| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૪. અઞ્ઞવિઞ્ઞાપનસિક્ખાપદવણ્ણના
4. Aññaviññāpanasikkhāpadavaṇṇanā
પટિલાભેનાતિ પઠમવિઞ્ઞત્તિતો ઊનતરસ્સાપિ અઞ્ઞસ્સ પટિલાભેન.
Paṭilābhenāti paṭhamaviññattito ūnatarassāpi aññassa paṭilābhena.
તસ્મિં અપ્પહોન્તે પુન તઞ્ઞેવાતિ યં પઠમં વિઞ્ઞત્તં, થોકત્તા તસ્મિં અપ્પહોન્તે પુન તઞ્ઞેવ વિઞ્ઞાપેન્તિયાતિ અત્થો. અઞ્ઞેનપિ અત્થે સતી તિ પઠમં વિઞ્ઞત્તિતો અઞ્ઞેનપિ અત્થે સતિ. તેન સદ્ધિં અઞ્ઞઞ્ચાતિ યં પઠમં વિઞ્ઞત્તં, તેન સદ્ધિં અઞ્ઞઞ્ચ. કિં વુત્તં હોતિ? સચે પઠમં સપ્પિ વિઞ્ઞત્તં, ‘‘યમકં પચિતબ્બ’’ન્તિ ચ વેજ્જેન વુત્તત્તા તેલેનાપિ અત્થો હોતિ. તતો ‘‘તેલેનાપિ મે અત્થો’’તિ એવમાદિના અઞ્ઞઞ્ચ વિઞ્ઞાપેન્તિયાતિ વુત્તં હોતિ. આનિસંસં દસ્સેત્વાતિ ‘‘સચે કહાપણસ્સ સપ્પિ આભતં હોતિ, ઇમિના મૂલેન દ્વિગુણં તેલં લબ્ભતિ, તેલેનાપિ ચ ઇદં કિચ્ચં નિપ્પજ્જતિ, તસ્મા તેલં આહરા’’તિ એવં આનિસંસં દસ્સેત્વા.
Tasmiṃ appahonte puna taññevāti yaṃ paṭhamaṃ viññattaṃ, thokattā tasmiṃ appahonte puna taññeva viññāpentiyāti attho. Aññenapi atthe satī ti paṭhamaṃ viññattito aññenapi atthe sati. Tena saddhiṃ aññañcāti yaṃ paṭhamaṃ viññattaṃ, tena saddhiṃ aññañca. Kiṃ vuttaṃ hoti? Sace paṭhamaṃ sappi viññattaṃ, ‘‘yamakaṃ pacitabba’’nti ca vejjena vuttattā telenāpi attho hoti. Tato ‘‘telenāpi me attho’’ti evamādinā aññañca viññāpentiyāti vuttaṃ hoti. Ānisaṃsaṃ dassetvāti ‘‘sace kahāpaṇassa sappi ābhataṃ hoti, iminā mūlena dviguṇaṃ telaṃ labbhati, telenāpi ca idaṃ kiccaṃ nippajjati, tasmā telaṃ āharā’’ti evaṃ ānisaṃsaṃ dassetvā.
અઞ્ઞવિઞ્ઞાપનસિક્ખાપદવણ્ણના નિટ્ઠિતા.
Aññaviññāpanasikkhāpadavaṇṇanā niṭṭhitā.
