| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
ચતુપ્પદકથાવણ્ણના
Catuppadakathāvaṇṇanā
૧૧૬. ચતુપ્પદકથાયં ભિઙ્કચ્છાપન્તિ ભિઙ્કભિઙ્કાતિ સદ્દાયનતો એવંલદ્ધનામં હત્થિપોતકં. અન્તોવત્થુમ્હીતિ પરિક્ખિત્તે અન્તોવત્થુમ્હિ. રાજઙ્ગણેતિ પરિક્ખિત્તે નગરે વત્થુદ્વારતો બહિરાજઙ્ગણે. હત્થિસાલા ઠાનન્તિ નિબ્બકોસતો ઉદકપાતબ્ભન્તરં ઠાનં. બહિનગરે ઠિતસ્સાતિ પરિક્ખિત્તનગરં સન્ધાય વુત્તં, અપરિક્ખિત્તનગરે પન અન્તોનગરે ઠિતસ્સપિ ઠિતટ્ઠાનમેવ ઠાનં. ખણ્ડદ્વારન્તિ અત્તના ખણ્ડિતદ્વારં. સાખાભઙ્ગન્તિ ભઞ્જિતસાખં. નિપન્નસ્સ દ્વેતિ બન્ધનેન સદ્ધિં દ્વે. ઘાતેતીતિ એત્થ ‘‘થેય્યચિત્તેન વિનાસેન્તસ્સ સહપયોગત્તા દુક્કટમેવ, ન પાચિત્તિય’’ન્તિ આચરિયા વદન્તિ.
116. Catuppadakathāyaṃ bhiṅkacchāpanti bhiṅkabhiṅkāti saddāyanato evaṃladdhanāmaṃ hatthipotakaṃ. Antovatthumhīti parikkhitte antovatthumhi. Rājaṅgaṇeti parikkhitte nagare vatthudvārato bahirājaṅgaṇe. Hatthisālā ṭhānanti nibbakosato udakapātabbhantaraṃ ṭhānaṃ. Bahinagare ṭhitassāti parikkhittanagaraṃ sandhāya vuttaṃ, aparikkhittanagare pana antonagare ṭhitassapi ṭhitaṭṭhānameva ṭhānaṃ. Khaṇḍadvāranti attanā khaṇḍitadvāraṃ. Sākhābhaṅganti bhañjitasākhaṃ. Nipannassa dveti bandhanena saddhiṃ dve. Ghātetīti ettha ‘‘theyyacittena vināsentassa sahapayogattā dukkaṭameva, na pācittiya’’nti ācariyā vadanti.
ચતુપ્પદકથાવણ્ણના નિટ્ઠિતા.
Catuppadakathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૨. દુતિયપારાજિકં • 2. Dutiyapārājikaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૨. દુતિયપારાજિકં • 2. Dutiyapārājikaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ભૂમટ્ઠકથાદિવણ્ણના • Bhūmaṭṭhakathādivaṇṇanā
