| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૯. ઉપયન્તિસુત્તવણ્ણના
9. Upayantisuttavaṇṇanā
૬૯. નવમે ઉદકવડ્ઢનસમયેતિ સબ્બદિવસેસુ મહાસમુદ્દસ્સ અન્તો મહન્તચન્દકન્તમણિપબ્બતાનં જુણ્હસમ્ફસ્સેન પહતત્તા જલાભિસન્દનવસેન ઉદકસ્સ વડ્ઢનસમયે. ઉપરિ ગચ્છન્તોતિ પકતિયા ઉદકસ્સ તિટ્ઠટ્ઠાનસ્સ તતો ઉપરિ ગચ્છન્તોતિ અત્થો. ઉપરિ યાપેતીતિ ઉદકં તત્થ ઉપરૂપરિ વડ્ઢેતિ. તથાભૂતો ચ તં બ્રૂહેન્તો પૂરેન્તોતિ વુચ્ચતીતિ આહ ‘‘વડ્ઢેતિ પૂરેતીતિ અત્થો’’તિ. યસ્મા પચ્ચયધમ્મા અત્તનો ફલસમવાયપચ્ચયે હોન્તે તસ્સ ઉપરિ ઠિતો વિય હોતિ તસ્સ અત્તનો વસે વત્તાપનતો, તસ્મા વુત્તં ‘‘અવિજ્જા ઉપરિ ગચ્છન્તી’’તિ. પચ્ચયભાવેન હિ સા તથા વુચ્ચતિ. તેનાહ ‘‘સઙ્ખારાનં પચ્ચયો ભવિતું સક્કુણન્તી’’તિ. અપગચ્છન્તો યાયન્તો. તેનાહ ‘‘ઓસરન્તો’’તિ, અવડ્ઢન્તો પરિહીયમાનોતિ અત્થો.
69. Navame udakavaḍḍhanasamayeti sabbadivasesu mahāsamuddassa anto mahantacandakantamaṇipabbatānaṃ juṇhasamphassena pahatattā jalābhisandanavasena udakassa vaḍḍhanasamaye. Upari gacchantoti pakatiyā udakassa tiṭṭhaṭṭhānassa tato upari gacchantoti attho. Upari yāpetīti udakaṃ tattha uparūpari vaḍḍheti. Tathābhūto ca taṃ brūhento pūrentoti vuccatīti āha ‘‘vaḍḍheti pūretīti attho’’ti. Yasmā paccayadhammā attano phalasamavāyapaccaye honte tassa upari ṭhito viya hoti tassa attano vase vattāpanato, tasmā vuttaṃ ‘‘avijjā upari gacchantī’’ti. Paccayabhāvena hi sā tathā vuccati. Tenāha ‘‘saṅkhārānaṃ paccayo bhavituṃ sakkuṇantī’’ti. Apagacchanto yāyanto. Tenāha ‘‘osaranto’’ti, avaḍḍhanto parihīyamānoti attho.
ઉપયન્તિસુત્તવણ્ણના નિટ્ઠિતા.
Upayantisuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૯. ઉપયન્તિસુત્તં • 9. Upayantisuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૯. ઉપયન્તિસુત્તવણ્ણના • 9. Upayantisuttavaṇṇanā
