| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
આપત્તિભેદવણ્ણના
Āpattibhedavaṇṇanā
૧૨૨. તત્થ તત્થાતિ ભૂમટ્ઠથલટ્ઠાદીસુ. અઙ્ગઞ્ચ દસ્સેન્તોતિ યોજેતબ્બં. વત્થુભેદેનાતિ અવહરિતબ્બસ્સ વત્થુસ્સ ગરુકલહુકભેદેન. આપત્તિભેદન્તિ પારાજિકથુલ્લચ્ચયદુક્કટાનં વસેન આપત્તિભેદં. મનુસ્સભૂતેન પરેન પરિગ્ગહિતં પરપરિગ્ગહિતં.
122.Tattha tatthāti bhūmaṭṭhathalaṭṭhādīsu. Aṅgañca dassentoti yojetabbaṃ. Vatthubhedenāti avaharitabbassa vatthussa garukalahukabhedena. Āpattibhedanti pārājikathullaccayadukkaṭānaṃ vasena āpattibhedaṃ. Manussabhūtena parena pariggahitaṃ parapariggahitaṃ.
૧૨૫. ન ચ સકસઞ્ઞીતિ ઇમિના પન પરપરિગ્ગહિતં વત્થુ કથિતં. ન ચ વિસ્સાસગ્ગાહી, ન ચ તાવકાલિકન્તિ ઇમિના પન પરપરિગ્ગહિતસઞ્ઞા કથિતા. ન વિસ્સાસગ્ગાહિતાતિ વિસ્સાસગ્ગાહેન અગ્ગહિતભાવો. ન તાવકાલિકતાતિ પચ્છા દાતબ્બતં કત્વા અગ્ગહિતભાવો. અનજ્ઝાવુત્થકન્તિ ‘‘મમેદ’’ન્તિ પરિગ્ગહવસેન અનજ્ઝાવુત્થકં અરઞ્ઞે દારુતિણપણ્ણાદિ. છડ્ડિતન્તિ કટ્ઠહારાદીહિ અતિભારાદિતાય અનત્થિકભાવેન અરઞ્ઞાદીસુ છડ્ડિતં. છિન્નમૂલકન્તિ નટ્ઠં પરિયેસિત્વા આલયસઙ્ખાતસ્સ મૂલસ્સ છિન્નત્તા છિન્નમૂલં. અસામિકન્તિ અનજ્ઝાવુત્થકાદીહિ તીહિ આકારેહિ દસ્સિતં અસામિકવત્થુ. ઉભયમ્પીતિ યથાવુત્તલક્ખણં અસામિકં અત્તનો સન્તકઞ્ચ.
125.Naca sakasaññīti iminā pana parapariggahitaṃ vatthu kathitaṃ. Na ca vissāsaggāhī, na ca tāvakālikanti iminā pana parapariggahitasaññā kathitā. Na vissāsaggāhitāti vissāsaggāhena aggahitabhāvo. Na tāvakālikatāti pacchā dātabbataṃ katvā aggahitabhāvo. Anajjhāvutthakanti ‘‘mameda’’nti pariggahavasena anajjhāvutthakaṃ araññe dārutiṇapaṇṇādi. Chaḍḍitanti kaṭṭhahārādīhi atibhārāditāya anatthikabhāvena araññādīsu chaḍḍitaṃ. Chinnamūlakanti naṭṭhaṃ pariyesitvā ālayasaṅkhātassa mūlassa chinnattā chinnamūlaṃ. Asāmikanti anajjhāvutthakādīhi tīhi ākārehi dassitaṃ asāmikavatthu. Ubhayampīti yathāvuttalakkhaṇaṃ asāmikaṃ attano santakañca.
આપત્તિભેદવણ્ણના નિટ્ઠિતા.
Āpattibhedavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૨. દુતિયપારાજિકં • 2. Dutiyapārājikaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૨. દુતિયપારાજિકં • 2. Dutiyapārājikaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / આપત્તિભેદવણ્ણના • Āpattibhedavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / આપત્તિભેદવણ્ણના • Āpattibhedavaṇṇanā
