Library / Tipiṭaka / તિપિટક • Tipiṭaka / પટ્ઠાનપાળિ • Paṭṭhānapāḷi |
૫. સંકિલિટ્ઠત્તિકં
5. Saṃkiliṭṭhattikaṃ
૧. પટિચ્ચવારો
1. Paṭiccavāro
૧. પચ્ચયાનુલોમં
1. Paccayānulomaṃ
૧. વિભઙ્ગવારો
1. Vibhaṅgavāro
હેતુપચ્ચયો
Hetupaccayo
૧. સંકિલિટ્ઠસંકિલેસિકં ધમ્મં પટિચ્ચ સંકિલિટ્ઠસંકિલેસિકો ધમ્મો ઉપ્પજ્જતિ હેતુપચ્ચયા – સંકિલિટ્ઠસંકિલેસિકં એકં ખન્ધં પટિચ્ચ તયો ખન્ધા…પે॰… દ્વે ખન્ધે પટિચ્ચ દ્વે ખન્ધા. (૧)
1. Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesikaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
સંકિલિટ્ઠસંકિલેસિકં ધમ્મં પટિચ્ચ અસંકિલિટ્ઠસંકિલેસિકો ધમ્મો ઉપ્પજ્જતિ હેતુપચ્ચયા – સંકિલિટ્ઠસંકિલેસિકે ખન્ધે પટિચ્ચ ચિત્તસમુટ્ઠાનં રૂપં. (૨)
Saṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesike khandhe paṭicca cittasamuṭṭhānaṃ rūpaṃ. (2)
સંકિલિટ્ઠસંકિલેસિકં ધમ્મં પટિચ્ચ સંકિલિટ્ઠસંકિલેસિકો ચ અસંકિલિટ્ઠસંકિલેસિકો ચ ધમ્મા ઉપ્પજ્જન્તિ હેતુપચ્ચયા – સંકિલિટ્ઠસંકિલેસિકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે॰… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)
Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko ca asaṃkiliṭṭhasaṃkilesiko ca dhammā uppajjanti hetupaccayā – saṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)
અસંકિલિટ્ઠસંકિલેસિકં ધમ્મં પટિચ્ચ અસંકિલિટ્ઠસંકિલેસિકો ધમ્મો ઉપ્પજ્જતિ હેતુપચ્ચયા – અસંકિલિટ્ઠસંકિલેસિકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે॰… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં ; પટિસન્ધિક્ખણે અસંકિલિટ્ઠસંકિલેસિકં એકં ખન્ધં પટિચ્ચ તયો ખન્ધા કટત્તા ચ રૂપં…પે॰… દ્વે ખન્ધે પટિચ્ચ દ્વે ખન્ધા કટત્તા ચ રૂપં; ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા…પે॰… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)
Asaṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ ; paṭisandhikkhaṇe asaṃkiliṭṭhasaṃkilesikaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe paṭicca dve khandhā kaṭattā ca rūpaṃ; khandhe paṭicca vatthu, vatthuṃ paṭicca khandhā; ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
૨. અસંકિલિટ્ઠઅસંકિલેસિકં ધમ્મં પટિચ્ચ અસંકિલિટ્ઠઅસંકિલેસિકો ધમ્મો ઉપ્પજ્જતિ હેતુપચ્ચયા – અસંકિલિટ્ઠઅસંકિલેસિકં એકં ખન્ધં પટિચ્ચ તયો ખન્ધા…પે॰… દ્વે ખન્ધે પટિચ્ચ દ્વે ખન્ધા. (૧)
2. Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhaasaṃkilesiko dhammo uppajjati hetupaccayā – asaṃkiliṭṭhaasaṃkilesikaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
અસંકિલિટ્ઠઅસંકિલેસિકં ધમ્મં પટિચ્ચ અસંકિલિટ્ઠસંકિલેસિકો ધમ્મો ઉપ્પજ્જતિ હેતુપચ્ચયા – અસંકિલિટ્ઠઅસંકિલેસિકે ખન્ધે પટિચ્ચ ચિત્તસમુટ્ઠાનં રૂપં. (૨)
Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhaasaṃkilesike khandhe paṭicca cittasamuṭṭhānaṃ rūpaṃ. (2)
અસંકિલિટ્ઠઅસંકિલેસિકં ધમ્મં પટિચ્ચ અસંકિલિટ્ઠસંકિલેસિકો ચ અસંકિલિટ્ઠઅસંકિલેસિકો ચ ધમ્મા ઉપ્પજ્જન્તિ હેતુપચ્ચયા – અસંકિલિટ્ઠઅસંકિલેસિકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે॰… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)
Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā uppajjanti hetupaccayā – asaṃkiliṭṭhaasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)
અસંકિલિટ્ઠસંકિલેસિકઞ્ચ અસંકિલિટ્ઠઅસંકિલેસિકઞ્ચ ધમ્મં પટિચ્ચ અસંકિલિટ્ઠસંકિલેસિકો ધમ્મો ઉપ્પજ્જતિ હેતુપચ્ચયા – અસંકિલિટ્ઠઅસંકિલેસિકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)
Asaṃkiliṭṭhasaṃkilesikañca asaṃkiliṭṭhaasaṃkilesikañca dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhaasaṃkilesike khandhe ca mahābhūte ca paṭicca cittasamuṭṭhānaṃ rūpaṃ. (1)
સંકિલિટ્ઠસંકિલેસિકઞ્ચ અસંકિલિટ્ઠસંકિલેસિકઞ્ચ ધમ્મં પટિચ્ચ અસંકિલિટ્ઠસંકિલેસિકો ધમ્મો ઉપ્પજ્જતિ હેતુપચ્ચયા – સંકિલિટ્ઠસંકિલેસિકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં (સંખિત્તં). (૧)
Saṃkiliṭṭhasaṃkilesikañca asaṃkiliṭṭhasaṃkilesikañca dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesike khandhe ca mahābhūte ca paṭicca cittasamuṭṭhānaṃ rūpaṃ (saṃkhittaṃ). (1)
૧. પચ્ચયાનુલોમં
1. Paccayānulomaṃ
૨. સઙ્ખ્યાવારો
2. Saṅkhyāvāro
૩. હેતુયા નવ, આરમ્મણે તીણિ, અધિપતિયા નવ, અનન્તરે તીણિ, સમનન્તરે તીણિ, સહજાતે નવ, અઞ્ઞમઞ્ઞે તીણિ, નિસ્સયે નવ, ઉપનિસ્સયે તીણિ, પુરેજાતે તીણિ, આસેવને તીણિ, કમ્મે નવ, વિપાકે પઞ્ચ, આહારે નવ…પે॰… મગ્ગે નવ, સમ્પયુત્તે તીણિ, વિપ્પયુત્તે નવ…પે॰… અવિગતે નવ (સંખિત્તં.)
3. Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane tīṇi, kamme nava, vipāke pañca, āhāre nava…pe… magge nava, sampayutte tīṇi, vippayutte nava…pe… avigate nava (saṃkhittaṃ.)
(યથા કુસલત્તિકે વિભત્તં, એવં વિભજિતબ્બં.)
(Yathā kusalattike vibhattaṃ, evaṃ vibhajitabbaṃ.)
૨. પચ્ચયપચ્ચનીયં
2. Paccayapaccanīyaṃ
નહેતુપચ્ચયો
Nahetupaccayo
૪. સંકિલિટ્ઠસંકિલેસિકં ધમ્મં પટિચ્ચ સંકિલિટ્ઠસંકિલેસિકો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)
4. Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
અસંકિલિટ્ઠસંકિલેસિકં ધમ્મં પટિચ્ચ અસંકિલિટ્ઠસંકિલેસિકો ધમ્મો ઉપ્પજ્જતિ નહેતુપચ્ચયા – અહેતુકં અસંકિલિટ્ઠસંકિલેસિકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે॰… અહેતુકપટિસન્ધિક્ખણે…પે॰… અસઞ્ઞસત્તાનં એકં મહાભૂતં. (સંખિત્તં.) (૧)
Asaṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati nahetupaccayā – ahetukaṃ asaṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… ahetukapaṭisandhikkhaṇe…pe… asaññasattānaṃ ekaṃ mahābhūtaṃ. (Saṃkhittaṃ.) (1)
(યથા કુસલત્તિકે વિભત્તં, એવં વિભજિતબ્બં.)
(Yathā kusalattike vibhattaṃ, evaṃ vibhajitabbaṃ.)
સુદ્ધં
Suddhaṃ
૫. નહેતુયા દ્વે, નઆરમ્મણે પઞ્ચ, નઅધિપતિયા છ, નઅનન્તરે પઞ્ચ…પે॰… નઉપનિસ્સયે પઞ્ચ, નપુરેજાતે સત્ત, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નઆહારે એકં…પે॰… નમગ્ગે એકં, નસમ્પયુત્તે પઞ્ચ, નવિપ્પયુત્તે તીણિ, નોનત્થિયા પઞ્ચ, નોવિગતે પઞ્ચ. (સંખિત્તં.)
5. Nahetuyā dve, naārammaṇe pañca, naadhipatiyā cha, naanantare pañca…pe… naupanissaye pañca, napurejāte satta, napacchājāte nava, naāsevane nava, nakamme tīṇi, navipāke nava, naāhāre ekaṃ…pe… namagge ekaṃ, nasampayutte pañca, navippayutte tīṇi, nonatthiyā pañca, novigate pañca. (Saṃkhittaṃ.)
૩. પચ્ચયાનુલોમપચ્ચનીયં
3. Paccayānulomapaccanīyaṃ
હેતુદુકં
Hetudukaṃ
૬. હેતુપચ્ચયા નઆરમ્મણે પઞ્ચ, નઅધિપતિયા છ…પે॰… નપુરેજાતે સત્ત, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નસમ્પયુત્તે પઞ્ચ, નવિપ્પયુત્તે તીણિ, નોનત્થિયા પઞ્ચ, નોવિગતે પઞ્ચ. (સંખિત્તં.)
