Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā

    પારિસુદ્ધિદાનકથાવણ્ણના

    Pārisuddhidānakathāvaṇṇanā

    ૧૬૪. યેન કેનચિ અઙ્ગપચ્ચઙ્ગેન વિઞ્ઞાપેતીતિ મનસા ચિન્તેત્વા હત્થપ્પયોગાદિના યેન કેનચિ વિઞ્ઞાપેતિ. સઙ્ઘો નપ્પહોતીતિ દ્વિન્નં દ્વિન્નં અન્તરા હત્થપાસં અવિજહિત્વા પટિપાટિયા ઠાતું નપ્પહોતિ. ઇતરા પન બિળાલસઙ્ખલિકપારિસુદ્ધિ નામાતિ એત્થ કેચિ વદન્તિ ‘‘બિળાલસઙ્ખલિકા બદ્ધાવ હોતિ અન્તોગેહે એવ સમ્પયોજનત્તા, યથા સા ન કત્થચિ ગચ્છતિ, તથા સાપિ ન ગચ્છતીતિ અધિપ્પાયો. ઇતરથા વિસેસનં નિરત્થકં હોતી’’તિ. અપરે પન ‘‘યથા બહૂહિ મનુસ્સેહિ એકસ્સ બિળાલસ્સ અત્તનો અત્તનો સઙ્ખલિકા ગીવાય આબદ્ધા બિળાલે ગચ્છન્તે ગચ્છન્તિ આબદ્ધત્તા, ન અઞ્ઞસ્મિં બિળાલે ગચ્છન્તે ગચ્છન્તિ અનાબદ્ધત્તા, એવમેવસ્સ ભિક્ખુસ્સ બહૂહિ સઙ્ખલિકસદિસા છન્દપારિસુદ્ધિ દિન્ના, સા તસ્મિં ભિક્ખુસ્મિં ગચ્છન્તે ગચ્છતિ તસ્મિં સઙ્ખલિકા વિય આબદ્ધત્તા, ન અઞ્ઞસ્મિં અનાબદ્ધત્તા’’તિ વદન્તિ. સબ્બમ્પેતં ન સારતો પચ્ચેતબ્બં. અયં પનેત્થ સારો – યથા સઙ્ખલિકાય પઠમવલયં દુતિયંયેવ વલયં પાપુણાતિ, ન તતિયં, એવમયમ્પિ પારિસુદ્ધિદાયકેન યસ્સ દિન્ના, તતો અઞ્ઞત્થ ન ગચ્છતીતિ સઙ્ખલિકસદિસત્તા ‘‘બિળાલસઙ્ખલિકા’’તિ વુત્તા. બિળાલસઙ્ખલિકગહણઞ્ચેત્થ યાસં કાસઞ્ચિ સઙ્ખલિકાનં ઉપલક્ખણમત્તન્તિ દટ્ઠબ્બં.

    164.Yena kenaci aṅgapaccaṅgena viññāpetīti manasā cintetvā hatthappayogādinā yena kenaci viññāpeti. Saṅgho nappahotīti dvinnaṃ dvinnaṃ antarā hatthapāsaṃ avijahitvā paṭipāṭiyā ṭhātuṃ nappahoti. Itarā pana biḷālasaṅkhalikapārisuddhi nāmāti ettha keci vadanti ‘‘biḷālasaṅkhalikā baddhāva hoti antogehe eva sampayojanattā, yathā sā na katthaci gacchati, tathā sāpi na gacchatīti adhippāyo. Itarathā visesanaṃ niratthakaṃ hotī’’ti. Apare pana ‘‘yathā bahūhi manussehi ekassa biḷālassa attano attano saṅkhalikā gīvāya ābaddhā biḷāle gacchante gacchanti ābaddhattā, na aññasmiṃ biḷāle gacchante gacchanti anābaddhattā, evamevassa bhikkhussa bahūhi saṅkhalikasadisā chandapārisuddhi dinnā, sā tasmiṃ bhikkhusmiṃ gacchante gacchati tasmiṃ saṅkhalikā viya ābaddhattā, na aññasmiṃ anābaddhattā’’ti vadanti. Sabbampetaṃ na sārato paccetabbaṃ. Ayaṃ panettha sāro – yathā saṅkhalikāya paṭhamavalayaṃ dutiyaṃyeva valayaṃ pāpuṇāti, na tatiyaṃ, evamayampi pārisuddhidāyakena yassa dinnā, tato aññattha na gacchatīti saṅkhalikasadisattā ‘‘biḷālasaṅkhalikā’’ti vuttā. Biḷālasaṅkhalikagahaṇañcettha yāsaṃ kāsañci saṅkhalikānaṃ upalakkhaṇamattanti daṭṭhabbaṃ.







    Related texts:



    તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૮૭. પારિસુદ્ધિદાનકથા • 87. Pārisuddhidānakathā

    અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / પારિસુદ્ધિદાનકથા • Pārisuddhidānakathā

    ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / પારિસુદ્ધિદાનકથાવણ્ણના • Pārisuddhidānakathāvaṇṇanā

    ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / પક્ખગણનાદિઉગ્ગહણાનુજાનનકથાદિવણ્ણના • Pakkhagaṇanādiuggahaṇānujānanakathādivaṇṇanā

    ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૮૭. પારિસુદ્ધિદાનકથા • 87. Pārisuddhidānakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact