| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
અનાપત્તિભેદવણ્ણના
Anāpattibhedavaṇṇanā
૧૩૧. યાય સેય્યાય સયિતો કાલં કરોતિ, સા અનુટ્ઠાનસેય્યા નામ. ‘‘ચિત્તેન પન અધિવાસેતી’’તિ વુત્તમત્થં વિભાવેતું ‘‘ન કિઞ્ચિ વદતી’’તિ વુત્તં. પાકતિકં કાતુન્તિ યત્તકં ગહિતં પરિભુત્તં વા, તત્તકં દાતબ્બન્તિ વુત્તં હોતિ.
131. Yāya seyyāya sayito kālaṃ karoti, sā anuṭṭhānaseyyā nāma. ‘‘Cittena pana adhivāsetī’’ti vuttamatthaṃ vibhāvetuṃ ‘‘na kiñci vadatī’’ti vuttaṃ. Pākatikaṃ kātunti yattakaṃ gahitaṃ paribhuttaṃ vā, tattakaṃ dātabbanti vuttaṃ hoti.
પટિદસ્સામીતિ યં ગહિતં, તદેવ વા અઞ્ઞં વા તાદિસં પુન દસ્સામીતિ અત્થો. સઙ્ઘસન્તકે સઙ્ઘં અનુજાનાપેતુમસક્કુણેય્યત્તા કસ્સચિ વત્થુનો અનનુજાનિતબ્બતો ચ ‘‘સઙ્ઘસન્તકં પન પટિદાતુમેવ વટ્ટતી’’તિ વુત્તં.
Paṭidassāmīti yaṃ gahitaṃ, tadeva vā aññaṃ vā tādisaṃ puna dassāmīti attho. Saṅghasantake saṅghaṃ anujānāpetumasakkuṇeyyattā kassaci vatthuno ananujānitabbato ca ‘‘saṅghasantakaṃ pana paṭidātumeva vaṭṭatī’’ti vuttaṃ.
તસ્મિંયેવ અત્તભાવે નિબ્બત્તાપીતિ તસ્મિંયેવ મતસરીરે ઉપ્પન્નાપિ. વિનીતવત્થૂસુ સાટકતણ્હાય તસ્મિંયેવ મતસરીરે નિબ્બત્તપેતો વિયાતિ દટ્ઠબ્બં. રુક્ખાદીસુ લગ્ગિતસાટકે વત્તબ્બમેવ નત્થીતિ મનુસ્સેહિ અપરિગ્ગહિતં સન્ધાય વુત્તં. સચે પન તં આરક્ખકેહિ પરિગ્ગહિતં હોતિ, ગહેતું ન વટ્ટતીતિ.
Tasmiṃyeva attabhāve nibbattāpīti tasmiṃyeva matasarīre uppannāpi. Vinītavatthūsu sāṭakataṇhāya tasmiṃyeva matasarīre nibbattapeto viyāti daṭṭhabbaṃ. Rukkhādīsu laggitasāṭake vattabbameva natthīti manussehi apariggahitaṃ sandhāya vuttaṃ. Sace pana taṃ ārakkhakehi pariggahitaṃ hoti, gahetuṃ na vaṭṭatīti.
અનાપત્તિભેદવણ્ણના નિટ્ઠિતા.
Anāpattibhedavaṇṇanā niṭṭhitā.
પદભાજનીયવણ્ણના નિટ્ઠિતા.
Padabhājanīyavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૨. દુતિયપારાજિકં • 2. Dutiyapārājikaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૨. દુતિયપારાજિકં • 2. Dutiyapārājikaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અનાપત્તિભેદવણ્ણના • Anāpattibhedavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / અનાપત્તિભેદવણ્ણના • Anāpattibhedavaṇṇanā
