| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. வனஸங்யுத்தங்
9. Vanasaṃyuttaṃ
1. விவேகஸுத்தவண்ணனா
1. Vivekasuttavaṇṇanā
221. ஸங்வேஜேதுகாமாதி அத்த²தோ ஸங்வேக³ங் உப்பாதே³துகாமா. ததா²பூ⁴தா நங் கிலேஸஸங்க³ணிகாதி³தோ விவேசேதுகாமா நாம ஹோதீதி வுத்தங் ‘‘விவேகங் படிபஜ்ஜாபேதுகாமா’’தி. பா³ஹிரேஸூதி கோ³சரஜ்ஜ²த்ததோ ப³ஹிபூ⁴தேஸு. புது²த்தாரம்மணேஸூதி ரூபாதி³னானாரம்மணேஸு. சரதீதி பவத்ததி. த்வங் ஜனோதி த்வங் அத்தனோ கிலேஸேஹி ஜனநதோ விஸுங் ஜாதோ தாதி³ஸே ஏவ அஞ்ஞஸ்மிங் ஜனே இமங் அயோனிஸோமனஸிகாரவஸேன பவத்தமானங் ச²ந்த³ராக³ங் வினயஸ்ஸு வினோதே³ஹி. ஸதங் தங் ஸாரயாமஸேதி நிய்யானிகஸாஸனே பப்³ப³ஜித்வா ஸத்து² ஸந்திகே கம்மட்டா²னங் க³ஹெத்வா அரஞ்ஞவாஸேன ச ஸதிமந்தங் பண்டி³தங் தங் மயம்பி யதா²உப்பன்னங் விதக்கங் வினோத³னாய ஸாரயாம, ஸதங் வா ஸப்புரிஸானங் கிலேஸவிக³மனத⁴ம்மங் படிபஜ்ஜித்வா வஸந்தங் தங் ஸாரயாம வட்டது³க்க²ங். பாதாலந்தி மோஹபாதாலங் கிலேஸரஜோ, ததே³வ ‘‘பாதால’’ந்தி வுத்தங். மா அவஹரீதி ஹெட்டா² து³க்³க³திஸோதங் மா உபனேஸி. ஸிதந்தி ஸம்ப³ந்த⁴ங். தேனாஹ ‘‘ஸரீரலக்³க³’’ந்தி. விவேகமாபன்னோதி கிலேஸவிவேகங் ஸமத²விபஸ்ஸனாபா⁴வனமாபன்னோ. உத்தமவீரியந்தி உஸ்ஸொள்ஹிலக்க²ணப்பத்தங் வீரியங், சதுப்³பி³த⁴ங் ஸமப்பதா⁴னவீரியங் வா ஸம்பத்தங். பக்³க³ய்ஹாதி ஆரோபெத்வா. பரமவிவேகந்தி பரமங் ஸமுச்சே²த³விவேகங்.
221.Saṃvejetukāmāti atthato saṃvegaṃ uppādetukāmā. Tathābhūtā naṃ kilesasaṅgaṇikādito vivecetukāmā nāma hotīti vuttaṃ ‘‘vivekaṃ paṭipajjāpetukāmā’’ti. Bāhiresūti gocarajjhattato bahibhūtesu. Puthuttārammaṇesūti rūpādinānārammaṇesu. Caratīti pavattati. Tvaṃ janoti tvaṃ attano kilesehi jananato visuṃ jāto tādise eva aññasmiṃ jane imaṃ ayonisomanasikāravasena pavattamānaṃ chandarāgaṃ vinayassu vinodehi. Sataṃ taṃ sārayāmaseti niyyānikasāsane pabbajitvā satthu santike kammaṭṭhānaṃ gahetvā araññavāsena ca satimantaṃ paṇḍitaṃ taṃ mayampi yathāuppannaṃ vitakkaṃ vinodanāya sārayāma, sataṃ vā sappurisānaṃ kilesavigamanadhammaṃ paṭipajjitvā vasantaṃ taṃ sārayāma vaṭṭadukkhaṃ. Pātālanti mohapātālaṃ kilesarajo, tadeva ‘‘pātāla’’nti vuttaṃ. Mā avaharīti heṭṭhā duggatisotaṃ mā upanesi. Sitanti sambandhaṃ. Tenāha ‘‘sarīralagga’’nti. Vivekamāpannoti kilesavivekaṃ samathavipassanābhāvanamāpanno. Uttamavīriyanti ussoḷhilakkhaṇappattaṃ vīriyaṃ, catubbidhaṃ samappadhānavīriyaṃ vā sampattaṃ. Paggayhāti āropetvā. Paramavivekanti paramaṃ samucchedavivekaṃ.
விவேகஸுத்தவண்ணனா நிட்டி²தா.
Vivekasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. விவேகஸுத்தங் • 1. Vivekasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. விவேகஸுத்தவண்ணனா • 1. Vivekasuttavaṇṇanā
