃ, siyā nvānāgata’’nti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
પચ્ચુપ્પન્નં અત્થીતિ, આમન્તા. અત્થિ પચ્ચુપ્પન્નન્તિ? અત્થિ સિયા પચ્ચુપ્પન્નં, સિયા નો પચ્ચુપ્પન્નન્તિ.
Paccuppannaṃ atthīti, āmantā. Atthi paccuppannanti? Atthi siyā paccuppannaṃ, siyā no paccuppannanti.
આજાનાહિ નિગ્ગહં. હઞ્ચિ પચ્ચુપ્પન્નં અત્થિ અત્થિ સિયા પચ્ચુપ્પન્નં, સિયા નો પચ્ચુપ્પન્નં, તેન પચ્ચુપ્પન્નં, નો પચ્ચુપ્પન્નં, નો પચ્ચુપ્પન્નં પચ્ચુપ્પન્નન્તિ. યં તત્થ વદેસિ – ‘‘વત્તબ્બે ખો – ‘પચ્ચુપ્પન્નં અત્થિ અત્થિ સિયા પચ્ચુપ્પન્નં, સિયા નો પચ્ચુપ્પન્નં, તેન પચ્ચુપ્પન્નં નો પચ્ચુપ્પન્નં, નો પચ્ચુપ્પન્નં પચ્ચુપ્પન્ન’’’ન્તિ મિચ્છા.
Ājānāhi niggahaṃ. Hañci paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ, no paccuppannaṃ, no paccuppannaṃ paccuppannanti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
નો ચે પન પચ્ચુપ્પન્નં નો પચ્ચુપ્પન્નં, નો પચ્ચુપ્પન્નં પચ્ચુપ્પન્નન્તિ, નો ચ વત રે વત્તબ્બે – ‘‘પચ્ચુપ્પન્નં અત્થિ અત્થિ સિયા પચ્ચુપ્પન્નં, સિયા નો પચ્ચુપ્પન્ન’’ન્તિ. યં તત્થ વદેસિ – ‘‘વત્તબ્બે ખો – ‘પચ્ચુપ્પન્નં અત્થિ અત્થિ સિયા પચ્ચુપ્પન્નં, સિયા નો પચ્ચુપ્પન્નં, તેન પચ્ચુપ્પન્નં નો પચ્ચુપ્પન્નં, નો પચ્ચુપ્પન્નં પચ્ચુપ્પન્ન’’’ન્તિ મિચ્છા.
No ce pana paccuppannaṃ no paccuppannaṃ, no paccuppannaṃ paccuppannanti, no ca vata re vattabbe – ‘‘paccuppannaṃ atthi atthi siyā paccuppannaṃ, siyā no paccuppanna’’nti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
નિબ્બાનં અત્થીતિ? આમન્તા. અત્થિ નિબ્બાનન્તિ? અત્થિ સિયા નિબ્બાનં સિયા નો નિબ્બાનન્તિ.
Nibbānaṃ atthīti? Āmantā. Atthi nibbānanti? Atthi siyā nibbānaṃ siyā no nibbānanti.
આજાનાહિ નિગ્ગહં. હઞ્ચિ નિબ્બાનં અત્થિ અત્થિ સિયા નિબ્બાનં, સિયા નો નિબ્બાનં, તેન નિબ્બાનં નો નિબ્બાનં, નો નિબ્બાનં નિબ્બાનન્તિ. યં તત્થ વદેસિ – ‘‘વત્તબ્બે ખો – ‘નિબ્બાનં અત્થિ અત્થિ સિયા નિબ્બાનં, સિયા નો નિબ્બાનં, તેન નિબ્બાનં નો નિબ્બાનં, નો નિબ્બાનં નિબ્બાન’’’ન્તિ મિચ્છા.
Ājānāhi niggahaṃ. Hañci nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbānanti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
નો ચે પન નિબ્બાનં નો નિબ્બાનં, નો નિબ્બાનં નિબ્બાનન્તિ, નો ચ વત રે વત્તબ્બે – ‘‘નિબ્બાનં અત્થિ અત્થિ સિયા નિબ્બાનં, સિયા નો નિબ્બાન’’ન્તિ. યં તત્થ વદેસિ – ‘‘વત્તબ્બે ખો – ‘નિબ્બાનં અત્થિ અત્થિ સિયા નિબ્બાનં, સિયા નો નિબ્બાનં, તેન નિબ્બાનં નો નિબ્બાનં, નો નિબ્બાનં નિબ્બાન’’’ન્તિ મિચ્છા.
