| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૪. મહાચુન્દસુત્તવણ્ણના
4. Mahācundasuttavaṇṇanā
૪૬. ચતુત્થે ચેતીસૂતિ ચેતિરટ્ઠે. સયંજાતિયન્તિ એવંનામકે નિગમે. મહાચુન્દોતિ ધમ્મસેનાપતિસ્સ કનિટ્ઠભાતિકો. ધમ્મે યોગો અનુયોગો એતેસન્તિ ધમ્મયોગા. ધમ્મકથિકાનં એતં નામં. ઝાયન્તીતિ ઝાયી. અપસાદેન્તીતિ ઘટ્ટેન્તિ હિંસન્તિ. ઝાયન્તીતિ ચિન્તેન્તિ. પજ્ઝાયન્તીતિઆદીનિ ઉપસગ્ગવસેન વડ્ઢિતાનિ. કિમિમે ઝાયન્તીતિ કિં નામ ઇમે ઝાયન્તિ. કિન્તિમે ઝાયન્તીતિ કિમત્થં ઇમે ઝાયન્તિ. કથં ઇમે ઝાયન્તીતિ કેન કારણેન ઇમે ઝાયન્તિ. અમતં ધાતું કાયેન ફુસિત્વા વિહરન્તીતિ મરણવિરહિતં નિબ્બાનધાતું સન્ધાય કમ્મટ્ઠાનં ગહેત્વા વિહરન્તા અનુક્કમેન તં નામકાયેન ફુસિત્વા વિહરન્તિ. ગમ્ભીરં અત્થપદન્તિ ગુળ્હં પટિચ્છન્નં ખન્ધધાતુઆયતનાદિઅત્થં. પઞ્ઞાય અતિવિજ્ઝ પસ્સન્તીતિ સહવિપસ્સનાય મગ્ગપઞ્ઞાય પટિવિજ્ઝિત્વા પસ્સન્તિ. ઇમસ્મિં પનત્થે સમ્મસનપટિવેધપઞ્ઞાપિ ઉગ્ગહપરિપુચ્છાપઞ્ઞાપિ વટ્ટતિયેવાતિ.
46. Catutthe cetīsūti cetiraṭṭhe. Sayaṃjātiyanti evaṃnāmake nigame. Mahācundoti dhammasenāpatissa kaniṭṭhabhātiko. Dhamme yogo anuyogo etesanti dhammayogā. Dhammakathikānaṃ etaṃ nāmaṃ. Jhāyantīti jhāyī. Apasādentīti ghaṭṭenti hiṃsanti. Jhāyantīti cintenti. Pajjhāyantītiādīni upasaggavasena vaḍḍhitāni. Kimime jhāyantīti kiṃ nāma ime jhāyanti. Kintime jhāyantīti kimatthaṃ ime jhāyanti. Kathaṃ ime jhāyantīti kena kāraṇena ime jhāyanti. Amataṃ dhātuṃ kāyena phusitvā viharantīti maraṇavirahitaṃ nibbānadhātuṃ sandhāya kammaṭṭhānaṃ gahetvā viharantā anukkamena taṃ nāmakāyena phusitvā viharanti. Gambhīraṃ atthapadanti guḷhaṃ paṭicchannaṃ khandhadhātuāyatanādiatthaṃ. Paññāyaativijjha passantīti sahavipassanāya maggapaññāya paṭivijjhitvā passanti. Imasmiṃ panatthe sammasanapaṭivedhapaññāpi uggahaparipucchāpaññāpi vaṭṭatiyevāti.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૪. મહાચુન્દસુત્તં • 4. Mahācundasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૩-૬. ઇણસુત્તાદિવણ્ણના • 3-6. Iṇasuttādivaṇṇanā
