| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૨. દુતિયપરિમણ્ડલસિક્ખાપદવણ્ણના
2. Dutiyaparimaṇḍalasikkhāpadavaṇṇanā
પટિક્ખિત્તં ગિહિપારુતન્તિ ખુદ્દકવત્થુખન્ધકે પટિક્ખિત્તં ગિહિપારુતં. ઇદાનિ ‘‘ન, ભિક્ખવે’’તિઆદિના (ચૂળવ॰ ૨૮૦-૨૮૧) સઙ્ખેપેન વુત્તમત્થમેવ વિત્થારેત્વા દસ્સેતું ‘‘તત્થા’’તિઆદિમાહ. યં કિઞ્ચિ અઞ્ઞથા પારુતન્તિ સમ્બન્ધો. તસ્માતિ યસ્મા સેતપટપારુતાદિ ગિહિપારુતં નામ, તસ્મા. સેતપટાતિ એતસ્સેવ વિવરણં. અડ્ઢપાલકનિગણ્ઠાતિ અડ્ઢં પાલેન્તીતિ અડ્ઢપાલકા, અડ્ઢપાલકા ચ તે નિગણ્ઠા ચાતિ અડ્ઢપાલકનિગણ્ઠા. તે હિ ઉપરિ એકમેવ સેતવત્થં ઉપકચ્છકે પવેસેત્વા પરિદહન્તિ, હેટ્ઠા નગ્ગાપિ અડ્ઢમેવ પાલેન્તિ. પરિબ્બાજકાતિ ગિહિબન્ધનં પહાય પબ્બજ્જૂપગતા. ઉરં વિવરિત્વાતિ હદયમજ્ઝં વિવરિત્વા. અક્ખિતારકામત્તન્તિ અક્ખિમત્તં. આરામે વાતિ બુદ્ધૂપટ્ઠાનાદિકાલં સન્ધાય વુત્તં. અન્તરઘરે વાતિ અન્તરે ઘરાનિ એત્થ, એતસ્સાતિ વા ‘‘અન્તરઘર’’ન્તિ લદ્ધનામે ગામે.
Paṭikkhittaṃgihipārutanti khuddakavatthukhandhake paṭikkhittaṃ gihipārutaṃ. Idāni ‘‘na, bhikkhave’’tiādinā (cūḷava. 280-281) saṅkhepena vuttamatthameva vitthāretvā dassetuṃ ‘‘tatthā’’tiādimāha. Yaṃ kiñci aññathā pārutanti sambandho. Tasmāti yasmā setapaṭapārutādi gihipārutaṃ nāma, tasmā. Setapaṭāti etasseva vivaraṇaṃ. Aḍḍhapālakanigaṇṭhāti aḍḍhaṃ pālentīti aḍḍhapālakā, aḍḍhapālakā ca te nigaṇṭhā cāti aḍḍhapālakanigaṇṭhā. Te hi upari ekameva setavatthaṃ upakacchake pavesetvā paridahanti, heṭṭhā naggāpi aḍḍhameva pālenti. Paribbājakāti gihibandhanaṃ pahāya pabbajjūpagatā. Uraṃ vivaritvāti hadayamajjhaṃ vivaritvā. Akkhitārakāmattanti akkhimattaṃ. Ārāme vāti buddhūpaṭṭhānādikālaṃ sandhāya vuttaṃ. Antaraghare vāti antare gharāni ettha, etassāti vā ‘‘antaraghara’’nti laddhanāme gāme.
દુતિયપરિમણ્ડલસિક્ખાપદવણ્ણના નિટ્ઠિતા.
Dutiyaparimaṇḍalasikkhāpadavaṇṇanā niṭṭhitā.