No ce pana nibbānaṃ no nibbānaṃ, no nibbānaṃ nibbānanti, no ca vata re vattabbe – ‘‘nibbānaṃ atthi atthi siyā nibbānaṃ, siyā no nibbāna’’nti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
સુત્તસાધનં
Suttasādhanaṃ
૨૯૬. ન વત્તબ્બં – ‘‘અતીતં અત્થિ, અનાગતં અત્થી’’તિ? આમન્તા. નનુ વુત્તં ભગવતા – ‘‘યં કિઞ્ચિ, ભિક્ખવે, રૂપં અતીતાનાગતપચ્ચુપ્પન્નં અજ્ઝત્તં વા બહિદ્ધા વા ઓળારિકં વા સુખુમં વા હીનં વા પણીતં વા યં દૂરે સન્તિકે વા – અયં વુચ્ચતિ રૂપક્ખન્ધો. યા કાચિ વેદના… યા કાચિ સઞ્ઞા… યે કેચિ સઙ્ખારા… યં કિઞ્ચિ વિઞ્ઞાણં અતીતાનાગતપચ્ચુપ્પન્નં અજ્ઝત્તં વા બહિદ્ધા વા ઓળારિકં વા સુખુમં વા હીનં વા પણીતં વા યં દૂરે સન્તિકે વા – અયં વુચ્ચતિ વિઞ્ઞાણક્ખન્ધો’’તિ 31. અત્થેવ સુત્તન્તોતિ? આમન્તા. તેન હિ અતીતં અત્થિ, અનાગતં અત્થીતિ.
296. Na vattabbaṃ – ‘‘atītaṃ atthi, anāgataṃ atthī’’ti? Āmantā. Nanu vuttaṃ bhagavatā – ‘‘yaṃ kiñci, bhikkhave, rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati rūpakkhandho. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati viññāṇakkhandho’’ti 32. Attheva suttantoti? Āmantā. Tena hi atītaṃ atthi, anāgataṃ atthīti.
અતીતં અત્થિ, અનાગતં અત્થીતિ? આમન્તા. નનુ વુત્તં ભગવતા – ‘‘તયોમે, ભિક્ખવે, નિરુત્તિપથા અધિવચનપથા પઞ્ઞત્તિપથા અસઙ્કિણ્ણા અસઙ્કિણ્ણપુબ્બા ન સઙ્કિયન્તિ ન સઙ્કિયિસ્સન્તિ અપ્પટિકુટ્ઠા સમણેહિ બ્રાહ્મણેહિ વિઞ્ઞૂહિ. કતમે તયો? યં, ભિક્ખવે, રૂપં અતીતં નિરુદ્ધં વિગતં વિપરિણતં ‘અહોસી’તિ તસ્સ સઙ્ખા, ‘અહોસી’તિ તસ્સ સમઞ્ઞા, ‘અહોસી’તિ તસ્સ પઞ્ઞત્તિ; ન તસ્સ સઙ્ખા ‘અત્થી’તિ, ન તસ્સ સઙ્ખા ‘ભવિસ્સતી’તિ. યા વેદના…પે॰… યા સઞ્ઞા… યે સઙ્ખારા… યં વિઞ્ઞાણં અતીતં નિરુદ્ધં વિગતં વિપરિણતં ‘અહોસી’તિ તસ્સ સઙ્ખા, ‘અહોસી’તિ તસ્સ સમઞ્ઞા, ‘અહોસી’તિ તસ્સ પઞ્ઞત્તિ; ન તસ્સ સઙ્ખા ‘અત્થી’તિ, ન તસ્સ સઙ્ખા ‘ભવિસ્સતી’તિ.
Atītaṃ atthi, anāgataṃ atthīti? Āmantā. Nanu vuttaṃ bhagavatā – ‘‘tayome, bhikkhave, niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi. Katame tayo? Yaṃ, bhikkhave, rūpaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti.
