Library / Tipiṭaka / તિપિટક • Tipiṭaka / ઇતિવુત્તકપાળિ • Itivuttakapāḷi |
૪. અદ્ધાસુત્તં
4. Addhāsuttaṃ
૬૩. વુત્તઞ્હેતં ભગવતા, વુત્તમરહતાતિ મે સુતં –
63. Vuttañhetaṃ bhagavatā, vuttamarahatāti me sutaṃ –
‘‘તયોમે, ભિક્ખવે, અદ્ધા. કતમે તયો? અતીતો અદ્ધા, અનાગતો અદ્ધા, પચ્ચુપ્પન્નો અદ્ધા – ઇમે ખો, ભિક્ખવે, તયો અદ્ધા’’તિ. એતમત્થં ભગવા અવોચ. તત્થેતં ઇતિ વુચ્ચતિ –
‘‘Tayome, bhikkhave, addhā. Katame tayo? Atīto addhā, anāgato addhā, paccuppanno addhā – ime kho, bhikkhave, tayo addhā’’ti. Etamatthaṃ bhagavā avoca. Tatthetaṃ iti vuccati –
‘‘અક્ખેય્યસઞ્ઞિનો સત્તા, અક્ખેય્યસ્મિં પતિટ્ઠિતા;
‘‘Akkheyyasaññino sattā, akkheyyasmiṃ patiṭṭhitā;
અક્ખેય્યં અપરિઞ્ઞાય, યોગમાયન્તિ મચ્ચુનો.
Akkheyyaṃ apariññāya, yogamāyanti maccuno.
‘‘અક્ખેય્યઞ્ચ પરિઞ્ઞાય, અક્ખાતારં ન મઞ્ઞતિ;
‘‘Akkheyyañca pariññāya, akkhātāraṃ na maññati;
ફુટ્ઠો વિમોક્ખો મનસા, સન્તિપદમનુત્તરં.
Phuṭṭho vimokkho manasā, santipadamanuttaraṃ.
સઙ્ખાયસેવી ધમ્મટ્ઠો, સઙ્ખ્યં નોપેતિ વેદગૂ’’તિ.
Saṅkhāyasevī dhammaṭṭho, saṅkhyaṃ nopeti vedagū’’ti.
અયમ્પિ અત્થો વુત્તો ભગવતા, ઇતિ મે સુતન્તિ. ચતુત્થં.
Ayampi attho vutto bhagavatā, iti me sutanti. Catutthaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ઇતિવુત્તક-અટ્ઠકથા • Itivuttaka-aṭṭhakathā / ૪. અદ્ધાસુત્તવણ્ણના • 4. Addhāsuttavaṇṇanā