| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૯. સઙ્કાસનસુત્તં
9. Saṅkāsanasuttaṃ
૧૦૮૯. ‘‘‘ઇદં દુક્ખં અરિયસચ્ચ’ન્તિ ભિક્ખવે, મયા પઞ્ઞત્તં. તત્થ અપરિમાણા વણ્ણા અપરિમાણા બ્યઞ્જના અપરિમાણા સઙ્કાસના – ‘ઇતિપિદં દુક્ખં અરિયસચ્ચ’ન્તિ ; ઇદં દુક્ખસમુદયં…પે॰… ઇદં દુક્ખનિરોધં…પે॰… ‘ઇદં દુક્ખનિરોધગામિની પટિપદા અરિયસચ્ચ’ન્તિ, ભિક્ખવે, મયા પઞ્ઞત્તં. તત્થ અપરિમાણા વણ્ણા અપરિમાણા બ્યઞ્જના અપરિમાણા સઙ્કાસના – ‘ઇતિપિદં દુક્ખનિરોધગામિની પટિપદા અરિયસચ્ચ’ન્તિ.
1089. ‘‘‘Idaṃ dukkhaṃ ariyasacca’nti bhikkhave, mayā paññattaṃ. Tattha aparimāṇā vaṇṇā aparimāṇā byañjanā aparimāṇā saṅkāsanā – ‘itipidaṃ dukkhaṃ ariyasacca’nti ; idaṃ dukkhasamudayaṃ…pe… idaṃ dukkhanirodhaṃ…pe… ‘idaṃ dukkhanirodhagāminī paṭipadā ariyasacca’nti, bhikkhave, mayā paññattaṃ. Tattha aparimāṇā vaṇṇā aparimāṇā byañjanā aparimāṇā saṅkāsanā – ‘itipidaṃ dukkhanirodhagāminī paṭipadā ariyasacca’nti.
‘‘તસ્માતિહ, ભિક્ખવે, ‘ઇદં દુક્ખ’ન્તિ યોગો કરણીયો…પે॰… ‘અયં દુક્ખનિરોધગામિની પટિપદા’તિ યોગો કરણીયો’’તિ. નવમં.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Navamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૯. સઙ્કાસનસુત્તવણ્ણના • 9. Saṅkāsanasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૯. સઙ્કાસનસુત્તવણ્ણના • 9. Saṅkāsanasuttavaṇṇanā