‘‘યં, ભિક્ખવે, રૂપં અજાતં અપાતુભૂતં ‘ભવિસ્સતી’તિ તસ્સ સઙ્ખા, ‘ભવિસ્સતી’તિ તસ્સ સમઞ્ઞા, ‘ભવિસ્સતી’તિ તસ્સ પઞ્ઞત્તિ; ન તસ્સ સઙ્ખા ‘અત્થી’તિ, ન તસ્સ સઙ્ખા ‘અહોસી’તિ. યા વેદના…પે॰… યા સઞ્ઞા… યે સઙ્ખારા… યં વિઞ્ઞાણં અજાતં અપાતુભૂતં ‘ભવિસ્સતી’તિ તસ્સ સઙ્ખા, ‘ભવિસ્સતી’તિ તસ્સ સમઞ્ઞા, ‘ભવિસ્સતી’તિ તસ્સ પઞ્ઞત્તિ; ન તસ્સ સઙ્ખા ‘અત્થી’તિ, ન તસ્સ સઙ્ખા ‘અહોસી’તિ.
‘‘Yaṃ, bhikkhave, rūpaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti. Yā vedanā…pe… yā saññā… ye saṅkhārā… yaṃ viññāṇaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti.
‘‘યં, ભિક્ખવે, રૂપં જાતં પાતુભૂતં ‘અત્થી’તિ તસ્સ સઙ્ખા, ‘અત્થી’તિ તસ્સ સમઞ્ઞા, ‘અત્થી’તિ તસ્સ પઞ્ઞત્તિ; ન તસ્સ સઙ્ખા ‘અહોસી’તિ, ન તસ્સ સઙ્ખા ‘ભવિસ્સતી’તિ. યા વેદના…પે॰… યા સઞ્ઞા… યે સઙ્ખારા… યં વિઞ્ઞાણં જાતં પાતુભૂતં ‘અત્થી’તિ તસ્સ સઙ્ખા, ‘અત્થી’તિ તસ્સ સમઞ્ઞા, ‘અત્થી’તિ તસ્સ પઞ્ઞત્તિ; ન તસ્સ સઙ્ખા ‘અહોસી’તિ, ન તસ્સ સઙ્ખા ‘ભવિસ્સતી’તિ. ઇમે ખો, ભિક્ખવે, તયો નિરુત્તિપથા અધિવચનપથા પઞ્ઞત્તિપથા અસઙ્કિણ્ણા અસઙ્કિણ્ણપુબ્બા ન સઙ્કિયન્તિ ન સઙ્કિયિસ્સન્તિ અપ્પટિકુટ્ઠા સમણેહિ બ્રાહ્મણેહિ વિઞ્ઞૂહિ.
‘‘Yaṃ, bhikkhave, rūpaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Ime kho, bhikkhave, tayo niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi.
‘‘યેપિ તે, ભિક્ખવે, અહેસું ઉક્કલા વસ્સભઞ્ઞા અહેતુકવાદા અકિરિયવાદા નત્થિકવાદા, તેપિમે તયો નિરુત્તિપથે અધિવચનપથે પઞ્ઞત્તિપથે ન ગરહિતબ્બં ન પટિક્કોસિતબ્બં અમઞ્ઞિંસુ. તં કિસ્સ હેતુ? નિન્દાબ્યારોસઉપારમ્ભભયા’’તિ 33. અત્થેવ સુત્તન્તોતિ? આમન્તા. તેન હિ ન વત્તબ્બં – ‘‘અતીતં અત્થિ, અનાગતં અત્થી’’તિ.
‘‘Yepi te, bhikkhave, ahesuṃ ukkalā vassabhaññā ahetukavādā akiriyavādā natthikavādā, tepime tayo niruttipathe adhivacanapathe paññattipathe na garahitabbaṃ na paṭikkositabbaṃ amaññiṃsu. Taṃ kissa hetu? Nindābyārosaupārambhabhayā’’ti 34. Attheva suttantoti? Āmantā. Tena hi na vattabbaṃ – ‘‘atītaṃ atthi, anāgataṃ atthī’’ti.
અતીતં અત્થીતિ? આમન્તા. નનુ આયસ્મા ફગ્ગુનો ભગવન્તં એતદવોચ – ‘‘અત્થિ નુ ખો તં, ભન્તે, ચક્ખું યેન ચક્ખુના અતીતે બુદ્ધે પરિનિબ્બુતે છિન્નપપઞ્ચે છિન્નવટુમે પરિયાદિન્નવટ્ટે સબ્બદુક્ખવીતિવત્તે પઞ્ઞાપયમાનો પઞ્ઞાપેય્યાતિ. અત્થિ નુ ખો સા, ભન્તે, જિવ્હા…પે॰… અત્થિ નુ ખો સો, ભન્તે, મનો યેન મનેન અતીતે બુદ્ધે પરિનિબ્બુતે છિન્નપપઞ્ચે છિન્નવટુમે પરિયાદિન્નવટ્ટે સબ્બદુક્ખવીતિવત્તે પઞ્ઞાપયમાનો પઞ્ઞાપેય્યા’’તિ.
