| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૯. અદ્ધાનપઞ્હો
9. Addhānapañho
૯. રાજા આહ ‘‘ભન્તે નાગસેન, યં પનેતં બ્રૂસિ ‘દીઘમદ્ધાન’ન્તિ, કિમેતં અદ્ધાનં નામા’’તિ ? ‘‘અતીતો, મહારાજ, અદ્ધા, અનાગતો અદ્ધા, પચ્ચુપ્પન્નો અદ્ધા’’તિ. ‘‘કિં પન, ભન્તે, સબ્બે અદ્ધા અત્થી’’તિ? ‘‘કોચિ, મહારાજ , અદ્ધા અત્થિ, કોચિ નત્થી’’તિ. ‘‘કતમો પન, ભન્તે, અત્થિ, કતમો નત્થી’’તિ? ‘‘યે તે, મહારાજ, સઙ્ખારા અતીતા વિગતા નિરુદ્ધા વિપરિણતા, સો અદ્ધા નત્થિ, યે ધમ્મા વિપાકા, યે ચ વિપાકધમ્મધમ્મા, યે ચ અઞ્ઞત્ર પટિસન્ધિં દેન્તિ, સો અદ્ધા અત્થિ. યે સત્તા કાલઙ્કતા અઞ્ઞત્ર ઉપ્પન્ના, સો ચ અદ્ધા અત્થિ. યે સત્તા કાલઙ્કતા અઞ્ઞત્ર અનુપ્પન્ના, સો અદ્ધા નત્થિ. યે ચ સત્તા પરિનિબ્બુતા, સો ચ અદ્ધા નત્થિ પરિનિબ્બુતત્તા’’તિ.
9. Rājā āha ‘‘bhante nāgasena, yaṃ panetaṃ brūsi ‘dīghamaddhāna’nti, kimetaṃ addhānaṃ nāmā’’ti ? ‘‘Atīto, mahārāja, addhā, anāgato addhā, paccuppanno addhā’’ti. ‘‘Kiṃ pana, bhante, sabbe addhā atthī’’ti? ‘‘Koci, mahārāja , addhā atthi, koci natthī’’ti. ‘‘Katamo pana, bhante, atthi, katamo natthī’’ti? ‘‘Ye te, mahārāja, saṅkhārā atītā vigatā niruddhā vipariṇatā, so addhā natthi, ye dhammā vipākā, ye ca vipākadhammadhammā, ye ca aññatra paṭisandhiṃ denti, so addhā atthi. Ye sattā kālaṅkatā aññatra uppannā, so ca addhā atthi. Ye sattā kālaṅkatā aññatra anuppannā, so addhā natthi. Ye ca sattā parinibbutā, so ca addhā natthi parinibbutattā’’ti.
‘‘કલ્લોસિ, ભન્તે નાગસેના’’તિ.
‘‘Kallosi, bhante nāgasenā’’ti.
અદ્ધાનપઞ્હો નવમો.
Addhānapañho navamo.
અદ્ધાનવગ્ગો દુતિયો.
Addhānavaggo dutiyo.
ઇમસ્મિં વગ્ગે નવ પઞ્હા.
Imasmiṃ vagge nava pañhā.