6. Hetupaccayā naārammaṇe pañca, naadhipatiyā cha…pe… napurejāte satta, napacchājāte nava, naāsevane nava, nakamme tīṇi, navipāke nava, nasampayutte pañca, navippayutte tīṇi, nonatthiyā pañca, novigate pañca. (Saṃkhittaṃ.)
૪. પચ્ચયપચ્ચનીયાનુલોમં
4. Paccayapaccanīyānulomaṃ
નહેતુદુકં
Nahetudukaṃ
૭. નહેતુપચ્ચયા આરમ્મણે દ્વે…પે॰… વિપાકે એકં…પે॰… મગ્ગે એકં…પે॰… અવિગતે દ્વે. (સંખિત્તં.)
7. Nahetupaccayā ārammaṇe dve…pe… vipāke ekaṃ…pe… magge ekaṃ…pe… avigate dve. (Saṃkhittaṃ.)
પટિચ્ચવારો.
Paṭiccavāro.
૨-૬ સહજાત-પચ્ચય-નિસ્સય-સંસટ્ઠ-સમ્પયુત્તવારો
2-6 Sahajāta-paccaya-nissaya-saṃsaṭṭha-sampayuttavāro
(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ વિત્થારેતબ્બો.)
(Sahajātavāropi paccayavāropi nissayavāropi saṃsaṭṭhavāropi sampayuttavāropi vitthāretabbo.)
૭. પઞ્હાવારો
7. Pañhāvāro
૧. પચ્ચયાનુલોમં
1. Paccayānulomaṃ
૧. વિભઙ્ગવારો
1. Vibhaṅgavāro
હેતુપચ્ચયો
Hetupaccayo
૮. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ હેતુપચ્ચયેન પચ્ચયો – સંકિલિટ્ઠસંકિલેસિકા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)
8. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa hetupaccayena paccayo – saṃkiliṭṭhasaṃkilesikā hetū sampayuttakānaṃ khandhānaṃ hetupaccayena paccayo. (1)
સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ હેતુપચ્ચયેન પચ્ચયો – સંકિલિટ્ઠસંકિલેસિકા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (૨)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – saṃkiliṭṭhasaṃkilesikā hetū cittasamuṭṭhānānaṃ rūpānaṃ hetupaccayena paccayo. (2)
સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ચ અસંકિલિટ્ઠસંકિલેસિકસ્સ ચ ધમ્મસ્સ હેતુપચ્ચયેન પચ્ચયો – સંકિલિટ્ઠસંકિલેસિકા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa hetupaccayena paccayo – saṃkiliṭṭhasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ હેતુપચ્ચયેન પચ્ચયો – અસંકિલિટ્ઠસંકિલેસિકા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે અસંકિલિટ્ઠસંકિલેસિકા હેતૂ સમ્પયુત્તકાનં ખન્ધાનં કટત્તા ચ રૂપાનં હેતુપચ્ચયેન પચ્ચયો. (૧)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – asaṃkiliṭṭhasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe asaṃkiliṭṭhasaṃkilesikā hetū sampayuttakānaṃ khandhānaṃ kaṭattā ca rūpānaṃ hetupaccayena paccayo. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ હેતુપચ્ચયેન પચ્ચયો – અસંકિલિટ્ઠઅસંકિલેસિકા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa hetupaccayena paccayo – asaṃkiliṭṭhaasaṃkilesikā hetū sampayuttakānaṃ khandhānaṃ hetupaccayena paccayo. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ હેતુપચ્ચયેન પચ્ચયો – અસંકિલિટ્ઠઅસંકિલેસિકા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (૨)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – asaṃkiliṭṭhaasaṃkilesikā hetū cittasamuṭṭhānānaṃ rūpānaṃ hetupaccayena paccayo. (2)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ચ અસંકિલિટ્ઠઅસંકિલેસિકસ્સ ચ ધમ્મસ્સ હેતુપચ્ચયેન પચ્ચયો – અસંકિલિટ્ઠઅસંકિલેસિકા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa hetupaccayena paccayo – asaṃkiliṭṭhaasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
આરમ્મણપચ્ચયો
Ārammaṇapaccayo
૯. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – રાગં અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, ઉદ્ધચ્ચં ઉપ્પજ્જતિ, દોમનસ્સં ઉપ્પજ્જતિ . દિટ્ઠિં અસ્સાદેતિ…પે॰… વિચિકિચ્છં આરબ્ભ…પે॰… ઉદ્ધચ્ચં આરબ્ભ…પે॰… દોમનસ્સં આરબ્ભ…પે॰…. (૧)
9. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo – rāgaṃ assādeti abhinandati, taṃ ārabbha rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, domanassaṃ uppajjati . Diṭṭhiṃ assādeti…pe… vicikicchaṃ ārabbha…pe… uddhaccaṃ ārabbha…pe… domanassaṃ ārabbha…pe…. (1)
(યથા કુસલત્તિકે વિભત્તં, એવં વિભજિતબ્બં.)
(Yathā kusalattike vibhattaṃ, evaṃ vibhajitabbaṃ.)
સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – અરિયા પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ, સંકિલિટ્ઠસંકિલેસિકે ખન્ધે અનિચ્ચતો દુક્ખતો અનત્તતો વિપસ્સન્તિ, ચેતોપરિયઞાણેન સંકિલિટ્ઠસંકિલેસિકચિત્તસમઙ્ગિસ્સ ચિત્તં જાનન્તિ; સેક્ખા વા પુથુજ્જના વા સંકિલિટ્ઠસંકિલેસિકે ખન્ધે અનિચ્ચતો દુક્ખતો અનત્તતો વિપસ્સન્તિ, કુસલે નિરુદ્ધે વિપાકો તદારમ્મણતા ઉપ્પજ્જતિ; સંકિલિટ્ઠસંકિલેસિકે ખન્ધે અસ્સાદેન્તિ અભિનન્દન્તિ…પે॰… દોમનસ્સં ઉપ્પજ્જતિ, અકુસલે નિરુદ્ધે વિપાકો તદારમ્મણતા ઉપ્પજ્જતિ. સંકિલિટ્ઠસંકિલેસિકા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – ariyā pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti, saṃkiliṭṭhasaṃkilesike khandhe aniccato dukkhato anattato vipassanti, cetopariyañāṇena saṃkiliṭṭhasaṃkilesikacittasamaṅgissa cittaṃ jānanti; sekkhā vā puthujjanā vā saṃkiliṭṭhasaṃkilesike khandhe aniccato dukkhato anattato vipassanti, kusale niruddhe vipāko tadārammaṇatā uppajjati; saṃkiliṭṭhasaṃkilesike khandhe assādenti abhinandanti…pe… domanassaṃ uppajjati, akusale niruddhe vipāko tadārammaṇatā uppajjati. Saṃkiliṭṭhasaṃkilesikā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)
૧૦. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા, સીલં સમાદિયિત્વા , ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ; ઝાના વુટ્ઠહિત્વા ઝાનં પચ્ચવેક્ખતિ, અરિયા ગોત્રભું પચ્ચવેક્ખન્તિ, વોદાનં પચ્ચવેક્ખન્તિ, ચક્ખું અનિચ્ચતો દુક્ખતો અનત્તતો વિપસ્સન્તિ ; સોતં… ઘાનં… જિવ્હં… કાયં… રૂપે… સદ્દે… ગન્ધે… રસે… ફોટ્ઠબ્બે… વત્થું અસંકિલિટ્ઠસંકિલેસિકે ખન્ધે અનિચ્ચતો દુક્ખતો અનત્તતો વિપસ્સન્તિ; દિબ્બેન ચક્ખુના રૂપં પસ્સન્તિ, દિબ્બાય સોતધાતુયા સદ્દં સુણન્તિ, ચેતોપરિયઞાણેન અસંકિલિટ્ઠસંકિલેસિકચિત્તસમઙ્ગિસ્સ ચિત્તં જાનન્તિ. આકાસાનઞ્ચાયતનં વિઞ્ઞાણઞ્ચાયતનસ્સ…પે॰… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ આરમ્મણપચ્ચયેન પચ્ચયો. રૂપાયતનં ચક્ખુવિઞ્ઞાણસ્સ આરમ્મણપચ્ચયેન પચ્ચયો…પે॰… ફોટ્ઠબ્બાયતનં કાયવિઞ્ઞાણસ્સ આરમ્મણપચ્ચયેન પચ્ચયો. અસંકિલિટ્ઠસંકિલેસિકા ખન્ધા ઇદ્ધિવિધઞાણસ્સ, ચેતોપરિયઞાણસ્સ , પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)
10. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – dānaṃ datvā, sīlaṃ samādiyitvā , uposathakammaṃ katvā taṃ paccavekkhati, pubbe suciṇṇāni paccavekkhati; jhānā vuṭṭhahitvā jhānaṃ paccavekkhati, ariyā gotrabhuṃ paccavekkhanti, vodānaṃ paccavekkhanti, cakkhuṃ aniccato dukkhato anattato vipassanti ; sotaṃ… ghānaṃ… jivhaṃ… kāyaṃ… rūpe… sadde… gandhe… rase… phoṭṭhabbe… vatthuṃ asaṃkiliṭṭhasaṃkilesike khandhe aniccato dukkhato anattato vipassanti; dibbena cakkhunā rūpaṃ passanti, dibbāya sotadhātuyā saddaṃ suṇanti, cetopariyañāṇena asaṃkiliṭṭhasaṃkilesikacittasamaṅgissa cittaṃ jānanti. Ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Rūpāyatanaṃ cakkhuviññāṇassa ārammaṇapaccayena paccayo…pe… phoṭṭhabbāyatanaṃ kāyaviññāṇassa ārammaṇapaccayena paccayo. Asaṃkiliṭṭhasaṃkilesikā khandhā iddhividhañāṇassa, cetopariyañāṇassa , pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા, સીલં સમાદિયિત્વા, ઉપોસથકમ્મં કત્વા તં અસ્સાદેતિ અભિનન્દતિ; તં આરબ્ભ રાગો ઉપ્પજ્જતિ, દિટ્ઠિ ઉપ્પજ્જતિ…પે॰… દોમનસ્સં ઉપ્પજ્જતિ; પુબ્બે સુચિણ્ણાનિ અસ્સાદેતિ…પે॰… ઝાના વુટ્ઠહિત્વા ઝાનં અસ્સાદેતિ…પે॰… ચક્ખું અસ્સાદેતિ . ફોટ્ઠબ્બે… વત્થું… અસંકિલિટ્ઠસંકિલેસિકે ખન્ધે અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ… દોમનસ્સં ઉપ્પજ્જતિ. (૨)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo – dānaṃ datvā, sīlaṃ samādiyitvā, uposathakammaṃ katvā taṃ assādeti abhinandati; taṃ ārabbha rāgo uppajjati, diṭṭhi uppajjati…pe… domanassaṃ uppajjati; pubbe suciṇṇāni assādeti…pe… jhānā vuṭṭhahitvā jhānaṃ assādeti…pe… cakkhuṃ assādeti . Phoṭṭhabbe… vatthuṃ… asaṃkiliṭṭhasaṃkilesike khandhe assādeti abhinandati, taṃ ārabbha rāgo uppajjati… domanassaṃ uppajjati. (2)
અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – નિબ્બાનં મગ્ગસ્સ, ફલસ્સ આરમ્મણપચ્ચયેન પચ્ચયો. (૧)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa ārammaṇapaccayena paccayo – nibbānaṃ maggassa, phalassa ārammaṇapaccayena paccayo. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, નિબ્બાનં પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, આવજ્જનાય આરમ્મણપચ્ચયેન પચ્ચયો. અરિયા ચેતોપરિયઞાણેન અસંકિલિટ્ઠઅસંકિલેસિકચિત્તસમઙ્ગિસ્સ ચિત્તં જાનન્તિ. અસંકિલિટ્ઠઅસંકિલેસિકા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti. Nibbānaṃ gotrabhussa, vodānassa, āvajjanāya ārammaṇapaccayena paccayo. Ariyā cetopariyañāṇena asaṃkiliṭṭhaasaṃkilesikacittasamaṅgissa cittaṃ jānanti. Asaṃkiliṭṭhaasaṃkilesikā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (2)
અધિપતિપચ્ચયો
Adhipatipaccayo
૧૧. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – રાગં ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ; દિટ્ઠિં ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – સંકિલિટ્ઠસંકિલેસિકાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)
11. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – rāgaṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati; diṭṭhiṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – saṃkiliṭṭhasaṃkilesikādhipati sampayuttakānaṃ khandhānaṃ adhipatipaccayena paccayo. (1)
સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સંકિલિટ્ઠસંકિલેસિકાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo. Sahajātādhipati – saṃkiliṭṭhasaṃkilesikādhipati cittasamuṭṭhānānaṃ rūpānaṃ adhipatipaccayena paccayo. (2)
સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ચ અસંકિલિટ્ઠસંકિલેસિકસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સંકિલિટ્ઠસંકિલેસિકાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa adhipatipaccayena paccayo. Sahajātādhipati – saṃkiliṭṭhasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)
૧૨. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા, સીલં સમાદિયિત્વા, ઉપોસથકમ્મં કત્વા તં ગરું કત્વા પચ્ચવેક્ખતિ, પુબ્બે સુચિણ્ણાનિ ગરું કત્વા પચ્ચવેક્ખતિ, ઝાના વુટ્ઠહિત્વા ઝાનં ગરું કત્વા પચ્ચવેક્ખતિ, સેક્ખા ગોત્રભું ગરું કત્વા પચ્ચવેક્ખન્તિ, વોદાનં ગરું કત્વા પચ્ચવેક્ખન્તિ. સહજાતાધિપતિ – અસંકિલિટ્ઠસંકિલેસિકાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)
12. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā, sīlaṃ samādiyitvā, uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, jhānā vuṭṭhahitvā jhānaṃ garuṃ katvā paccavekkhati, sekkhā gotrabhuṃ garuṃ katvā paccavekkhanti, vodānaṃ garuṃ katvā paccavekkhanti. Sahajātādhipati – asaṃkiliṭṭhasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – દાનં દત્વા, સીલં સમાદિયિત્વા, ઉપોસથકમ્મં કત્વા તં ગરું કત્વા અસ્સાદેતિ અભિનન્દતિ , તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ, પુબ્બે સુચિણ્ણાનિ ગરું કત્વા અસ્સાદેતિ અભિનન્દતિ…પે॰… ઝાના વુટ્ઠહિત્વા ઝાનં ગરું કત્વા અસ્સાદેતિ અભિનન્દતિ…પે॰… ચક્ખું ગરું કત્વા અસ્સાદેતિ અભિનન્દતિ…પે॰… ફોટ્ઠબ્બે…પે॰… વત્થું અસંકિલિટ્ઠસંકિલેસિકે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૨)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa adhipatipaccayena paccayo. Ārammaṇādhipati – dānaṃ datvā, sīlaṃ samādiyitvā, uposathakammaṃ katvā taṃ garuṃ katvā assādeti abhinandati , taṃ garuṃ katvā rāgo uppajjati, diṭṭhi uppajjati, pubbe suciṇṇāni garuṃ katvā assādeti abhinandati…pe… jhānā vuṭṭhahitvā jhānaṃ garuṃ katvā assādeti abhinandati…pe… cakkhuṃ garuṃ katvā assādeti abhinandati…pe… phoṭṭhabbe…pe… vatthuṃ asaṃkiliṭṭhasaṃkilesike khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (2)
અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – નિબ્બાનં મગ્ગસ્સ, ફલસ્સ અધિપતિપચ્ચયેન પચ્ચયો. સહજાતાધિપતિ – અસંકિલિટ્ઠઅસંકિલેસિકાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – nibbānaṃ maggassa, phalassa adhipatipaccayena paccayo. Sahajātādhipati – asaṃkiliṭṭhaasaṃkilesikādhipati sampayuttakānaṃ khandhānaṃ adhipatipaccayena paccayo. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ, ફલં ગરું કત્વા પચ્ચવેક્ખન્તિ, નિબ્બાનં ગરું કત્વા પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ અધિપતિપચ્ચયેન પચ્ચયો. સહજાતાધિપતિ – અસંકિલિટ્ઠઅસંકિલેસિકાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, phalaṃ garuṃ katvā paccavekkhanti, nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo. Sahajātādhipati – asaṃkiliṭṭhaasaṃkilesikādhipati cittasamuṭṭhānānaṃ rūpānaṃ adhipatipaccayena paccayo. (2)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ચ અસંકિલિટ્ઠઅસંકિલેસિકસ્સ ચ ધમ્મસ્સ અધિપતિપચ્ચયેન પચ્ચયો . સહજાતાધિપતિ – અસંકિલિટ્ઠઅસંકિલેસિકાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa adhipatipaccayena paccayo . Sahajātādhipati – asaṃkiliṭṭhaasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)
અનન્તરપચ્ચયો
Anantarapaccayo
૧૩. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સંકિલિટ્ઠસંકિલેસિકા ખન્ધા પચ્છિમાનં પચ્છિમાનં સંકિલિટ્ઠસંકિલેસિકાનં ખન્ધાનં અનન્તરપચ્ચયેન પચ્ચયો. (૧)
13. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa anantarapaccayena paccayo – purimā purimā saṃkiliṭṭhasaṃkilesikā khandhā pacchimānaṃ pacchimānaṃ saṃkiliṭṭhasaṃkilesikānaṃ khandhānaṃ anantarapaccayena paccayo. (1)
સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અનન્તરપચ્ચયેન પચ્ચયો – સંકિલિટ્ઠસંકિલેસિકા ખન્ધા વુટ્ઠાનસ્સ અનન્તરપચ્ચયેન પચ્ચયો. (૨)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – saṃkiliṭṭhasaṃkilesikā khandhā vuṭṭhānassa anantarapaccayena paccayo. (2)
અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અસંકિલિટ્ઠસંકિલેસિકા ખન્ધા પચ્છિમાનં પચ્છિમાનં અસંકિલિટ્ઠસંકિલેસિકાનં ખન્ધાનં અનન્તરપચ્ચયેન પચ્ચયો. અનુલોમં ગોત્રભુસ્સ… અનુલોમં વોદાનસ્સ… આવજ્જના અસંકિલિટ્ઠસંકિલેસિકાનં ખન્ધાનં અનન્તરપચ્ચયેન પચ્ચયો. (૧)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – purimā purimā asaṃkiliṭṭhasaṃkilesikā khandhā pacchimānaṃ pacchimānaṃ asaṃkiliṭṭhasaṃkilesikānaṃ khandhānaṃ anantarapaccayena paccayo. Anulomaṃ gotrabhussa… anulomaṃ vodānassa… āvajjanā asaṃkiliṭṭhasaṃkilesikānaṃ khandhānaṃ anantarapaccayena paccayo. (1)
અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અનન્તરપચ્ચયેન પચ્ચયો – આવજ્જના સંકિલિટ્ઠસંકિલેસિકાનં ખન્ધાનં અનન્તરપચ્ચયેન પચ્ચયો. (૨)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa anantarapaccayena paccayo – āvajjanā saṃkiliṭṭhasaṃkilesikānaṃ khandhānaṃ anantarapaccayena paccayo. (2)
અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ અનન્તરપચ્ચયેન પચ્ચયો – ગોત્રભુ મગ્ગસ્સ… વોદાનં મગ્ગસ્સ … અનુલોમં ફલસમાપત્તિયા… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૩)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa anantarapaccayena paccayo – gotrabhu maggassa… vodānaṃ maggassa … anulomaṃ phalasamāpattiyā… nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (3)
અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અસંકિલિટ્ઠઅસંકિલેસિકા ખન્ધા પચ્છિમાનં પચ્છિમાનં અસંકિલિટ્ઠઅસંકિલેસિકાનં ખન્ધાનં અનન્તરપચ્ચયેન પચ્ચયો. મગ્ગો ફલસ્સ… ફલં ફલસ્સ અનન્તરપચ્ચયેન પચ્ચયો. (૧)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa anantarapaccayena paccayo – purimā purimā asaṃkiliṭṭhaasaṃkilesikā khandhā pacchimānaṃ pacchimānaṃ asaṃkiliṭṭhaasaṃkilesikānaṃ khandhānaṃ anantarapaccayena paccayo. Maggo phalassa… phalaṃ phalassa anantarapaccayena paccayo. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અનન્તરપચ્ચયેન પચ્ચયો – ફલં વુટ્ઠાનસ્સ અનન્તરપચ્ચયેન પચ્ચયો. (૨)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – phalaṃ vuṭṭhānassa anantarapaccayena paccayo. (2)
સમનન્તરપચ્ચયાદિ
Samanantarapaccayādi
૧૪. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ સમનન્તરપચ્ચયેન પચ્ચયો…પે॰… સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો… ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો …પે॰…. પકતૂપનિસ્સયો – રાગં ઉપનિસ્સાય પાણં હનતિ…પે॰… સઙ્ઘં ભિન્દતિ…પે॰… દોસં ઉપનિસ્સાય પાણં હનતિ…પે॰… સઙ્ઘં ભિન્દતિ. રાગો…પે॰… પત્થના રાગસ્સ…પે॰… પત્થનાય ઉપનિસ્સયપચ્ચયેન પચ્ચયો. પાણાતિપાતો પાણાતિપાતસ્સ ઉપનિસ્સયપચ્ચયેન પચ્ચયો…પે॰… નિયતમિચ્છાદિટ્ઠિ નિયતમિચ્છાદિટ્ઠિયા ઉપનિસ્સયપચ્ચયેન પચ્ચયો…પે॰…. (૧)
14. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa samanantarapaccayena paccayo…pe… sahajātapaccayena paccayo… aññamaññapaccayena paccayo… nissayapaccayena paccayo… upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – rāgaṃ upanissāya pāṇaṃ hanati…pe… saṅghaṃ bhindati…pe… dosaṃ upanissāya pāṇaṃ hanati…pe… saṅghaṃ bhindati. Rāgo…pe… patthanā rāgassa…pe… patthanāya upanissayapaccayena paccayo. Pāṇātipāto pāṇātipātassa upanissayapaccayena paccayo…pe… niyatamicchādiṭṭhi niyatamicchādiṭṭhiyā upanissayapaccayena paccayo…pe…. (1)
સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે॰…. પકતૂપનિસ્સયો – રાગં ઉપનિસ્સાય દાનં દેતિ, સીલં સમાદિયતિ, ઉપોસથકમ્મં કરોતિ, ઝાનં… વિપસ્સનં… અભિઞ્ઞં ઉપ્પાદેતિ, સમાપત્તિં ઉપ્પાદેતિ…પે॰… પત્થનં ઉપનિસ્સાય દાનં દેતિ…પે॰… સમાપત્તિં ઉપ્પાદેતિ. રાગો…પે॰… પત્થના સદ્ધાય…પે॰… કાયિકસ્સ સુખસ્સ, કાયિકસ્સ દુક્ખસ્સ ઉપનિસ્સયપચ્ચયેન પચ્ચયો. પાણં હન્ત્વા તસ્સ પટિઘાતત્થાય દાનં દેતિ, સીલં સમાદિયતિ, ઉપોસથકમ્મં કરોતિ, ઝાનં ઉપ્પાદેતિ, વિપસ્સનં ઉપ્પાદેતિ, અભિઞ્ઞં ઉપ્પાદેતિ, સમાપત્તિં ઉપ્પાદેતિ…પે॰… સઙ્ઘં ભિન્દિત્વા તસ્સ પટિઘાતત્થાય દાનં દેતિ, સીલં સમાદિયતિ, ઉપોસથકમ્મં કરોતિ. અકુસલં કમ્મં વિપાકસ્સ ઉપનિસ્સયપચ્ચયેન પચ્ચયો. (૨)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – rāgaṃ upanissāya dānaṃ deti, sīlaṃ samādiyati, uposathakammaṃ karoti, jhānaṃ… vipassanaṃ… abhiññaṃ uppādeti, samāpattiṃ uppādeti…pe… patthanaṃ upanissāya dānaṃ deti…pe… samāpattiṃ uppādeti. Rāgo…pe… patthanā saddhāya…pe… kāyikassa sukhassa, kāyikassa dukkhassa upanissayapaccayena paccayo. Pāṇaṃ hantvā tassa paṭighātatthāya dānaṃ deti, sīlaṃ samādiyati, uposathakammaṃ karoti, jhānaṃ uppādeti, vipassanaṃ uppādeti, abhiññaṃ uppādeti, samāpattiṃ uppādeti…pe… saṅghaṃ bhinditvā tassa paṭighātatthāya dānaṃ deti, sīlaṃ samādiyati, uposathakammaṃ karoti. Akusalaṃ kammaṃ vipākassa upanissayapaccayena paccayo. (2)
સંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો. પકતૂપનિસ્સયો – રાગં ઉપનિસ્સાય મગ્ગં ઉપ્પાદેતિ, ફલસમાપત્તિં સમાપજ્જતિ. દોસં…પે॰… પત્થનં ઉપનિસ્સાય મગ્ગં ઉપ્પાદેતિ, ફલસમાપત્તિં સમાપજ્જતિ. રાગો…પે॰… પત્થના મગ્ગસ્સ… ફલસમાપત્તિયા ઉપનિસ્સયપચ્ચયેન પચ્ચયો. (૩)
Saṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo. Pakatūpanissayo – rāgaṃ upanissāya maggaṃ uppādeti, phalasamāpattiṃ samāpajjati. Dosaṃ…pe… patthanaṃ upanissāya maggaṃ uppādeti, phalasamāpattiṃ samāpajjati. Rāgo…pe… patthanā maggassa… phalasamāpattiyā upanissayapaccayena paccayo. (3)
૧૫. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે॰…. પકતૂપનિસ્સયો – સદ્ધં ઉપનિસ્સાય દાનં દેતિ…પે॰… સમાપત્તિં ઉપ્પાદેતિ. સીલં… સુતં… ચાગં… પઞ્ઞં… કાયિકં સુખં… કાયિકં દુક્ખં… ઉતું… ભોજનં… સેનાસનં ઉપનિસ્સાય દાનં દેતિ…પે॰… સમાપત્તિં ઉપ્પાદેતિ. સદ્ધા…પે॰… સેનાસનં સદ્ધાય…પે॰… કાયિકસ્સ સુખસ્સ, કાયિકસ્સ દુક્ખસ્સ ઉપનિસ્સયપચ્ચયેન પચ્ચયો. કુસલં કમ્મં વિપાકસ્સ ઉપનિસ્સયપચ્ચયેન પચ્ચયો . પઠમસ્સ ઝાનસ્સ પરિકમ્મં પઠમસ્સ ઝાનસ્સ…પે॰… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે॰…. (૧)
15. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti. Sīlaṃ… sutaṃ… cāgaṃ… paññaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti. Saddhā…pe… senāsanaṃ saddhāya…pe… kāyikassa sukhassa, kāyikassa dukkhassa upanissayapaccayena paccayo. Kusalaṃ kammaṃ vipākassa upanissayapaccayena paccayo . Paṭhamassa jhānassa parikammaṃ paṭhamassa jhānassa…pe… ākiñcaññāyatanaṃ nevasaññānāsaññāyatanassa…pe…. (1)
અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે॰…. પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ; સીલં…પે॰… સેનાસનં ઉપનિસ્સાય પાણં હનતિ…પે॰… સઙ્ઘં ભિન્દતિ, સદ્ધા…પે॰… સેનાસનં રાગસ્સ…પે॰… પત્થનાય ઉપનિસ્સયપચ્ચયેન પચ્ચયો. (૨)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya pāṇaṃ hanati…pe… saṅghaṃ bhindati, saddhā…pe… senāsanaṃ rāgassa…pe… patthanāya upanissayapaccayena paccayo. (2)
અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે॰…. પકતૂપનિસ્સયો – પઠમસ્સ મગ્ગસ્સ પરિકમ્મં પઠમસ્સ મગ્ગસ્સ…પે॰… દુતિયસ્સ મગ્ગસ્સ…પે॰… તતિયસ્સ મગ્ગસ્સ…પે॰… ચતુત્થસ્સ મગ્ગસ્સ ઉપનિસ્સયપચ્ચયેન પચ્ચયો. (૩)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa…pe… dutiyassa maggassa…pe… tatiyassa maggassa…pe… catutthassa maggassa upanissayapaccayena paccayo. (3)
૧૬. અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે॰…. પકતૂપનિસ્સયો – પઠમો મગ્ગો દુતિયસ્સ મગ્ગસ્સ…પે॰… દુતિયો મગ્ગો તતિયસ્સ મગ્ગસ્સ…પે॰… તતિયો મગ્ગો ચતુત્થસ્સ મગ્ગસ્સ…પે॰… મગ્ગો ફલસમાપત્તિયા ઉપનિસ્સયપચ્ચયેન પચ્ચયો. (૧)
16. Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa…pe… dutiyo maggo tatiyassa maggassa…pe… tatiyo maggo catutthassa maggassa…pe… maggo phalasamāpattiyā upanissayapaccayena paccayo. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે॰…. પકતૂપનિસ્સયો – અરિયા મગ્ગં ઉપનિસ્સાય અનુપ્પન્નં સમાપત્તિં ઉપ્પાદેન્તિ, ઉપ્પન્નં સમાપત્તિં સમાપજ્જન્તિ, સઙ્ખારે અનિચ્ચતો દુક્ખતો અનત્તતો વિપસ્સન્તિ. મગ્ગો અરિયાનં અત્થપ્પટિસમ્ભિદાય…પે॰… ઠાનાઠાનકોસલ્લસ્સ ઉપનિસ્સયપચ્ચયેન પચ્ચયો. ફલસમાપત્તિ કાયિકસ્સ સુખસ્સ ઉપનિસ્સયપચ્ચયેન પચ્ચયો. (૨)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ariyā maggaṃ upanissāya anuppannaṃ samāpattiṃ uppādenti, uppannaṃ samāpattiṃ samāpajjanti, saṅkhāre aniccato dukkhato anattato vipassanti. Maggo ariyānaṃ atthappaṭisambhidāya…pe… ṭhānāṭhānakosallassa upanissayapaccayena paccayo. Phalasamāpatti kāyikassa sukhassa upanissayapaccayena paccayo. (2)
પુરેજાતપચ્ચયો
Purejātapaccayo
૧૭. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું અનિચ્ચતો દુક્ખતો અનત્તતો વિપસ્સતિ; સોતં… ઘાનં… જિવ્હં… કાયં… રૂપે… સદ્દે… ગન્ધે… રસે… ફોટ્ઠબ્બે… વત્થું અનિચ્ચતો દુક્ખતો અનત્તતો વિપસ્સતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે॰… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે॰… કાયાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુ અસંકિલિટ્ઠસંકિલેસિકાનં ખન્ધાનં પુરેજાતપચ્ચયેન પચ્ચયો. (૧)
17. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato dukkhato anattato vipassati; sotaṃ… ghānaṃ… jivhaṃ… kāyaṃ… rūpe… sadde… gandhe… rase… phoṭṭhabbe… vatthuṃ aniccato dukkhato anattato vipassati, dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa purejātapaccayena paccayo. Vatthu asaṃkiliṭṭhasaṃkilesikānaṃ khandhānaṃ purejātapaccayena paccayo. (1)
અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું અસ્સાદેતિ અભિનન્દતિ; તં આરબ્ભ રાગો ઉપ્પજ્જતિ…પે॰… દોમનસ્સં ઉપ્પજ્જતિ. સોતં…પે॰… ફોટ્ઠબ્બે… વત્થું અસ્સાદેતિ અભિનન્દતિ ; તં આરબ્ભ રાગો ઉપ્પજ્જતિ…પે॰… દોમનસ્સં ઉપ્પજ્જતિ. વત્થુપુરેજાતં – વત્થુ સંકિલિટ્ઠસંકિલેસિકાનં ખન્ધાનં પુરેજાતપચ્ચયેન પચ્ચયો. (૨)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… phoṭṭhabbe… vatthuṃ assādeti abhinandati ; taṃ ārabbha rāgo uppajjati…pe… domanassaṃ uppajjati. Vatthupurejātaṃ – vatthu saṃkiliṭṭhasaṃkilesikānaṃ khandhānaṃ purejātapaccayena paccayo. (2)
અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ પુરેજાતપચ્ચયેન પચ્ચયો – વત્થુ અસંકિલિટ્ઠઅસંકિલેસિકાનં ખન્ધાનં પુરેજાતપચ્ચયેન પચ્ચયો. (૩)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa purejātapaccayena paccayo – vatthu asaṃkiliṭṭhaasaṃkilesikānaṃ khandhānaṃ purejātapaccayena paccayo. (3)
પચ્છાજાતપચ્ચયો
Pacchājātapaccayo
૧૮. સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા સંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)
18. Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā saṃkiliṭṭhasaṃkilesikā khandhā purejātassa imassa kāyassa pacchājātapaccayena paccayo. (1)
અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અસંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā asaṃkiliṭṭhasaṃkilesikā khandhā purejātassa imassa kāyassa pacchājātapaccayena paccayo. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અસંકિલિટ્ઠઅસંકિલેસિકા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā asaṃkiliṭṭhaasaṃkilesikā khandhā purejātassa imassa kāyassa pacchājātapaccayena paccayo. (1)
આસેવનપચ્ચયો
Āsevanapaccayo
૧૯. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા સંકિલિટ્ઠસંકિલેસિકા ખન્ધા પચ્છિમાનં પચ્છિમાનં સંકિલિટ્ઠસંકિલેસિકાનં ખન્ધાનં આસેવનપચ્ચયેન પચ્ચયો. (૧)
19. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa āsevanapaccayena paccayo – purimā purimā saṃkiliṭṭhasaṃkilesikā khandhā pacchimānaṃ pacchimānaṃ saṃkiliṭṭhasaṃkilesikānaṃ khandhānaṃ āsevanapaccayena paccayo. (1)
અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા…પે॰… અનુલોમં ગોત્રભુસ્સ… અનુલોમં વોદાનસ્સ આસેવનપચ્ચયેન પચ્ચયો. (૧)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa āsevanapaccayena paccayo – purimā purimā…pe… anulomaṃ gotrabhussa… anulomaṃ vodānassa āsevanapaccayena paccayo. (1)
અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ આસેવનપચ્ચયેન પચ્ચયો – ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૨)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (2)
કમ્મપચ્ચયો
Kammapaccayo
૨૦. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ કમ્મપચ્ચયેન પચ્ચયો – સંકિલિટ્ઠસંકિલેસિકા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)
20. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa kammapaccayena paccayo – saṃkiliṭṭhasaṃkilesikā cetanā sampayuttakānaṃ khandhānaṃ kammapaccayena paccayo. (1)
સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સંકિલિટ્ઠસંકિલેસિકા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. નાનાક્ખણિકા – સંકિલિટ્ઠસંકિલેસિકા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૨)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – saṃkiliṭṭhasaṃkilesikā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – saṃkiliṭṭhasaṃkilesikā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)
સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ચ અસંકિલિટ્ઠસંકિલેસિકસ્સ ચ ધમ્મસ્સ કમ્મપચ્ચયેન પચ્ચયો – સંકિલિટ્ઠસંકિલેસિકા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa kammapaccayena paccayo – saṃkiliṭṭhasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)
અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અસંકિલિટ્ઠસંકિલેસિકા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. પટિસન્ધિક્ખણે…પે॰…. નાનાક્ખણિકા – અસંકિલિટ્ઠસંકિલેસિકા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – asaṃkiliṭṭhasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – asaṃkiliṭṭhasaṃkilesikā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અસંકિલિટ્ઠઅસંકિલેસિકા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. નાનાક્ખણિકા – અસંકિલિટ્ઠઅસંકિલેસિકા કુસલા ચેતના વિપાકાનં અસંકિલિટ્ઠઅસંકિલેસિકાનં ખન્ધાનં કમ્મપચ્ચયેન પચ્ચયો. (૧)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – asaṃkiliṭṭhaasaṃkilesikā cetanā sampayuttakānaṃ khandhānaṃ kammapaccayena paccayo. Nānākkhaṇikā – asaṃkiliṭṭhaasaṃkilesikā kusalā cetanā vipākānaṃ asaṃkiliṭṭhaasaṃkilesikānaṃ khandhānaṃ kammapaccayena paccayo. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ કમ્મપચ્ચયેન પચ્ચયો – સહજાતા અસંકિલિટ્ઠઅસંકિલેસિકા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. (૨)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā asaṃkiliṭṭhaasaṃkilesikā cetanā cittasamuṭṭhānānaṃ rūpānaṃ kammapaccayena paccayo. (2)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ચ અસંકિલિટ્ઠઅસંકિલેસિકસ્સ ચ ધમ્મસ્સ કમ્મપચ્ચયેન પચ્ચયો – સહજાતા અસંકિલિટ્ઠઅસંકિલેસિકા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa kammapaccayena paccayo – sahajātā asaṃkiliṭṭhaasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)
વિપાકપચ્ચયો
Vipākapaccayo
૨૧. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ વિપાકપચ્ચયેન પચ્ચયો – વિપાકો અસંકિલિટ્ઠસંકિલેસિકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં વિપાકપચ્ચયેન પચ્ચયો…પે॰… દ્વે ખન્ધા દ્વિન્નં ખન્ધાનં…પે॰… પટિસન્ધિક્ખણે અસંકિલિટ્ઠસંકિલેસિકો એકો ખન્ધો તિણ્ણન્નં ખન્ધાનં કટત્તા ચ રૂપાનં વિપાકપચ્ચયેન પચ્ચયો =૧૯ …પે॰… દ્વે ખન્ધા દ્વિન્નં ખન્ધાનં…પે॰… ખન્ધા વત્થુસ્સ વિપાકપચ્ચયેન પચ્ચયો. (૧)
21. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vipākapaccayena paccayo – vipāko asaṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe asaṃkiliṭṭhasaṃkilesiko eko khandho tiṇṇannaṃ khandhānaṃ kaṭattā ca rūpānaṃ vipākapaccayena paccayo =19 …pe… dve khandhā dvinnaṃ khandhānaṃ…pe… khandhā vatthussa vipākapaccayena paccayo. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ વિપાકપચ્ચયેન પચ્ચયો – વિપાકો અસંકિલિટ્ઠઅસંકિલેસિકો એકો ખન્ધો તિણ્ણન્નં ખન્ધાનં વિપાકપચ્ચયેન પચ્ચયો…પે॰… દ્વે ખન્ધા દ્વિન્નં ખન્ધાનં…પે॰…. (૧)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa vipākapaccayena paccayo – vipāko asaṃkiliṭṭhaasaṃkilesiko eko khandho tiṇṇannaṃ khandhānaṃ vipākapaccayena paccayo…pe… dve khandhā dvinnaṃ khandhānaṃ…pe…. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ વિપાકપચ્ચયેન પચ્ચયો – વિપાકા અસંકિલિટ્ઠઅસંકિલેસિકા ખન્ધા ચિત્તસમુટ્ઠાનાનં રૂપાનં વિપાકપચ્ચયેન પચ્ચયો. (૨) અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ચ અસંકિલિટ્ઠઅસંકિલેસિકસ્સ ચ ધમ્મસ્સ વિપાકપચ્ચયેન પચ્ચયો – વિપાકો અસંકિલિટ્ઠઅસંકિલેસિકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં વિપાકપચ્ચયેન પચ્ચયો…પે॰… દ્વે ખન્ધા…પે॰…. (૩)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa vipākapaccayena paccayo – vipākā asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ vipākapaccayena paccayo. (2) Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa vipākapaccayena paccayo – vipāko asaṃkiliṭṭhaasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… dve khandhā…pe…. (3)
આહારપચ્ચયો
Āhārapaccayo
૨૨. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ આહારપચ્ચયેન પચ્ચયો… તીણિ.
22. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa āhārapaccayena paccayo… tīṇi.
અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આહારપચ્ચયેન પચ્ચયો – અસંકિલિટ્ઠસંકિલેસિકા આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો. પટિસન્ધિક્ખણે…પે॰… કબળીકારો આહારો ઇમસ્સ કાયસ્સ આહારપચ્ચયેન પચ્ચયો.
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa āhārapaccayena paccayo – asaṃkiliṭṭhasaṃkilesikā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo. Paṭisandhikkhaṇe…pe… kabaḷīkāro āhāro imassa kāyassa āhārapaccayena paccayo.
અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ આહારપચ્ચયેન પચ્ચયો… તીણિ.
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa āhārapaccayena paccayo… tīṇi.
ઇન્દ્રિયપચ્ચયો
Indriyapaccayo
૨૩. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ ઇન્દ્રિયપચ્ચયેન પચ્ચયો… તીણિ.
23. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa indriyapaccayena paccayo… tīṇi.
અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ ઇન્દ્રિયપચ્ચયેન પચ્ચયો – અસંકિલિટ્ઠસંકિલેસિકા ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે…પે॰… ચક્ખુન્દ્રિયં ચક્ખુવિઞ્ઞાણસ્સ…પે॰… કાયિન્દ્રિયં કાયવિઞ્ઞાણસ્સ ઇન્દ્રિયપચ્ચયેન પચ્ચયો. રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો.
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa indriyapaccayena paccayo – asaṃkiliṭṭhasaṃkilesikā indriyā sampayuttakānaṃ khandhānaṃ cittasamuṭṭhānānañca rūpānaṃ indriyapaccayena paccayo; paṭisandhikkhaṇe…pe… cakkhundriyaṃ cakkhuviññāṇassa…pe… kāyindriyaṃ kāyaviññāṇassa indriyapaccayena paccayo. Rūpajīvitindriyaṃ kaṭattārūpānaṃ indriyapaccayena paccayo.
અસંકિલિટ્ઠઅસંકિલેસિકો ધમ્મો… તીણિ.
Asaṃkiliṭṭhaasaṃkilesiko dhammo… tīṇi.
ઝાનપચ્ચયાદિ
Jhānapaccayādi
૨૪. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ ઝાનપચ્ચયેન પચ્ચયો… મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો.
24. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa jhānapaccayena paccayo… maggapaccayena paccayo… sampayuttapaccayena paccayo.
વિપ્પયુત્તપચ્ચયો
Vippayuttapaccayo
૨૫. સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – સંકિલિટ્ઠસંકિલેસિકા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – સંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)
25. Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, pacchājātaṃ. Sahajātā – saṃkiliṭṭhasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – saṃkiliṭṭhasaṃkilesikā khandhā purejātassa imassa kāyassa vippayuttapaccayena paccayo. (1)
અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – અસંકિલિટ્ઠસંકિલેસિકા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે અસંકિલિટ્ઠસંકિલેસિકા ખન્ધા કટત્તારૂપાનં વિપ્પયુત્તપચ્ચયેન પચ્ચયો. ખન્ધા વત્થુસ્સ…પે॰… વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે॰… કાયાયતનં કાયવિઞ્ઞાણસ્સ વિપ્પયુત્તપચ્ચયેન પચ્ચયો. વત્થુ અસંકિલિટ્ઠસંકિલેસિકાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – અસંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – asaṃkiliṭṭhasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo; paṭisandhikkhaṇe asaṃkiliṭṭhasaṃkilesikā khandhā kaṭattārūpānaṃ vippayuttapaccayena paccayo. Khandhā vatthussa…pe… vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa vippayuttapaccayena paccayo. Vatthu asaṃkiliṭṭhasaṃkilesikānaṃ khandhānaṃ vippayuttapaccayena paccayo. Pacchājātā – asaṃkiliṭṭhasaṃkilesikā khandhā purejātassa imassa kāyassa vippayuttapaccayena paccayo. (1)
અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ સંકિલિટ્ઠસંકિલેસિકાનં ખન્ધાનં વિપ્પયુત્તપચ્ચયેન પચ્ચયો. (૨)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa vippayuttapaccayena paccayo. Purejātaṃ – vatthu saṃkiliṭṭhasaṃkilesikānaṃ khandhānaṃ vippayuttapaccayena paccayo. (2)
અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ અસંકિલિટ્ઠઅસંકિલેસિકાનં ખન્ધાનં વિપ્પયુત્તપચ્ચયેન પચ્ચયો. (૩)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa vippayuttapaccayena paccayo. Purejātaṃ – vatthu asaṃkiliṭṭhaasaṃkilesikānaṃ khandhānaṃ vippayuttapaccayena paccayo. (3)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – અસંકિલિટ્ઠઅસંકિલેસિકા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – અસંકિલિટ્ઠઅસંકિલેસિકા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, pacchājātaṃ. Sahajātā – asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – asaṃkiliṭṭhaasaṃkilesikā khandhā purejātassa imassa kāyassa vippayuttapaccayena paccayo. (1)
અત્થિપચ્ચયો
Atthipaccayo
૨૬. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સંકિલિટ્ઠસંકિલેસિકો એકો ખન્ધો તિણ્ણન્નં ખન્ધાનં અત્થિપચ્ચયેન પચ્ચયો. (૧)
26. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa atthipaccayena paccayo – saṃkiliṭṭhasaṃkilesiko eko khandho tiṇṇannaṃ khandhānaṃ atthipaccayena paccayo. (1)
સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – સંકિલિટ્ઠસંકિલેસિકા ખન્ધા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – સંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ. Sahajātā – saṃkiliṭṭhasaṃkilesikā khandhā cittasamuṭṭhānānaṃ rūpānaṃ atthipaccayena paccayo. Pacchājātā – saṃkiliṭṭhasaṃkilesikā khandhā purejātassa imassa kāyassa atthipaccayena paccayo. (2)
સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ચ અસંકિલિટ્ઠસંકિલેસિકસ્સ ચ ધમ્મસ્સ અત્થિપચ્ચયેન પચ્ચયો – સંકિલિટ્ઠસંકિલેસિકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે॰… દ્વે ખન્ધા…પે॰…. (૩)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa atthipaccayena paccayo – saṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)
૨૭. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં , ઇન્દ્રિયં. સહજાતો – અસંકિલિટ્ઠસંકિલેસિકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે॰… પટિસન્ધિક્ખણે…પે॰… અસઞ્ઞસત્તાનં એકં મહાભૂતં તિણ્ણન્નં મહાભૂતાનં અત્થિપચ્ચયેન પચ્ચયો…પે॰… પુરેજાતં – ચક્ખું અનિચ્ચતો દુક્ખતો અનત્તતો વિપસ્સતિ. સોતં…પે॰… કાયં… રૂપે…પે॰… ફોટ્ઠબ્બે… વત્થું અનિચ્ચતો દુક્ખતો અનત્તતો વિપસ્સતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે॰… ફોટ્ઠબ્બાયતનં કાયવિઞ્ઞાણસ્સ અત્થિપચ્ચયેન પચ્ચયો. ચક્ખાયતનં ચક્ખુવિઞ્ઞાણસ્સ…પે॰… કાયાયતનં કાયવિઞ્ઞાણસ્સ…પે॰… વત્થુ અસંકિલિટ્ઠસંકિલેસિકાનં ખન્ધાનં અત્થિપચ્ચયેન પચ્ચયો. પચ્છાજાતા – અસંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. કબળીકારો આહારો ઇમસ્સ કાયસ્સ…પે॰… રૂપજીવિતિન્દ્રિયં કટત્તારૂપાનં અત્થિપચ્ચયેન પચ્ચયો. (૧)
27. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ , indriyaṃ. Sahajāto – asaṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… paṭisandhikkhaṇe…pe… asaññasattānaṃ ekaṃ mahābhūtaṃ tiṇṇannaṃ mahābhūtānaṃ atthipaccayena paccayo…pe… purejātaṃ – cakkhuṃ aniccato dukkhato anattato vipassati. Sotaṃ…pe… kāyaṃ… rūpe…pe… phoṭṭhabbe… vatthuṃ aniccato dukkhato anattato vipassati, dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa atthipaccayena paccayo. Cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu asaṃkiliṭṭhasaṃkilesikānaṃ khandhānaṃ atthipaccayena paccayo. Pacchājātā – asaṃkiliṭṭhasaṃkilesikā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa…pe… rūpajīvitindriyaṃ kaṭattārūpānaṃ atthipaccayena paccayo. (1)
અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો. પુરેજાતં – ચક્ખું અસ્સાદેતિ અભિનન્દતિ; તં આરબ્ભ રાગો ઉપ્પજ્જતિ…પે॰… દોમનસ્સં ઉપ્પજ્જતિ; વત્થું અસ્સાદેતિ…પે॰… વત્થુ સંકિલિટ્ઠસંકિલેસિકાનં ખન્ધાનં અત્થિપચ્ચયેન પચ્ચયો. (૨)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa atthipaccayena paccayo. Purejātaṃ – cakkhuṃ assādeti abhinandati; taṃ ārabbha rāgo uppajjati…pe… domanassaṃ uppajjati; vatthuṃ assādeti…pe… vatthu saṃkiliṭṭhasaṃkilesikānaṃ khandhānaṃ atthipaccayena paccayo. (2)
અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ અત્થિપચ્ચયેન પચ્ચયો. પુરેજાતં – વત્થુ અસંકિલિટ્ઠઅસંકિલેસિકાનં ખન્ધાનં અત્થિપચ્ચયેન પચ્ચયો. (૩)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa atthipaccayena paccayo. Purejātaṃ – vatthu asaṃkiliṭṭhaasaṃkilesikānaṃ khandhānaṃ atthipaccayena paccayo. (3)
૨૮. અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ અત્થિપચ્ચયેન પચ્ચયો – અસંકિલિટ્ઠઅસંકિલેસિકો એકો ખન્ધો તિણ્ણન્નં ખન્ધાનં અત્થિપચ્ચયેન પચ્ચયો…. (૧)
28. Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa atthipaccayena paccayo – asaṃkiliṭṭhaasaṃkilesiko eko khandho tiṇṇannaṃ khandhānaṃ atthipaccayena paccayo…. (1)
અસંકિલિટ્ઠઅસંકિલેસિકો ધમ્મો અસઙ્કિલિટ્ઠસંકિલિસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – અસંકિલિટ્ઠઅસંકિલેસિકા ખન્ધા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – અસંકિલિટ્ઠઅસંકિલેસિકા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)
Asaṃkiliṭṭhaasaṃkilesiko dhammo asaṅkiliṭṭhasaṃkilisikassa dhammassa atthipaccayena paccayo – sahajātaṃ, pacchājātaṃ. Sahajātā – asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ atthipaccayena paccayo. Pacchājātā – asaṃkiliṭṭhaasaṃkilesikā khandhā purejātassa imassa kāyassa atthipaccayena paccayo. (2)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ચ અસંકિલિટ્ઠઅસંકિલેસિકસ્સ ચ ધમ્મસ્સ અત્થિપચ્ચયેન પચ્ચયો – અસંકિલિટ્ઠઅસંકિલેસિકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…. (૩)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa atthipaccayena paccayo – asaṃkiliṭṭhaasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…. (3)
૨૯. અસંકિલિટ્ઠસંકિલેસિકો ચ અસંકિલિટ્ઠઅસંકિલેસિકો ચ ધમ્મા અસંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – અસંકિલિટ્ઠઅસંકિલેસિકા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – અસંકિલિટ્ઠઅસંકિલેસિકા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – અસંકિલિટ્ઠસંકિલેસિકા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૧)
29. Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – asaṃkiliṭṭhaasaṃkilesikā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – asaṃkiliṭṭhaasaṃkilesikā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – asaṃkiliṭṭhasaṃkilesikā khandhā ca rūpajīvitindriyañca kaṭattārūpānaṃ atthipaccayena paccayo. (1)
અસંકિલિટ્ઠસંકિલેસિકો ચ અસંકિલિટ્ઠઅસંકિલેસિકો ચ ધમ્મા અસંકિલિટ્ઠઅસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – અસંકિલિટ્ઠઅસંકિલેસિકો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે॰…. (૨)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhaasaṃkilesikassa dhammassa atthipaccayena paccayo – sahajātaṃ, purejātaṃ. Sahajāto – asaṃkiliṭṭhaasaṃkilesiko eko khandho ca vatthu ca tiṇṇannaṃ khandhānaṃ atthipaccayena paccayo…pe…. (2)
સંકિલિટ્ઠસંકિલેસિકો ચ અસંકિલિટ્ઠસંકિલેસિકો ચ ધમ્મા સંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – સંકિલિટ્ઠસંકિલેસિકો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો… દ્વે ખન્ધા…પે॰…. (૧)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā saṃkiliṭṭhasaṃkilesikassa dhammassa atthipaccayena paccayo – sahajātaṃ, purejātaṃ. Sahajāto – saṃkiliṭṭhasaṃkilesiko eko khandho ca vatthu ca tiṇṇannaṃ khandhānaṃ atthipaccayena paccayo… dve khandhā…pe…. (1)
સંકિલિટ્ઠસંકિલેસિકો ચ અસંકિલિટ્ઠસંકિલેસિકો ચ ધમ્મા અસંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – સંકિલિટ્ઠસંકિલેસિકા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – સંકિલિટ્ઠસંકિલેસિકા ખન્ધા ચ કબળીકારો આહારો ચ પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – સંકિલિટ્ઠસંકિલેસિકા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – saṃkiliṭṭhasaṃkilesikā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – saṃkiliṭṭhasaṃkilesikā khandhā ca kabaḷīkāro āhāro ca purejātassa imassa kāyassa atthipaccayena paccayo. Pacchājātā – saṃkiliṭṭhasaṃkilesikā khandhā ca rūpajīvitindriyañca kaṭattārūpānaṃ atthipaccayena paccayo. (2)
નત્થિ-વિગતાવિગતપચ્ચયા
Natthi-vigatāvigatapaccayā
૩૦. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.
30. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa natthipaccayena paccayo… vigatapaccayena paccayo… avigatapaccayena paccayo.
૧. પચ્ચયાનુલોમં
1. Paccayānulomaṃ
૨. સઙ્ખ્યાવારો
2. Saṅkhyāvāro
સુદ્ધં
Suddhaṃ
૩૧. હેતુયા સત્ત, આરમ્મણે છ, અધિપતિયા અટ્ઠ, અનન્તરે સત્ત, સમનન્તરે સત્ત, સહજાતે નવ, અઞ્ઞમઞ્ઞે તીણિ, નિસ્સયે તેરસ, ઉપનિસ્સયે અટ્ઠ, પુરેજાતે તીણિ, પચ્છાજાતે તીણિ, આસેવને તીણિ, કમ્મે સત્ત, વિપાકે ચત્તારિ, આહારે સત્ત, ઇન્દ્રિયે સત્ત, ઝાને સત્ત, મગ્ગે સત્ત, સમ્પયુત્તે તીણિ, વિપ્પયુત્તે પઞ્ચ, અત્થિયા તેરસ, નત્થિયા સત્ત, વિગતે સત્ત, અવિગતે તેરસ.
31. Hetuyā satta, ārammaṇe cha, adhipatiyā aṭṭha, anantare satta, samanantare satta, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane tīṇi, kamme satta, vipāke cattāri, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, natthiyā satta, vigate satta, avigate terasa.
હેતુસભાગં
Hetusabhāgaṃ
હેતુપચ્ચયા અધિપતિયા ચત્તારિ, સહજાતે સત્ત, અઞ્ઞમઞ્ઞે તીણિ, નિસ્સયે સત્ત, વિપાકે ચત્તારિ, ઇન્દ્રિયે ચત્તારિ, મગ્ગે ચત્તારિ, સમ્પયુત્તે તીણિ, વિપ્પયુત્તે તીણિ, અત્થિયા સત્ત, અવિગતે સત્ત.
Hetupaccayā adhipatiyā cattāri, sahajāte satta, aññamaññe tīṇi, nissaye satta, vipāke cattāri, indriye cattāri, magge cattāri, sampayutte tīṇi, vippayutte tīṇi, atthiyā satta, avigate satta.
હેતુસામઞ્ઞઘટના (૯)
Hetusāmaññaghaṭanā (9)
૩૨. હેતુ-સહજાત-નિસ્સય-અત્થિ-અવિગતન્તિ સત્ત. હેતુ-સહજાત-અઞ્ઞમઞ્ઞ-નિસ્સયઅત્થિ-અવિગતન્તિ તીણિ. હેતુ-સહજાત-અઞ્ઞમઞ્ઞ-નિસ્સય-સમ્પયુત્ત-અત્થિ-અવિગતન્તિ તીણિ. હેતુ-સહજાત-નિસ્સય-વિપ્પયુત્ત-અત્થિ-અવિગતન્તિ તીણિ. (અવિપાકં – ૪)
32. Hetu-sahajāta-nissaya-atthi-avigatanti satta. Hetu-sahajāta-aññamañña-nissayaatthi-avigatanti tīṇi. Hetu-sahajāta-aññamañña-nissaya-sampayutta-atthi-avigatanti tīṇi. Hetu-sahajāta-nissaya-vippayutta-atthi-avigatanti tīṇi. (Avipākaṃ – 4)
હેતુ-સહજાત-નિસ્સય-વિપાક-અત્થિ-અવિગતન્તિ ચત્તારિ. હેતુ-સહજાત-અઞ્ઞમઞ્ઞનિસ્સય-વિપાક-અત્થિ-અવિગતન્તિ દ્વે. હેતુ-સહજાત-અઞ્ઞમઞ્ઞ-નિસ્સય-વિપાકસમ્પયુત્ત-અત્થિ-અવિગતન્તિ દ્વે. હેતુ-સહજાત-નિસ્સય-વિપાક-વિપ્પયુત્ત-અત્થિ-અવિગતન્તિ દ્વે. હેતુ-સહજાત-અઞ્ઞમઞ્ઞ-નિસ્સય-વિપાક-વિપ્પયુત્ત-અત્થિ-અવિગતન્તિ એકં. (સવિપાકં – ૫) (સંખિત્તં.)
Hetu-sahajāta-nissaya-vipāka-atthi-avigatanti cattāri. Hetu-sahajāta-aññamaññanissaya-vipāka-atthi-avigatanti dve. Hetu-sahajāta-aññamañña-nissaya-vipākasampayutta-atthi-avigatanti dve. Hetu-sahajāta-nissaya-vipāka-vippayutta-atthi-avigatanti dve. Hetu-sahajāta-aññamañña-nissaya-vipāka-vippayutta-atthi-avigatanti ekaṃ. (Savipākaṃ – 5) (saṃkhittaṃ.)