Atītaṃ atthīti? Āmantā. Nanu āyasmā phagguno bhagavantaṃ etadavoca – ‘‘atthi nu kho taṃ, bhante, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyāti. Atthi nu kho sā, bhante, jivhā…pe… atthi nu kho so, bhante, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti.
‘‘નત્થિ ખો તં, ફગ્ગુન, ચક્ખું યેન ચક્ખુના અતીતે બુદ્ધે પરિનિબ્બુતે છિન્નપપઞ્ચે છિન્નવટુમે પરિયાદિન્નવટ્ટે સબ્બદુક્ખવીતિવત્તે પઞ્ઞાપયમાનો પઞ્ઞાપેય્ય. નત્થિ ખો સા, ફગ્ગુન, જિવ્હા…પે॰… નત્થિ નુ ખો સો, ફગ્ગુન, મનો યેન મનેન અતીતે બુદ્ધે પરિનિબ્બુતે છિન્નપપઞ્ચે છિન્નવટુમે પરિયાદિન્નવટ્ટે સબ્બદુક્ખવીતિવત્તે પઞ્ઞાપયમાનો પઞ્ઞાપેય્યા’’તિ 35. અત્થેવ સુત્તન્તોતિ? આમન્તા. તેન હિ ન વત્તબ્બં – ‘‘અતીતં અત્થી’’તિ.
‘‘Natthi kho taṃ, phagguna, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyya. Natthi kho sā, phagguna, jivhā…pe… natthi nu kho so, phagguna, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti 36. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
અતીતં અત્થીતિ? આમન્તા. નનુ આયસ્મા નન્દકો એતદવોચ – ‘‘અહુ પુબ્બે લોભો તદહુ અકુસલં, સો એતરહિ નત્થિ, ઇચ્ચેતં કુસલં. અહુ પુબ્બે દોસો… અહુ પુબ્બે મોહો, તદહુ અકુસલં, સો એતરહિ નત્થિ, ઇચ્ચેતં કુસલ’’ન્તિ 37. અત્થેવ સુત્તન્તોતિ? આમન્તા. તેન હિ ન વત્તબ્બં – ‘‘અતીતં અત્થી’’તિ.
Atītaṃ atthīti? Āmantā. Nanu āyasmā nandako etadavoca – ‘‘ahu pubbe lobho tadahu akusalaṃ, so etarahi natthi, iccetaṃ kusalaṃ. Ahu pubbe doso… ahu pubbe moho, tadahu akusalaṃ, so etarahi natthi, iccetaṃ kusala’’nti 38. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
ન વત્તબ્બં – ‘‘અનાગતં અત્થી’’તિ? આમન્તા. નનુ વુત્તં ભગવતા – ‘‘કબળીકારે ચે, ભિક્ખવે, આહારે અત્થિ રાગો, અત્થિ નન્દી, અત્થિ તણ્હા; પતિટ્ઠિતં તત્થ વિઞ્ઞાણં વિરૂળ્હં. યત્થ પતિટ્ઠિતં વિઞ્ઞાણં વિરૂળ્હં, અત્થિ તત્થ નામરૂપસ્સ અવક્કન્તિ. યત્થ અત્થિ નામરૂપસ્સ અવક્કન્તિ, અત્થિ તત્થ સઙ્ખારાનં વુદ્ધિ. યત્થ અત્થિ સઙ્ખારાનં વુદ્ધિ, અત્થિ તત્થ આયતિં પુનબ્ભવાભિનિબ્બત્તિ. યત્થ અત્થિ આયતિં પુનબ્ભવાભિનિબ્બત્તિ, અત્થિ તત્થ આયતિં જાતિજરામરણં. યત્થ અત્થિ આયતિં જાતિજરામરણં, સસોકં તં, ભિક્ખવે, સરજં 39 સઉપાયાસન્તિ વદામિ.
Na vattabbaṃ – ‘‘anāgataṃ atthī’’ti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre atthi rāgo, atthi nandī, atthi taṇhā; patiṭṭhitaṃ tattha viññāṇaṃ virūḷhaṃ. Yattha patiṭṭhitaṃ viññāṇaṃ virūḷhaṃ, atthi tattha nāmarūpassa avakkanti. Yattha atthi nāmarūpassa avakkanti, atthi tattha saṅkhārānaṃ vuddhi. Yattha atthi saṅkhārānaṃ vuddhi, atthi tattha āyatiṃ punabbhavābhinibbatti. Yattha atthi āyatiṃ punabbhavābhinibbatti, atthi tattha āyatiṃ jātijarāmaraṇaṃ. Yattha atthi āyatiṃ jātijarāmaraṇaṃ, sasokaṃ taṃ, bhikkhave, sarajaṃ 40 saupāyāsanti vadāmi.
