Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૬. કટુવિયસુત્તવણ્ણના
6. Kaṭuviyasuttavaṇṇanā
૧૨૯. છટ્ઠે ગોયોગપિલક્ખસ્મિન્તિ ગાવીનં વિક્કયટ્ઠાને ઉટ્ઠિતપિલક્ખસ્સ સન્તિકે. રિત્તસ્સાદન્તિ ઝાનસુખાભાવેન રિત્તસ્સાદં. બાહિરસ્સાદન્તિ કામગુણસુખવસેન બાહિરસ્સાદં. કટુવિયન્તિ ઉચ્છિટ્ઠં. આમગન્ધેનાતિ કોધસઙ્ખાતેન વિસ્સગન્ધેન. અવસ્સુતન્તિ તિન્તં. મક્ખિકાતિ કિલેસમક્ખિકા. નાનુપતિસ્સન્તીતિ ઉટ્ઠાય ન અનુબન્ધિસ્સન્તિ. નાન્વાસ્સવિસ્સન્તીતિ અનુબન્ધિત્વા ન ખાદિસ્સન્તિ. સંવેગમાપાદીતિ સોતાપન્નો જાતો.
129. Chaṭṭhe goyogapilakkhasminti gāvīnaṃ vikkayaṭṭhāne uṭṭhitapilakkhassa santike. Rittassādanti jhānasukhābhāvena rittassādaṃ. Bāhirassādanti kāmaguṇasukhavasena bāhirassādaṃ. Kaṭuviyanti ucchiṭṭhaṃ. Āmagandhenāti kodhasaṅkhātena vissagandhena. Avassutanti tintaṃ. Makkhikāti kilesamakkhikā. Nānupatissantīti uṭṭhāya na anubandhissanti. Nānvāssavissantīti anubandhitvā na khādissanti. Saṃvegamāpādīti sotāpanno jāto.
કટુવિયકતોતિ ઉચ્છિટ્ઠકતો. આરકા હોતીતિ દૂરે હોતિ. વિઘાતસ્સેવ ભાગવાતિ દુક્ખસ્સેવ ભાગી. ચરેતીતિ ચરતિ ગચ્છતિ. દુમ્મેધોતિ દુપ્પઞ્ઞો. ઇમસ્મિં સુત્તે વટ્ટમેવ કથિતં, ગાથાસુ વટ્ટવિવટ્ટં કથિતન્તિ. સત્તમે વટ્ટમેવ ભાસિતં.
Kaṭuviyakatoti ucchiṭṭhakato. Ārakā hotīti dūre hoti. Vighātasseva bhāgavāti dukkhasseva bhāgī. Caretīti carati gacchati. Dummedhoti duppañño. Imasmiṃ sutte vaṭṭameva kathitaṃ, gāthāsu vaṭṭavivaṭṭaṃ kathitanti. Sattame vaṭṭameva bhāsitaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૬. કટુવિયસુત્તં • 6. Kaṭuviyasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૬. કટુવિયસુત્તવણ્ણના • 6. Kaṭuviyasuttavaṇṇanā