| Library / Tipiṭaka / તિપિટક • Tipiṭaka / નેત્તિપ્પકરણ-ટીકા • Nettippakaraṇa-ṭīkā |
૧૩. સોધનહારવિભઙ્ગવણ્ણના
13. Sodhanahāravibhaṅgavaṇṇanā
૪૫. સોધેતિ નામાતિ પુચ્છિતમત્થં હત્થતલે ઠપિતઆમલકં વિય પચ્ચક્ખતો દસ્સેન્તો નિગ્ગુમ્બં નિજ્જટં કત્વા વિવરન્તો તબ્બિસયઅઞ્ઞાણસંસયાદિમલાપનયનેન સોધેતિ, એવં સોધેન્તો ચ પદસ્સ અત્થેન અભેદોપચારં કત્વા ‘‘પદં સોધેતિ’’ચ્ચેવ વુચ્ચતિ. તેનાહ ‘‘પદં સોધેતિ નામા’’તિ. પુચ્છાય વિસ્સજ્જનમેવેત્થ સોધનન્તિ આહ ‘‘તદત્થસ્સ વિસ્સજ્જનતો’’તિ. આરભીયતીતિ આરમ્ભો, દેસનાય પકાસિયમાનો અત્થો. તેનાહ ‘‘ન તાવ…પે॰… પબોધિતત્તા’’તિ. ઇધ સોધનં નામ પટિચ્છન્નરૂપસ્સ અત્થસ્સ દેસનાનુભાવેન વિવટભાવકરણન્તિ તમત્થં ઉપમાય વિભાવેતું ‘‘અઞ્ઞાણપક્ખન્દાન’’ન્તિઆદિ વુત્તં.
45.Sodhetināmāti pucchitamatthaṃ hatthatale ṭhapitaāmalakaṃ viya paccakkhato dassento niggumbaṃ nijjaṭaṃ katvā vivaranto tabbisayaaññāṇasaṃsayādimalāpanayanena sodheti, evaṃ sodhento ca padassa atthena abhedopacāraṃ katvā ‘‘padaṃ sodheti’’cceva vuccati. Tenāha ‘‘padaṃ sodheti nāmā’’ti. Pucchāya vissajjanamevettha sodhananti āha ‘‘tadatthassa vissajjanato’’ti. Ārabhīyatīti ārambho, desanāya pakāsiyamāno attho. Tenāha ‘‘na tāva…pe… pabodhitattā’’ti. Idha sodhanaṃ nāma paṭicchannarūpassa atthassa desanānubhāvena vivaṭabhāvakaraṇanti tamatthaṃ upamāya vibhāvetuṃ ‘‘aññāṇapakkhandāna’’ntiādi vuttaṃ.
સોધનહારવિભઙ્ગવણ્ણના નિટ્ઠિતા.
Sodhanahāravibhaṅgavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / નેત્તિપ્પકરણપાળિ • Nettippakaraṇapāḷi / ૧૩. સોધનહારવિભઙ્ગો • 13. Sodhanahāravibhaṅgo
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / નેત્તિપ્પકરણ-અટ્ઠકથા • Nettippakaraṇa-aṭṭhakathā / ૧૩. સોધનહારવિભઙ્ગવણ્ણના • 13. Sodhanahāravibhaṅgavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / ખુદ્દકનિકાય (ટીકા) • Khuddakanikāya (ṭīkā) / નેત્તિવિભાવિની • Nettivibhāvinī / ૧૩. સોધનહારવિભઙ્ગવિભાવના • 13. Sodhanahāravibhaṅgavibhāvanā