‘‘ફસ્સે ચે, ભિક્ખવે, આહારે… મનોસઞ્ચેતનાય ચે, ભિક્ખવે, આહારે… વિઞ્ઞાણે ચે, ભિક્ખવે, આહારે અત્થિ રાગો, અત્થિ નન્દી…પે॰… સરજં સઉપાયાસન્તિ વદામી’’તિ 41. અત્થેવ સુત્તન્તોતિ? આમન્તા . તેન હિ અનાગતં અત્થીતિ.
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre atthi rāgo, atthi nandī…pe… sarajaṃ saupāyāsanti vadāmī’’ti 42. Attheva suttantoti? Āmantā . Tena hi anāgataṃ atthīti.
અનાગતં અત્થીતિ? આમન્તા. નનુ વુત્તં ભગવતા – ‘‘કબળીકારે ચે, ભિક્ખવે, આહારે નત્થિ રાગો, નત્થિ નન્દી, નત્થિ તણ્હા; અપ્પતિટ્ઠિતં તત્થ વિઞ્ઞાણં અવિરૂળ્હં. યત્થ વિઞ્ઞાણં અપ્પતિટ્ઠિતં અવિરૂળ્હં, નત્થિ તત્થ નામરૂપસ્સ અવક્કન્તિ. યત્થ નત્થિ નામરૂપસ્સ અવક્કન્તિ, નત્થિ તત્થ સઙ્ખારાનં વુદ્ધિ. યત્થ નત્થિ સઙ્ખારાનં વુદ્ધિ, નત્થિ તત્થ આયતિં પુનબ્ભવાભિનિબ્બત્તિ. યત્થ નત્થિ આયતિં પુનબ્ભવાભિનિબ્બત્તિ, નત્થિ તત્થ આયતિં જાતિજરામરણં. યત્થ નત્થિ આયતિં જાતિજરામરણં, અસોકં તં, ભિક્ખવે, અરજં અનુપાયાસન્તિ વદામિ.
Anāgataṃ atthīti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre natthi rāgo, natthi nandī, natthi taṇhā; appatiṭṭhitaṃ tattha viññāṇaṃ avirūḷhaṃ. Yattha viññāṇaṃ appatiṭṭhitaṃ avirūḷhaṃ, natthi tattha nāmarūpassa avakkanti. Yattha natthi nāmarūpassa avakkanti, natthi tattha saṅkhārānaṃ vuddhi. Yattha natthi saṅkhārānaṃ vuddhi, natthi tattha āyatiṃ punabbhavābhinibbatti. Yattha natthi āyatiṃ punabbhavābhinibbatti, natthi tattha āyatiṃ jātijarāmaraṇaṃ. Yattha natthi āyatiṃ jātijarāmaraṇaṃ, asokaṃ taṃ, bhikkhave, arajaṃ anupāyāsanti vadāmi.
‘‘ફસ્સે ચે, ભિક્ખવે, આહારે… મનોસઞ્ચેતનાય ચે, ભિક્ખવે, આહારે… વિઞ્ઞાણે ચે, ભિક્ખવે, આહારે નત્થિ રાગો, નત્થિ નન્દી…પે॰… અરજં અનુપાયાસન્તિ વદામી’’તિ 43. અત્થેવ સુત્તન્તોતિ? આમન્તા. તેન હિ ન વત્તબ્બં – ‘‘અનાગતં અત્થી’’તિ.
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre natthi rāgo, natthi nandī…pe… arajaṃ anupāyāsanti vadāmī’’ti 44. Attheva suttantoti? Āmantā. Tena hi na vattabbaṃ – ‘‘anāgataṃ atthī’’ti.
સબ્બમત્થીતિકથા નિટ્ઠિતા.
Sabbamatthītikathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૫. સબ્બમત્થીતિકથા • 5. Sabbamatthītikathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૫. સબ્બમત્થીતિકથા • 5. Sabbamatthītikathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૫. સબ્બમત્થીતિકથાવણ્ણના • 5. Sabbamatthītikathāvaṇṇanā
