| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૧૦. દીઘટ્ઠિપઞ્હો
10. Dīghaṭṭhipañho
૧૦. રાજા આહ ‘‘ભન્તે નાગસેન, તુમ્હે એવં ભણથ ‘અટ્ઠિકાનિ દીઘાનિ યોજનસતિકાનિપી’તિ, રુક્ખોપિ તાવ નત્થિ યોજનસતિકો, કુતો પન અટ્ઠિકાનિ દીઘાનિ યોજનસતિકાનિ ભવિસ્સન્તી’’તિ?
10. Rājā āha ‘‘bhante nāgasena, tumhe evaṃ bhaṇatha ‘aṭṭhikāni dīghāni yojanasatikānipī’ti, rukkhopi tāva natthi yojanasatiko, kuto pana aṭṭhikāni dīghāni yojanasatikāni bhavissantī’’ti?
‘‘તં કિં મઞ્ઞસિ, મહારાજ, સુતં તે ‘મહાસમુદ્દે પઞ્ચયોજનસતિકાપિ મચ્છા અત્થી’’’તિ? ‘‘આમ, ભન્તે, સુત’’ન્તિ. ‘‘નનુ મહારાજ, પઞ્ચયોજનસતિકસ્સ મચ્છસ્સ અટ્ઠિકાનિ દીઘાનિ ભવિસ્સન્તિ યોજનસતિકાનિપી’’તિ?
‘‘Taṃ kiṃ maññasi, mahārāja, sutaṃ te ‘mahāsamudde pañcayojanasatikāpi macchā atthī’’’ti? ‘‘Āma, bhante, suta’’nti. ‘‘Nanu mahārāja, pañcayojanasatikassa macchassa aṭṭhikāni dīghāni bhavissanti yojanasatikānipī’’ti?
‘‘કલ્લોસિ , ભન્તે નાગસેના’’તિ.
‘‘Kallosi , bhante nāgasenā’’ti.
દીઘટ્ઠિપઞ્હો દસમો.
Dīghaṭṭhipañho dasamo.
