| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૪૩૬. સમુગ્ગજાતકં (૧૦)
436. Samuggajātakaṃ (10)
૮૭.
87.
કુતો નુ આગચ્છથ ભો તયો જના, સ્વાગતા એથ 1 નિસીદથાસને;
Kuto nu āgacchatha bho tayo janā, svāgatā etha 2 nisīdathāsane;
કચ્ચિત્થ ભોન્તો કુસલં અનામયં, ચિરસ્સમબ્ભાગમનં હિ વો ઇધ.
Kaccittha bhonto kusalaṃ anāmayaṃ, cirassamabbhāgamanaṃ hi vo idha.
૮૮.
88.
અહમેવ એકો ઇધ મજ્જ પત્તો, ન ચાપિ મે દુતિયો કોચિ વિજ્જતિ;
Ahameva eko idha majja patto, na cāpi me dutiyo koci vijjati;
કિમેવ સન્ધાય તે ભાસિતં ઇસે, ‘‘કુતો નુ આગચ્છથ ભો તયો જના’’.
Kimeva sandhāya te bhāsitaṃ ise, ‘‘kuto nu āgacchatha bho tayo janā’’.
૮૯.
89.
તુવઞ્ચ એકો ભરિયા ચ તે પિયા, સમુગ્ગપક્ખિત્તનિકિણ્ણમન્તરે ;
Tuvañca eko bhariyā ca te piyā, samuggapakkhittanikiṇṇamantare ;
૯૦.
90.
સંવિગ્ગરૂપો ઇસિના વિયાકતો 7, સો દાનવો તત્થ સમુગ્ગમુગ્ગિલિ;
Saṃviggarūpo isinā viyākato 8, so dānavo tattha samuggamuggili;
અદ્દક્ખિ ભરિયં સુચિ માલધારિનિં, વાયુસ્સ પુત્તેન સહા તહિં રતં.
Addakkhi bhariyaṃ suci māladhāriniṃ, vāyussa puttena sahā tahiṃ rataṃ.
૯૧.
91.
સુદિટ્ઠરૂપમુગ્ગતપાનુવત્તિના 9, હીના નરા યે પમદાવસં ગતા;
Sudiṭṭharūpamuggatapānuvattinā 10, hīnā narā ye pamadāvasaṃ gatā;
યથા હવે પાણરિવેત્થ રક્ખિતા, દુટ્ઠા મયી અઞ્ઞમભિપ્પમોદયિ.
Yathā have pāṇarivettha rakkhitā, duṭṭhā mayī aññamabhippamodayi.
૯૨.
92.
દિવા ચ રત્તો ચ મયા ઉપટ્ઠિતા, તપસ્સિના જોતિરિવા વને વસં;
Divā ca ratto ca mayā upaṭṭhitā, tapassinā jotirivā vane vasaṃ;
સા ધમ્મમુક્કમ્મ અધમ્મમાચરિ, અકિરિયરૂપો પમદાહિ સન્થવો.
Sā dhammamukkamma adhammamācari, akiriyarūpo pamadāhi santhavo.
૯૩.
93.
સરીરમજ્ઝમ્હિ ઠિતાતિમઞ્ઞહં, મય્હં અયન્તિ અસતિં અસઞ્ઞતં;
Sarīramajjhamhi ṭhitātimaññahaṃ, mayhaṃ ayanti asatiṃ asaññataṃ;
સા ધમ્મમુક્કમ્મ અધમ્મમાચરિ, અકિરિયરૂપો પમદાહિ સન્થવો.
Sā dhammamukkamma adhammamācari, akiriyarūpo pamadāhi santhavo.
૯૪.
94.
સુરક્ખિતં મેતિ કથં નુ વિસ્સસે, અનેકચિત્તાસુ ન હત્થિ 11 રક્ખણા;
Surakkhitaṃ meti kathaṃ nu vissase, anekacittāsu na hatthi 12 rakkhaṇā;
એતા હિ પાતાલપપાતસન્નિભા, એત્થપ્પમત્તો બ્યસનં નિગચ્છતિ.
Etā hi pātālapapātasannibhā, etthappamatto byasanaṃ nigacchati.
૯૫.
95.
તસ્મા હિ તે સુખિનો વીતસોકા, યે માતુગામેહિ ચરન્તિ નિસ્સટા;
Tasmā hi te sukhino vītasokā, ye mātugāmehi caranti nissaṭā;
એતં સિવં ઉત્તમમાભિપત્થયં, ન માતુગામેહિ કરેય્ય સન્થવન્તિ.
Etaṃ sivaṃ uttamamābhipatthayaṃ, na mātugāmehi kareyya santhavanti.
સમુગ્ગજાતકં દસમં.
Samuggajātakaṃ dasamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૪૩૬] ૧૦. સમુગ્ગજાતકવણ્ણના • [436] 10. Samuggajātakavaṇṇanā
