| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
૬. સુત્તવિઞ્ઞત્તિસિક્ખાપદવણ્ણના
6. Suttaviññattisikkhāpadavaṇṇanā
૬૩૬. છટ્ઠે વીતવીતટ્ઠાનં યસ્મિં ચતુરસ્સદારુમ્હિ પલિવેઠેન્તિ, તસ્સ તુરીતિ નામં. વાયન્તા તિરિયં સુત્તં પવેસેત્વા યેન આકોટેન્તા વત્થે ઘનભાવં આપાદેન્તિ, તં ‘‘વેમ’’ન્તિ વુચ્ચતિ.
636. Chaṭṭhe vītavītaṭṭhānaṃ yasmiṃ caturassadārumhi paliveṭhenti, tassa turīti nāmaṃ. Vāyantā tiriyaṃ suttaṃ pavesetvā yena ākoṭentā vatthe ghanabhāvaṃ āpādenti, taṃ ‘‘vema’’nti vuccati.
‘‘ઇતરસ્મિં તથેવ દુક્કટ’’ન્તિ ઇમિના વાયિતું આરદ્ધકાલતો પટ્ઠાય યથાવુત્તપરિચ્છેદનિટ્ઠિતેયેવ દુક્કટમ્પિ હોતિ, ન તતો પુબ્બે વાયનપયોગેસૂતિ દસ્સેતિ.
‘‘Itarasmiṃ tatheva dukkaṭa’’nti iminā vāyituṃ āraddhakālato paṭṭhāya yathāvuttaparicchedaniṭṭhiteyeva dukkaṭampi hoti, na tato pubbe vāyanapayogesūti dasseti.
તન્તે ઠિતંયેવ અધિટ્ઠાતબ્બન્તિ એત્થ એકવારં અધિટ્ઠિતે પચ્છા વીતં અધિટ્ઠિતગતિકમેવ હોતિ, પુન અધિટ્ઠાનકિચ્ચં નત્થિ. સચે પન અન્તરન્તરા દસા ઠપેત્વા વિસું વિસું સપરિચ્છેદં વીતં હોતિ, પચ્ચેકં અધિટ્ઠાતબ્બમેવાતિ દટ્ઠબ્બં. એત્થ ચ કપ્પિયસુત્તં ગહેત્વા અઞ્ઞાતકઅપ્પવારિતેનાપિ અકપ્પિયતન્તવાયેન ‘‘સુત્તમત્થિ, વાયન્તો નત્થી’’તિઆદિપરિયાયમુખેન વાયાપેન્તસ્સ અનાપત્તિ. તેનેવ માતિકાટ્ઠકથાયં (કઙ્ખા॰ અટ્ઠ॰ સુત્તવિઞ્ઞત્તિસિક્ખાપદવણ્ણના) ‘‘વાયાપેય્યા’’તિ પદસ્સ ‘‘ચીવરં મે, આવુસો, વાયથાતિ અકપ્પિયવિઞ્ઞત્તિયા વાયાપેય્યા’’તિ અત્થો વુત્તો, એવં વદન્તો અકપ્પિયતન્તવાયેન વાયાપેતિ નામ, નાઞ્ઞથા.
Tanteṭhitaṃyeva adhiṭṭhātabbanti ettha ekavāraṃ adhiṭṭhite pacchā vītaṃ adhiṭṭhitagatikameva hoti, puna adhiṭṭhānakiccaṃ natthi. Sace pana antarantarā dasā ṭhapetvā visuṃ visuṃ saparicchedaṃ vītaṃ hoti, paccekaṃ adhiṭṭhātabbamevāti daṭṭhabbaṃ. Ettha ca kappiyasuttaṃ gahetvā aññātakaappavāritenāpi akappiyatantavāyena ‘‘suttamatthi, vāyanto natthī’’tiādipariyāyamukhena vāyāpentassa anāpatti. Teneva mātikāṭṭhakathāyaṃ (kaṅkhā. aṭṭha. suttaviññattisikkhāpadavaṇṇanā) ‘‘vāyāpeyyā’’ti padassa ‘‘cīvaraṃ me, āvuso, vāyathāti akappiyaviññattiyā vāyāpeyyā’’ti attho vutto, evaṃ vadanto akappiyatantavāyena vāyāpeti nāma, nāññathā.
૬૪૦. અનાપત્તિ ચીવરં સિબ્બેતુન્તિઆદીસુ ઇમિના સિક્ખાપદેનેવ અનાપત્તિ, અકતવિઞ્ઞત્તિપચ્ચયા પન દુક્કટમેવાતિ વદન્તિ. અકપ્પિયસુત્તતા, અત્તુદ્દેસિકતા, અકપ્પિયતન્તવાયેન અકપ્પિયવિઞ્ઞત્તિયા વાયાપનન્તિ ઇમાનેત્થ તીણિ અઙ્ગાનિ.
640.Anāpatti cīvaraṃ sibbetuntiādīsu iminā sikkhāpadeneva anāpatti, akataviññattipaccayā pana dukkaṭamevāti vadanti. Akappiyasuttatā, attuddesikatā, akappiyatantavāyena akappiyaviññattiyā vāyāpananti imānettha tīṇi aṅgāni.
સુત્તવિઞ્ઞત્તિસિક્ખાપદવણ્ણના નિટ્ઠિતા.
Suttaviññattisikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૬. સુત્તવિઞ્ઞત્તિસિક્ખાપદં • 6. Suttaviññattisikkhāpadaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૬. સુત્તવિઞ્ઞત્તિસિક્ખાપદવણ્ણના • 6. Suttaviññattisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૬. સુત્તવિઞ્ઞત્તિસિક્ખાપદવણ્ણના • 6. Suttaviññattisikkhāpadavaṇṇanā
