| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
સીહસેનાપતિવત્થુઆદિકથાવણ્ણના
Sīhasenāpativatthuādikathāvaṇṇanā
૨૯૦. સન્ધાગારેતિ રાજકિચ્ચસ્સ સન્ધારણત્થાય નિચ્છિદ્દં કત્વા વિચારણત્થાય કતમહાસભાય. ગમિકાભિસઙ્ખારોતિ ગમને વાયામો. ધમ્મસ્સ ચ અનુધમ્મન્તિ તુમ્હેહિ વુત્તસ્સ કારણસ્સ અનુકારણં, તુમ્હેહિ વુત્તસ્સ અત્થસ્સ અનુરૂપમેવાતિ અધિપ્પાયો. સહધમ્મિકો વાદાનુવાદોતિ પરેહિ વુત્તકારણેન સકારણો હુત્વા તુમ્હાકં વાદો વા ઇતો પરં તસ્સ અનુવાદો વા. કોચિ અપ્પમત્તકોપિ ગારય્હં ઠાનં ન આગચ્છતીતિ કિં તવ વાદે ગારય્હકારણં નત્થીતિ વુત્તં હોતિ.
290.Sandhāgāreti rājakiccassa sandhāraṇatthāya nicchiddaṃ katvā vicāraṇatthāya katamahāsabhāya. Gamikābhisaṅkhāroti gamane vāyāmo. Dhammassa ca anudhammanti tumhehi vuttassa kāraṇassa anukāraṇaṃ, tumhehi vuttassa atthassa anurūpamevāti adhippāyo. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā ito paraṃ tassa anuvādo vā. Koci appamattakopi gārayhaṃ ṭhānaṃ na āgacchatīti kiṃ tava vāde gārayhakāraṇaṃ natthīti vuttaṃ hoti.
૨૯૩. અનુવિચ્ચકારન્તિ અનુવિદિતાકારં. રતનત્તયસ્સ સરણગમનાદિકિરિયં કરોતિ. સહસા કત્વા મા પચ્છા વિપ્પટિસારી અહોસીતિ અત્થો. પટાકં પરિહરેય્યુન્તિ ધજપટાકં ઉક્ખિપિત્વા ‘‘ઈદિસો અમ્હાકં સરણં ગતો સાવકો જાતો’’તિ નગરે ઘોસેન્તા આહિણ્ડન્તિ.
293.Anuviccakāranti anuviditākāraṃ. Ratanattayassa saraṇagamanādikiriyaṃ karoti. Sahasā katvā mā pacchā vippaṭisārī ahosīti attho. Paṭākaṃ parihareyyunti dhajapaṭākaṃ ukkhipitvā ‘‘īdiso amhākaṃ saraṇaṃ gato sāvako jāto’’ti nagare ghosentā āhiṇḍanti.
૨૯૪. નિમિત્તકમ્મસ્સાતિ મંસખાદનનિમિત્તેન ઉપ્પન્નપાણાતિપાતકમ્મસ્સ.
294.Nimittakammassāti maṃsakhādananimittena uppannapāṇātipātakammassa.
સીહસેનાપતિવત્થુઆદિકથાવણ્ણના નિટ્ઠિતા.
Sīhasenāpativatthuādikathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૭૮. સીહસેનાપતિવત્થુ • 178. Sīhasenāpativatthu
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / સીહસેનાપતિવત્થુઆદિકથા • Sīhasenāpativatthuādikathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / સીહસેનાપતિવત્થુકથાવણ્ણના • Sīhasenāpativatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૭૮. સીહસેનાપતિવત્થુકથા • 178. Sīhasenāpativatthukathā
