| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૭. પઠમસમયસુત્તવણ્ણના
7. Paṭhamasamayasuttavaṇṇanā
૨૭. સત્તમે વડ્ઢેતીતિ મનસો વિવટ્ટનિસ્સિતં વડ્ઢિં આવહતિ. મનોભાવનીયોતિ વા મનસા ભાવિતો સમ્ભાવિતો. યઞ્ચ આવજ્જતો મનસિ કરોતો ચિત્તં વિનીવરણં હોતિ. ઇમસ્મિં પક્ખે કમ્મસાધનો સમ્ભાવનત્થો ભાવનીય-સદ્દો. ‘‘થિનમિદ્ધવિનોદનકમ્મટ્ઠાન’’ન્તિ વત્વા તદેવ વિભાવેન્તો ‘‘આલોકસઞ્ઞં વા’’તિઆદિમાહ. વીરિયારમ્ભવત્થુઆદીનં વાતિ એત્થ આદિ-સદ્દેન ઇધ અવુત્તાનં અતિભોજને નિમિત્તગ્ગાહાદીનં સઙ્ગહો દટ્ઠબ્બો. વુત્તઞ્હેતં ‘‘છ ધમ્મા થિનમિદ્ધસ્સ પહાનાય સંવત્તન્તિ અતિભોજને નિમિત્તગ્ગાહો, ઇરિયાપથસમ્પરિવત્તનતા, આલોકસઞ્ઞામનસિકારો, અબ્ભોકાસવાસો, કલ્યાણમિત્તતા, સપ્પાયકથા’’તિ (ઇતિવુ॰ અટ્ઠ॰ ૧૧૧). અન્તરાયસદ્દપરિયાયો ઇધ અન્તરા-સદ્દોતિ આહ ‘‘અનન્તરાયેના’’તિ.
27. Sattame vaḍḍhetīti manaso vivaṭṭanissitaṃ vaḍḍhiṃ āvahati. Manobhāvanīyoti vā manasā bhāvito sambhāvito. Yañca āvajjato manasi karoto cittaṃ vinīvaraṇaṃ hoti. Imasmiṃ pakkhe kammasādhano sambhāvanattho bhāvanīya-saddo. ‘‘Thinamiddhavinodanakammaṭṭhāna’’nti vatvā tadeva vibhāvento ‘‘ālokasaññaṃ vā’’tiādimāha. Vīriyārambhavatthuādīnaṃ vāti ettha ādi-saddena idha avuttānaṃ atibhojane nimittaggāhādīnaṃ saṅgaho daṭṭhabbo. Vuttañhetaṃ ‘‘cha dhammā thinamiddhassa pahānāya saṃvattanti atibhojane nimittaggāho, iriyāpathasamparivattanatā, ālokasaññāmanasikāro, abbhokāsavāso, kalyāṇamittatā, sappāyakathā’’ti (itivu. aṭṭha. 111). Antarāyasaddapariyāyo idha antarā-saddoti āha ‘‘anantarāyenā’’ti.
પઠમસમયસુત્તવણ્ણના નિટ્ઠિતા.
Paṭhamasamayasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૭. પઠમસમયસુત્તં • 7. Paṭhamasamayasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૭. પઠમસમયસુત્તવણ્ણના • 7. Paṭhamasamayasuttavaṇṇanā