(યથા કુસલત્તિકે, એવં વિત્થારેતબ્બં).
(Yathā kusalattike, evaṃ vitthāretabbaṃ).
અનુલોમં.
Anulomaṃ.
પચ્ચનીયુદ્ધારો
Paccanīyuddhāro
૩૩. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)
33. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો. (૨)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)
સંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો. (૩)
Saṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo. (3)
સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ચ અસંકિલિટ્ઠસંકિલેસિકસ્સ ચ ધમ્મસ્સ સહજાતપચ્ચયેન પચ્ચયો. (૪)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa sahajātapaccayena paccayo. (4)
૩૪. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો. (૧)
34. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૨)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (2)
અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૩)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo… purejātapaccayena paccayo. (3)
અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa sahajātapaccayena paccayo… upanissayapaccayena paccayo. (1)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો. (૨)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)
અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ચ અસંકિલિટ્ઠઅસંકિલેસિકસ્સ ચ ધમ્મસ્સ સહજાતપચ્ચયેન પચ્ચયો. (૩)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa sahajātapaccayena paccayo. (3)
અસંકિલિટ્ઠસંકિલેસિકો ચ અસંકિલિટ્ઠઅસંકિલેસિકો ચ ધમ્મા અસંકિલિટ્ઠસંકિલેસિકસ્સ ધમ્મસ્સ સહજાતં, પચ્છાજાતં, આહારં, ઇન્દ્રિયં. (૧)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhasaṃkilesikassa dhammassa sahajātaṃ, pacchājātaṃ, āhāraṃ, indriyaṃ. (1)
અસંકિલિટ્ઠસંકિલેસિકો ચ અસંકિલિટ્ઠઅસંકિલેસિકો ચ ધમ્મા અસંકિલિટ્ઠઅસંકિલેસિકસ્સ ધમ્મસ્સ સહજાતં, પુરેજાતં. (૨)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhaasaṃkilesikassa dhammassa sahajātaṃ, purejātaṃ. (2)
સંકિલિટ્ઠસંકિલેસિકો ચ અસંકિલિટ્ઠસંકિલેસિકો ચ ધમ્મા સંકિલિટ્ઠસંકિલેસિકસ્સ ધમ્મસ્સ સહજાતં, પુરેજાતં. (૧)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā saṃkiliṭṭhasaṃkilesikassa dhammassa sahajātaṃ, purejātaṃ. (1)
સંકિલિટ્ઠસંકિલેસિકો ચ અસંકિલિટ્ઠસંકિલેસિકો ચ ધમ્મા અસંકિલિટ્ઠસંકિલેસિકસ્સ ધમ્મસ્સ સહજાતં, પચ્છાજાતં, આહારં, ઇન્દ્રિયં. (૨)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā asaṃkiliṭṭhasaṃkilesikassa dhammassa sahajātaṃ, pacchājātaṃ, āhāraṃ, indriyaṃ. (2)
૨. પચ્ચયપચ્ચનીયં
2. Paccayapaccanīyaṃ
સુદ્ધં
Suddhaṃ
૩૫. નહેતુયા ચુદ્દસ, નઆરમ્મણે ચુદ્દસ, નઅધિપતિયા ચુદ્દસ, નઅનન્તરે ચુદ્દસ, નસમનન્તરે ચુદ્દસ, નસહજાતે દસ, નઅઞ્ઞમઞ્ઞે દસ, નનિસ્સયે દસ, નઉપનિસ્સયે તેરસ, નપુરેજાતે દ્વાદસ, નપચ્છાજાતે ચુદ્દસ, નઆસેવને ચુદ્દસ, નકમ્મે ચુદ્દસ, નવિપાકે ચુદ્દસ , નઆહારે ચુદ્દસ, નઇન્દ્રિયે ચુદ્દસ, નઝાને ચુદ્દસ, નમગ્ગે ચુદ્દસ, નસમ્પયુત્તે દસ, નવિપ્પયુત્તે અટ્ઠ, નોઅત્થિયા અટ્ઠ, નોનત્થિયા ચુદ્દસ, નોવિગતે ચુદ્દસ, નોઅવિગતે અટ્ઠ.
35. Nahetuyā cuddasa, naārammaṇe cuddasa, naadhipatiyā cuddasa, naanantare cuddasa, nasamanantare cuddasa, nasahajāte dasa, naaññamaññe dasa, nanissaye dasa, naupanissaye terasa, napurejāte dvādasa, napacchājāte cuddasa, naāsevane cuddasa, nakamme cuddasa, navipāke cuddasa , naāhāre cuddasa, naindriye cuddasa, najhāne cuddasa, namagge cuddasa, nasampayutte dasa, navippayutte aṭṭha, noatthiyā aṭṭha, nonatthiyā cuddasa, novigate cuddasa, noavigate aṭṭha.
દુકં
Dukaṃ
નહેતુપચ્ચયા નઆરમ્મણે ચુદ્દસ (સંખિત્તં.)
Nahetupaccayā naārammaṇe cuddasa (saṃkhittaṃ.)
(યથા કુસલત્તિકે પચ્ચનીયગણના, એવં ગણેતબ્બં.)
(Yathā kusalattike paccanīyagaṇanā, evaṃ gaṇetabbaṃ.)
પચ્ચનીયં.
Paccanīyaṃ.
૩. પચ્ચયાનુલોમપચ્ચનીયં
3. Paccayānulomapaccanīyaṃ
હેતુદુકં
Hetudukaṃ
૩૬. હેતુપચ્ચયા નઆરમ્મણે સત્ત, નઅધિપતિયા સત્ત, નઅનન્તરે સત્ત, નસમનન્તરે સત્ત, નઅઞ્ઞમઞ્ઞે તીણિ, નઉપનિસ્સયે સત્ત, નપુરેજાતે સત્ત, નપચ્છાજાતે સત્ત, નઆસેવને સત્ત, નકમ્મે સત્ત, નવિપાકે સત્ત, નઆહારે સત્ત, નઇન્દ્રિયે સત્ત, નઝાને સત્ત, નમગ્ગે સત્ત, નસમ્પયુત્તે તીણિ, નવિપ્પયુત્તે તીણિ, નોનત્થિયા સત્ત, નોવિગતે સત્ત.
36. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye satta, napurejāte satta, napacchājāte satta, naāsevane satta, nakamme satta, navipāke satta, naāhāre satta, naindriye satta, najhāne satta, namagge satta, nasampayutte tīṇi, navippayutte tīṇi, nonatthiyā satta, novigate satta.
ઘટના
Ghaṭanā
હેતુ-સહજાત-નિસ્સય-અત્થિ-અવિગતન્તિ નઆરમ્મણે સત્ત…પે॰… નઅઞ્ઞમઞ્ઞે તીણિ…પે॰… નસમ્પયુત્તે તીણિ, નવિપ્પયુત્તે તીણિ…પે॰… નોવિગતે સત્ત (સંખિત્તં.)
Hetu-sahajāta-nissaya-atthi-avigatanti naārammaṇe satta…pe… naaññamaññe tīṇi…pe… nasampayutte tīṇi, navippayutte tīṇi…pe… novigate satta (saṃkhittaṃ.)
(યથા કુસલત્તિકે અનુલોમપચ્ચનીયગણના વિભત્તા, એવં વિભજિતબ્બં.)
(Yathā kusalattike anulomapaccanīyagaṇanā vibhattā, evaṃ vibhajitabbaṃ.)
અનુલોમપચ્ચનીયં.
Anulomapaccanīyaṃ.
૪. પચ્ચયપચ્ચનીયાનુલોમં
4. Paccayapaccanīyānulomaṃ
નહેતુદુકં
Nahetudukaṃ
૩૭. નહેતુપચ્ચયા આરમ્મણે છ, અધિપતિયા અટ્ઠ, અનન્તરે સત્ત, સમનન્તરે સત્ત, સહજાતે નવ, અઞ્ઞમઞ્ઞે તીણિ, નિસ્સયે તેરસ, ઉપનિસ્સયે અટ્ઠ, પુરેજાતે તીણિ, પચ્છાજાતે તીણિ, આસેવને તીણિ , કમ્મે સત્ત, વિપાકે ચત્તારિ, આહારે સત્ત, ઇન્દ્રિયે સત્ત, ઝાને સત્ત, મગ્ગે સત્ત, સમ્પયુત્તે તીણિ, વિપ્પયુત્તે પઞ્ચ, અત્થિયા તેરસ, નત્થિયા સત્ત, વિગતે સત્ત, અવિગતે તેરસ.
37. Nahetupaccayā ārammaṇe cha, adhipatiyā aṭṭha, anantare satta, samanantare satta, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane tīṇi , kamme satta, vipāke cattāri, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, natthiyā satta, vigate satta, avigate terasa.
તિકં
Tikaṃ
નહેતુપચ્ચયા નઆરમ્મણપચ્ચયા અધિપતિયા સત્ત (સંખિત્તં.)
Nahetupaccayā naārammaṇapaccayā adhipatiyā satta (saṃkhittaṃ.)
(યથા કુસલત્તિકે પચ્ચનીયાનુલોમગણના વિભત્તા, એવં વિભજિતબ્બં.)
(Yathā kusalattike paccanīyānulomagaṇanā vibhattā, evaṃ vibhajitabbaṃ.)
પચ્ચનીયાનુલોમં.
Paccanīyānulomaṃ.
સંકિલિટ્ઠત્તિકં નિટ્ઠિતં.
Saṃkiliṭṭhattikaṃ niṭṭhitaṃ.
પટ્ઠાનપાળિ પઠમો ભાગો નિટ્ઠિતો.
Paṭṭhānapāḷi paṭhamo bhāgo niṭṭhito.
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૫-૨૨. સઙ્કિલિટ્ઠત્તિકાદિવણ્ણના • 5-22. Saṅkiliṭṭhattikādivaṇṇanā