| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
૬. અનુપખજ્જસિક્ખાપદવણ્ણના
6. Anupakhajjasikkhāpadavaṇṇanā
૧૧૯-૧૨૧. છટ્ઠે અનુપવિસિત્વાતિ સમીપં પવિસિત્વા. બહૂપકારતં ગુણવિસિટ્ઠતઞ્ચ સલ્લક્ખેન્તોતિ ભણ્ડાગારિકસ્સ બહૂપકારતં ધમ્મકથિકાદીનં ગુણવિસિટ્ઠતઞ્ચ સલ્લક્ખેન્તો. સમન્તા દિયડ્ઢો હત્થોતિ મજ્ઝે પઞ્ઞત્તમઞ્ચપીઠં સન્ધાય વુત્તં.
119-121. Chaṭṭhe anupavisitvāti samīpaṃ pavisitvā. Bahūpakārataṃ guṇavisiṭṭhatañca sallakkhentoti bhaṇḍāgārikassa bahūpakārataṃ dhammakathikādīnaṃ guṇavisiṭṭhatañca sallakkhento. Samantā diyaḍḍho hatthoti majjhe paññattamañcapīṭhaṃ sandhāya vuttaṃ.
૧૨૨. ઉપચારં ઠપેત્વાતિ વુત્તલક્ખણં ઉપચારં ઠપેત્વા. એકવિહારેતિ એકસ્મિં સેનાસને. એકપરિવેણેતિ તસ્સ વિહારસ્સ પરિક્ખેપબ્ભન્તરે. ‘‘ગિલાનો પવિસતીતિઆદીસુ અનાપત્તિકારણસબ્ભાવતો ગિલાનાદિતાય પવિસિસ્સામીતિ ઉપચારં પવિસન્તસ્સ સતિપિ સમ્બાધેતુકામતાય અનાપત્તિ વુત્તાયેવા’’તિ તીસુપિ ગણ્ઠિપદેસુ વુત્તં. એવઞ્ચ સતિ અગિલાનાદિભાવોપિ વિસું અઙ્ગેસુ વત્તબ્બો સિયા, માતિકાટ્ઠકથાયં (કઙ્ખા॰ અટ્ઠ॰ અનુપખજ્જસિક્ખાપદવણ્ણના) પન ‘‘સઙ્ઘિકવિહારતા, અનુટ્ઠાપનીયભાવજાનનં, સમ્બાધેતુકામતા, ઉપચારે નિસીદનં વા નિપજ્જનં વાતિ ઇમાનિ પનેત્થ ચત્તારિ અઙ્ગાની’’તિ એત્તકમેવ વુત્તં, તસ્મા વીમંસિતબ્બં.
122.Upacāraṃṭhapetvāti vuttalakkhaṇaṃ upacāraṃ ṭhapetvā. Ekavihāreti ekasmiṃ senāsane. Ekapariveṇeti tassa vihārassa parikkhepabbhantare. ‘‘Gilāno pavisatītiādīsu anāpattikāraṇasabbhāvato gilānāditāya pavisissāmīti upacāraṃ pavisantassa satipi sambādhetukāmatāya anāpatti vuttāyevā’’ti tīsupi gaṇṭhipadesu vuttaṃ. Evañca sati agilānādibhāvopi visuṃ aṅgesu vattabbo siyā, mātikāṭṭhakathāyaṃ (kaṅkhā. aṭṭha. anupakhajjasikkhāpadavaṇṇanā) pana ‘‘saṅghikavihāratā, anuṭṭhāpanīyabhāvajānanaṃ, sambādhetukāmatā, upacāre nisīdanaṃ vā nipajjanaṃ vāti imāni panettha cattāri aṅgānī’’ti ettakameva vuttaṃ, tasmā vīmaṃsitabbaṃ.
અનુપખજ્જસિક્ખાપદવણ્ણના નિટ્ઠિતા.
Anupakhajjasikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૨. ભૂતગામવગ્ગો • 2. Bhūtagāmavaggo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૬. અનુપખજ્જસિક્ખાપદવણ્ણના • 6. Anupakhajjasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૬. અનુપખજ્જસિક્ખાપદવણ્ણના • 6. Anupakhajjasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૬. અનુપખજ્જસિક્ખાપદવણ્ણના • 6. Anupakhajjasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૬. અનુપખજ્જસિક્ખાપદં • 6. Anupakhajjasikkhāpadaṃ
