| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૨. દ્વાદસમવગ્ગો
12. Dvādasamavaggo
(૧૨૫) ૧૦. સત્તમભવિકકથા
(125) 10. Sattamabhavikakathā
૬૫૩. ન વત્તબ્બં ‘‘સત્તમભવિકસ્સ પુગ્ગલસ્સ પહીના દુગ્ગતી’’તિ? આમન્તા. સત્તમભવિકો પુગ્ગલો નિરયં ઉપપજ્જેય્ય, તિરચ્છાનયોનિં ઉપપજ્જેય્ય, પેત્તિવિસયં ઉપપજ્જેય્યાતિ? ન હેવં વત્તબ્બે. તેન હિ સત્તમભવિકસ્સ પુગ્ગલસ્સ પહીના દુગ્ગતીતિ.
653. Na vattabbaṃ ‘‘sattamabhavikassa puggalassa pahīnā duggatī’’ti? Āmantā. Sattamabhaviko puggalo nirayaṃ upapajjeyya, tiracchānayoniṃ upapajjeyya, pettivisayaṃ upapajjeyyāti? Na hevaṃ vattabbe. Tena hi sattamabhavikassa puggalassa pahīnā duggatīti.
સત્તમભવિકકથા નિટ્ઠિતા.
Sattamabhavikakathā niṭṭhitā.
દ્વાદસમવગ્ગો.
Dvādasamavaggo.
તસ્સુદ્દાનં –
Tassuddānaṃ –
સંવરો કમ્મં તથેવ અસંવરો, સબ્બકમ્મં સવિપાકં, સદ્દો વિપાકો, સળાયતનં વિપાકો, સત્તક્ખત્તુપરમો પુગ્ગલો સત્તક્ખત્તુપરમતાનિયતો, કોલઙ્કોલપુગ્ગલો કોલઙ્કોલતાનિયતો, એકબીજી પુગ્ગલો એકબીજિતાનિયતો, દિટ્ઠિસમ્પન્નો પુગ્ગલો સઞ્ચિચ્ચ પાણં જીવિતા વોરોપેય્ય, દિટ્ઠિસમ્પન્નસ્સ પુગ્ગલસ્સ પહીના દુગ્ગતિ, તથેવ સત્તમભવિકસ્સાતિ.
Saṃvaro kammaṃ tatheva asaṃvaro, sabbakammaṃ savipākaṃ, saddo vipāko, saḷāyatanaṃ vipāko, sattakkhattuparamo puggalo sattakkhattuparamatāniyato, kolaṅkolapuggalo kolaṅkolatāniyato, ekabījī puggalo ekabījitāniyato, diṭṭhisampanno puggalo sañcicca pāṇaṃ jīvitā voropeyya, diṭṭhisampannassa puggalassa pahīnā duggati, tatheva sattamabhavikassāti.
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૯. દુગ્ગતિકથાવણ્ણના • 9. Duggatikathāvaṇṇanā
