| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૬. બોજ્ઝઙ્ગપઞ્હો
6. Bojjhaṅgapañho
૬. રાજા આહ ‘‘કતિ નુ ખો, ભન્તે નાગસેન, બોજ્ઝઙ્ગા’’તિ? ‘‘સત્ત ખો, મહારાજ, બોજ્ઝઙ્ગા’’તિ. ‘‘કતિહિ પન, ભન્તે, બોજ્ઝઙ્ગેહિ બુજ્ઝતી’’તિ? ‘‘એકેન ખો, મહારાજ, બોજ્ઝઙ્ગેન બુજ્ઝતિ ધમ્મવિચયસમ્બોજ્ઝઙ્ગેના’’તિ. ‘‘અથ કિસ્સ નુ ખો, ભન્તે, વુચ્ચન્તિ ‘સત્ત બોજ્ઝઙ્ગા’’’તિ? ‘‘તં કિં મઞ્ઞસિ, મહારાજ, અસિ કોસિયા પક્ખિત્તો અગ્ગહિતો હત્થેન ઉસ્સહતિ છેજ્જં છિન્દિતુ’’ન્તિ. ‘‘ન હિ, ભન્તે’’તિ. ‘‘એવમેવ ખો, મહારાજ, ધમ્મવિચયસમ્બોજ્ઝઙ્ગેન વિના છહિ બોજ્ઝઙ્ગેહિ ન બુજ્ઝતી’’તિ.
6. Rājā āha ‘‘kati nu kho, bhante nāgasena, bojjhaṅgā’’ti? ‘‘Satta kho, mahārāja, bojjhaṅgā’’ti. ‘‘Katihi pana, bhante, bojjhaṅgehi bujjhatī’’ti? ‘‘Ekena kho, mahārāja, bojjhaṅgena bujjhati dhammavicayasambojjhaṅgenā’’ti. ‘‘Atha kissa nu kho, bhante, vuccanti ‘satta bojjhaṅgā’’’ti? ‘‘Taṃ kiṃ maññasi, mahārāja, asi kosiyā pakkhitto aggahito hatthena ussahati chejjaṃ chinditu’’nti. ‘‘Na hi, bhante’’ti. ‘‘Evameva kho, mahārāja, dhammavicayasambojjhaṅgena vinā chahi bojjhaṅgehi na bujjhatī’’ti.
‘‘કલ્લોસિ, ભન્તે નાગસેના’’તિ.
‘‘Kallosi, bhante nāgasenā’’ti.
બોજ્ઝઙ્ગપઞ્હો છટ્ઠો.
Bojjhaṅgapañho chaṭṭho.
