Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
૫. પાટિદેસનીયકણ્ડં (ભિક્ખુનીવિભઙ્ગવણ્ણના)
5. Pāṭidesanīyakaṇḍaṃ (bhikkhunīvibhaṅgavaṇṇanā)
પાટિદેસનીયસિક્ખાપદવણ્ણના
Pāṭidesanīyasikkhāpadavaṇṇanā
૧૨૨૮. પાટિદેસનીયા નામ યે અટ્ઠ ધમ્મા સઙ્ખેપેનેવ સઙ્ગહં આરુળ્હાતિ સમ્બન્ધો. પાળિવિનિમુત્તકેસૂતિ પાળિયં અનાગતેસુ સપ્પિઆદીસુ.
1228. Pāṭidesanīyā nāma ye aṭṭha dhammā saṅkhepeneva saṅgahaṃ āruḷhāti sambandho. Pāḷivinimuttakesūti pāḷiyaṃ anāgatesu sappiādīsu.
પાટિદેસનીયસિક્ખાપદવણ્ણના નિટ્ઠિતા.
Pāṭidesanīyasikkhāpadavaṇṇanā niṭṭhitā.
પાટિદેસનીયકણ્ડં નિટ્ઠિતં.
Pāṭidesanīyakaṇḍaṃ niṭṭhitaṃ.
યે પન પઞ્ચસત્તતિ સેખિયા ધમ્મા ઉદ્દિટ્ઠા, યે ચ તેસં અનન્તરા સત્તાધિકરણવ્હયા ધમ્મા ઉદ્દિટ્ઠાતિ સમ્બન્ધો. તત્થ તેસન્તિ તેસં સેખિયાનં. સત્તાધિકરણવ્હયાતિ સત્તાધિકરણસમથસઙ્ખાતા. તં અત્થવિનિચ્છયં તાદિસંયેવ યસ્મા વિદૂ વદન્તીતિ અત્થો.
Ye pana pañcasattati sekhiyā dhammā uddiṭṭhā, ye ca tesaṃ anantarā sattādhikaraṇavhayā dhammā uddiṭṭhāti sambandho. Tattha tesanti tesaṃ sekhiyānaṃ. Sattādhikaraṇavhayāti sattādhikaraṇasamathasaṅkhātā. Taṃ atthavinicchayaṃ tādisaṃyeva yasmā vidū vadantīti attho.
યથા નિટ્ઠિતાતિ સમ્બન્ધો. સબ્બાસવપહં મગ્ગન્તિ સબ્બાસવવિઘાતકં અરહત્તમગ્ગં પત્વા સસન્તાને ઉપ્પાદેત્વા. પસ્સન્તુ નિબ્બુતિન્તિ મગ્ગઞાણલોચનેન નિબ્બાનં સચ્છિકરોન્તુ, પપ્પોન્તૂતિ વા પાઠો. તત્થ નિબ્બુતિન્તિ ખન્ધપરિનિબ્બાનં ગહેતબ્બં.
Yathā niṭṭhitāti sambandho. Sabbāsavapahaṃ magganti sabbāsavavighātakaṃ arahattamaggaṃ patvā sasantāne uppādetvā. Passantu nibbutinti maggañāṇalocanena nibbānaṃ sacchikarontu, pappontūti vā pāṭho. Tattha nibbutinti khandhaparinibbānaṃ gahetabbaṃ.
ઇતિ સમન્તપાસાદિકાય વિનયટ્ઠકથાય સારત્થદીપનિયં.
Iti samantapāsādikāya vinayaṭṭhakathāya sāratthadīpaniyaṃ.
ભિક્ખુનીવિભઙ્ગવણ્ણના નિટ્ઠિતા.
Bhikkhunīvibhaṅgavaṇṇanā niṭṭhitā.
ઉભતોવિભઙ્ગટ્ઠકથાવણ્ણના નિટ્ઠિતા.
Ubhatovibhaṅgaṭṭhakathāvaṇṇanā niṭṭhitā.
પાચિત્તિયવણ્ણના નિટ્ઠિતા.
Pācittiyavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ભિક્ખુનીવિભઙ્ગ • Bhikkhunīvibhaṅga / ૧. પઠમપાટિદેસનીયસિક્ખાપદં • 1. Paṭhamapāṭidesanīyasikkhāpadaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / ભિક્ખુનીવિભઙ્ગ-અટ્ઠકથા • Bhikkhunīvibhaṅga-aṭṭhakathā / પાટિદેસનીયસિક્ખાપદવણ્ણના • Pāṭidesanīyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / પાટિદેસનીયસિક્ખાપદવણ્ણના • Pāṭidesanīyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૫. પાટિદેસનીયસિક્ખાપદ-અત્થયોજના • 5. Pāṭidesanīyasikkhāpada-atthayojanā