| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૨. નાગસેનપઞ્હો
2. Nāgasenapañho
૨. થેરો આહ ‘‘લોણં, મહારાજ, ચક્ખુવિઞ્ઞેય્ય’’ન્તિ. ‘‘આમ, ભન્તે, ચક્ખુવિઞ્ઞેય્ય’’ન્તિ. ‘‘સુટ્ઠુ ખો, મહારાજ, જાનાહી’’તિ. ‘‘કિં પન, ભન્તે, જિવ્હાવિઞ્ઞેય્ય’’ન્તિ? ‘‘આમ, મહારાજ, જિવ્હાવિઞ્ઞેય્ય’’ન્તિ. ‘‘કિં પન, ભન્તે, સબ્બં લોણં જિવ્હાય વિજાનાતી’’તિ? ‘‘આમ, મહારાજ, સબ્બં લોણં જિવ્હાય વિજાનાતિ’’.
2. Thero āha ‘‘loṇaṃ, mahārāja, cakkhuviññeyya’’nti. ‘‘Āma, bhante, cakkhuviññeyya’’nti. ‘‘Suṭṭhu kho, mahārāja, jānāhī’’ti. ‘‘Kiṃ pana, bhante, jivhāviññeyya’’nti? ‘‘Āma, mahārāja, jivhāviññeyya’’nti. ‘‘Kiṃ pana, bhante, sabbaṃ loṇaṃ jivhāya vijānātī’’ti? ‘‘Āma, mahārāja, sabbaṃ loṇaṃ jivhāya vijānāti’’.
‘‘યદિ, ભન્તે, સબ્બં લોણં જિવ્હાય વિજાનાતિ, કિસ્સ પન તં સકટેહિ બલીબદ્દા 1 આહરન્તિ, નનુ લોણમેવ આહરિતબ્બ’’ન્તિ? ‘‘ન સક્કા, મહારાજ, લોણમેવ આહરિતું એકતોભાવગતા એતે ધમ્મા ગોચરનાનત્તગતા લોણં ગરુભાવો ચાતિ. સક્કા પન, મહારાજ, લોણં તુલાય તુલયિતુ’’ન્તિ? ‘‘આમ, ભન્તે, સક્કા’’તિ. ‘‘ન સક્કા, મહારાજ, લોણં તુલાય તુલયિતું, ગરુભાવો તુલાય તુલિયતી’’તિ.
‘‘Yadi, bhante, sabbaṃ loṇaṃ jivhāya vijānāti, kissa pana taṃ sakaṭehi balībaddā 2 āharanti, nanu loṇameva āharitabba’’nti? ‘‘Na sakkā, mahārāja, loṇameva āharituṃ ekatobhāvagatā ete dhammā gocaranānattagatā loṇaṃ garubhāvo cāti. Sakkā pana, mahārāja, loṇaṃ tulāya tulayitu’’nti? ‘‘Āma, bhante, sakkā’’ti. ‘‘Na sakkā, mahārāja, loṇaṃ tulāya tulayituṃ, garubhāvo tulāya tuliyatī’’ti.
‘‘કલ્લોસિ, ભન્તે નાગસેના’’તિ.
‘‘Kallosi, bhante nāgasenā’’ti.
નાગસેનપઞ્હો દુતિયો.
Nāgasenapañho dutiyo.
Footnotes:
