| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
સેદમોચનગાથા
Sedamocanagāthā
અવિપ્પવાસાદિપઞ્હવણ્ણના
Avippavāsādipañhavaṇṇanā
૪૭૯. સેદમોચનગાથાસુ તહિન્તિ તસ્મિં પુગ્ગલે. ‘‘અકપ્પિયસમ્ભોગો નામ મેથુનધમ્માદી’’તિ ગણ્ઠિપદેસુ વુત્તં. એસા પઞ્હા કુસલેહિ ચિન્તિતાતિ લિઙ્ગવિપલ્લાસવસેનેતં વુત્તં, એસો પઞ્હો કુસલેહિ ચિન્તિતોતિ અત્થો.
479. Sedamocanagāthāsu tahinti tasmiṃ puggale. ‘‘Akappiyasambhogo nāma methunadhammādī’’ti gaṇṭhipadesu vuttaṃ. Esā pañhā kusalehi cintitāti liṅgavipallāsavasenetaṃ vuttaṃ, eso pañho kusalehi cintitoti attho.
દસાતિ અવન્દિયે દસ. એકાદસાતિ પણ્ડકાદયો એકાદસ. ઉબ્ભક્ખકે ન વદામીતિ ઇમિના મુખે મેથુનધમ્માભાવં દીપેતિ. અધોનાભિં વિવજ્જિયાતિ ઇમિના વચ્ચમગ્ગપસ્સાવમગ્ગેસુ.
Dasāti avandiye dasa. Ekādasāti paṇḍakādayo ekādasa. Ubbhakkhake na vadāmīti iminā mukhe methunadhammābhāvaṃ dīpeti. Adhonābhiṃ vivajjiyāti iminā vaccamaggapassāvamaggesu.
ગામન્તરપરિયાપન્નં નદીપારં ઓક્કન્તભિક્ખુનિં સન્ધાયાતિ એત્થ નદી ભિક્ખુનિયા ગામપરિયાપન્ના, પરતીરં ગામન્તરપરિયાપન્નં. તત્થ પરતીરે પઠમલેડ્ડુપાતપ્પમાણો ગામૂપચારો નદીપરિયન્તેન પરિચ્છિન્નો, તસ્મા પરતીરે રતનમત્તમ્પિ અરઞ્ઞં નત્થિ, પરતીરઞ્ચ તિણાદીહિ પટિચ્છન્નત્તા દસ્સનૂપચારવિરહિતં કરોતિ. તત્થ અત્તનો ગામે આપત્તિ નત્થિ, પરતીરે પન પઠમલેડ્ડુપાતસઙ્ખાતે ગામૂપચારેયેવ પાદં ઠપેતિ. અન્તરે અભિધમ્મે વુત્તનયેન અરઞ્ઞભૂતં સકગામં અતિક્કમતિ નામ, તસ્મા ગણમ્હા ઓહીયના નામ હોતીતિ વેદિતબ્બં.
Gāmantarapariyāpannaṃ nadīpāraṃ okkantabhikkhuniṃ sandhāyāti ettha nadī bhikkhuniyā gāmapariyāpannā, paratīraṃ gāmantarapariyāpannaṃ. Tattha paratīre paṭhamaleḍḍupātappamāṇo gāmūpacāro nadīpariyantena paricchinno, tasmā paratīre ratanamattampi araññaṃ natthi, paratīrañca tiṇādīhi paṭicchannattā dassanūpacāravirahitaṃ karoti. Tattha attano gāme āpatti natthi, paratīre pana paṭhamaleḍḍupātasaṅkhāte gāmūpacāreyeva pādaṃ ṭhapeti. Antare abhidhamme vuttanayena araññabhūtaṃ sakagāmaṃ atikkamati nāma, tasmā gaṇamhā ohīyanā nāma hotīti veditabbaṃ.
ભિક્ખૂનં સન્તિકે એકતોઉપસમ્પન્ના નામ મહાપજાપતિપમુખા પઞ્ચસતસાકિનિયો ભિક્ખુનિયો. મહાપજાપતિપિ હિ આનન્દત્થેરેન દિન્નઓવાદસ્સ પટિગ્ગહિતત્તા ભિક્ખૂનં સન્તિકે ઉપસમ્પન્ના નામ.
Bhikkhūnaṃ santike ekatoupasampannā nāma mahāpajāpatipamukhā pañcasatasākiniyo bhikkhuniyo. Mahāpajāpatipi hi ānandattherena dinnaovādassa paṭiggahitattā bhikkhūnaṃ santike upasampannā nāma.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi / ૧. અવિપ્પવાસપઞ્હા • 1. Avippavāsapañhā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā / (૧) અવિપ્પવાસપઞ્હાવણ્ણના • (1) Avippavāsapañhāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અવિપ્પવાસપઞ્હાવણ્ણના • Avippavāsapañhāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / અવિપ્પવાસપઞ્હાવણ્ણના • Avippavāsapañhāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / (૧) અવિપ્પવાસપઞ્હાવણ્ણના • (1) Avippavāsapañhāvaṇṇanā
