| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. ஸோமாஸுத்தவண்ணனா
2. Somāsuttavaṇṇanā
163. டா²னந்தி இஸ்ஸரியட்டா²னங் விஸயஜ்ஜ²த்தங். து³ப்பஸஹங் அகம்பியபா⁴வத்தா. த்³வங்கு³லபஞ்ஞாயாதி எத்த² இத்தி²யோ ஹி த³ஹரகுமாரிகாகாலதோ பட்டா²ய ஓத³னபசனவிதி⁴ங் அனுதிட்ட²ந்தியோ உக்க²லியங் உத³கங் தாபெத்வா தண்டு³லே பக்கி²பித்வா அத்தனோ பு³த்³தி⁴யா தேஸங் பாககாலப்பமாணங் பரிச்சி²ந்தி³துங் தானி த³ப்³பி³யா உத்³த⁴ரித்வாபி வண்ணஸண்டா²னக்³க³ஹணமத்தேன பக்காபக்கபா⁴வங் ஜானிதுங் ந ஸக்கொந்தி, கேவலங் பன த்³வீஹி அங்கு³லீஹி உப்பீளிதகாலே ஏவ ஜானந்தி, தஸ்மா த்³வீஹங்கு³லிகேஹி து³ப்³ப³லபஞ்ஞத்தா ‘‘த்³வங்கு³லபஞ்ஞா’’தி வுச்சந்தி. ப²லஸமாபத்திஞாணப்பவத்திகித்தனேன சதூஸு ஸச்சேஸு அஸம்மோஹவிஹாரோ தீ³பிதோ ஹோதீதி ஆஹ ‘‘ஞாணம்ஹி வத்தமானம்ஹீதி ப²லஸமாபத்திஞாணே பவத்தமானே’’தி. விபஸ்ஸந்தஸ்ஸாதி அஸம்மோஹபடிவேத⁴தோ விஸேஸேன பஸ்ஸந்தஸ்ஸ க²ந்த⁴பஞ்சகமேவ ஸச்சாபி⁴ஸமயதோ புப்³ப³பா⁴கே³ விபஸ்ஸந்தஸ்ஸ. அஞ்ஞங் வாதி இத்தி²புரிஸதோ அஞ்ஞங் வா கிஞ்சி வத்து²ங். ‘‘அஹங் அஸ்மீ’’தி மானதி³ட்டி²கா³ஹதண்ஹாகா³ஹவஸேன க³ஹிதவத்து²ஸ்மிங் யேவாதி ஆஹ ‘‘அஹங் அஸ்மீதி தண்ஹாமானதி³ட்டி²வஸேனா’’தி.
163.Ṭhānanti issariyaṭṭhānaṃ visayajjhattaṃ. Duppasahaṃ akampiyabhāvattā. Dvaṅgulapaññāyāti ettha itthiyo hi daharakumārikākālato paṭṭhāya odanapacanavidhiṃ anutiṭṭhantiyo ukkhaliyaṃ udakaṃ tāpetvā taṇḍule pakkhipitvā attano buddhiyā tesaṃ pākakālappamāṇaṃ paricchindituṃ tāni dabbiyā uddharitvāpi vaṇṇasaṇṭhānaggahaṇamattena pakkāpakkabhāvaṃ jānituṃ na sakkonti, kevalaṃ pana dvīhi aṅgulīhi uppīḷitakāle eva jānanti, tasmā dvīhaṅgulikehi dubbalapaññattā ‘‘dvaṅgulapaññā’’ti vuccanti. Phalasamāpattiñāṇappavattikittanena catūsu saccesu asammohavihāro dīpito hotīti āha ‘‘ñāṇamhi vattamānamhīti phalasamāpattiñāṇe pavattamāne’’ti. Vipassantassāti asammohapaṭivedhato visesena passantassa khandhapañcakameva saccābhisamayato pubbabhāge vipassantassa. Aññaṃ vāti itthipurisato aññaṃ vā kiñci vatthuṃ. ‘‘Ahaṃ asmī’’ti mānadiṭṭhigāhataṇhāgāhavasena gahitavatthusmiṃ yevāti āha ‘‘ahaṃ asmīti taṇhāmānadiṭṭhivasenā’’ti.
ஸோமாஸுத்தவண்ணனா நிட்டி²தா.
Somāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. ஸோமாஸுத்தங் • 2. Somāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. ஸோமாஸுத்தவண்ணனா • 2. Somāsuttavaṇṇanā
