| Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi |
૩૫. કમ્મારભણ્ડુવત્થુ
35. Kammārabhaṇḍuvatthu
૯૮. તેન ખો પન સમયેન અઞ્ઞતરો કમ્મારભણ્ડુ માતાપિતૂહિ સદ્ધિં ભણ્ડિત્વા આરામં ગન્ત્વા ભિક્ખૂસુ પબ્બજિતો હોતિ. અથ ખો તસ્સ કમ્મારભણ્ડુસ્સ માતાપિતરો તં કમ્મારભણ્ડું વિચિનન્તા આરામં ગન્ત્વા ભિક્ખૂ પુચ્છિંસુ – ‘‘અપિ, ભન્તે, એવરૂપં દારકં પસ્સેય્યાથા’’તિ? ભિક્ખૂ અજાનંયેવ આહંસુ – ‘‘ન જાનામા’’તિ, અપસ્સંયેવ આહંસુ – ‘‘ન પસ્સામા’’તિ. અથ ખો તસ્સ કમ્મારભણ્ડુસ્સ માતાપિતરો તં કમ્મારભણ્ડું વિચિનન્તા ભિક્ખૂસુ પબ્બજિતં દિસ્વા ઉજ્ઝાયન્તિ ખિય્યન્તિ વિપાચેન્તિ – ‘‘અલજ્જિનો ઇમે સમણા સક્યપુત્તિયા, દુસ્સીલા મુસાવાદિનો. જાનંયેવ આહંસુ – ‘ન જાનામા’તિ, પસ્સંયેવ આહંસુ – ‘ન પસ્સામા’તિ. અયં દારકો ભિક્ખૂસુ પબ્બજિતો’’તિ. અસ્સોસું ખો ભિક્ખૂ તસ્સ કમ્મારભણ્ડુસ્સ માતાપિતૂનં ઉજ્ઝાયન્તાનં ખિય્યન્તાનં વિપાચેન્તાનં. અથ ખો તે ભિક્ખૂ ભગવતો એતમત્થં આરોચેસું. અનુજાનામિ, ભિક્ખવે, સઙ્ઘં અપલોકેતું ભણ્ડુકમ્માયાતિ.
98. Tena kho pana samayena aññataro kammārabhaṇḍu mātāpitūhi saddhiṃ bhaṇḍitvā ārāmaṃ gantvā bhikkhūsu pabbajito hoti. Atha kho tassa kammārabhaṇḍussa mātāpitaro taṃ kammārabhaṇḍuṃ vicinantā ārāmaṃ gantvā bhikkhū pucchiṃsu – ‘‘api, bhante, evarūpaṃ dārakaṃ passeyyāthā’’ti? Bhikkhū ajānaṃyeva āhaṃsu – ‘‘na jānāmā’’ti, apassaṃyeva āhaṃsu – ‘‘na passāmā’’ti. Atha kho tassa kammārabhaṇḍussa mātāpitaro taṃ kammārabhaṇḍuṃ vicinantā bhikkhūsu pabbajitaṃ disvā ujjhāyanti khiyyanti vipācenti – ‘‘alajjino ime samaṇā sakyaputtiyā, dussīlā musāvādino. Jānaṃyeva āhaṃsu – ‘na jānāmā’ti, passaṃyeva āhaṃsu – ‘na passāmā’ti. Ayaṃ dārako bhikkhūsu pabbajito’’ti. Assosuṃ kho bhikkhū tassa kammārabhaṇḍussa mātāpitūnaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Anujānāmi, bhikkhave, saṅghaṃ apaloketuṃ bhaṇḍukammāyāti.
કમ્મારભણ્ડુવત્થુ નિટ્ઠિતં.
Kammārabhaṇḍuvatthu niṭṭhitaṃ.
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / કમ્મારભણ્ડુવત્થાદિકથા • Kammārabhaṇḍuvatthādikathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / કમ્મારભણ્ડુવત્થાદિકથાવણ્ણના • Kammārabhaṇḍuvatthādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / કમ્મારભણ્ડુવત્થાદિકથાવણ્ણના • Kammārabhaṇḍuvatthādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૩૫. કમ્મારભણ્ડુવત્થુઆદિકથા • 35. Kammārabhaṇḍuvatthuādikathā
